Egiari Zor eta EH Bildu kritiko, Jaurlaritzak torturaren biktimak aitortzeko ekitaldiak atzeratu dituela eta
Egiari Zor Estatuko indarkeria pairatu duten biktimen eskubideak defendatzen dituen fundazioak eta EH Bilduk salatu dutenez, Eusko Jaurlaritzak Torturaren Nazioarteko Egunerako, ekainaren 26rako, aurreikusita zeuden aintzatespen ekitaldiak atzeratu ditu "alderdien arteko konfrontaziorako elementuak" sor ditzaketelakoan. Pedro Sanchezek uztailaren 23rako hauteskunde orokorrak deitu ondotik, ekitaldiok kanpainaurrean egingo lirateke.
NBEk ezarritako egun seinalaturako torturaren biktimentzat ekitaldi publiko eta instituzionala zeukan prestatuta Jaurlaritzaren Berdintasun, Justizia eta Gizarte Politiken Sailak. Era berean, eta Egiari Zor Fundazioak ohar batean zehaztu duenez, Gogora Institutuak ere "Torturaren kontrako Astea" egitekoa zuen ekainaren 20an eta 21ean. Azkenik, EHUko Kriminologiaren Euskal Institutuak txostena aurkeztu behar zuen torturak Euskadin izandako eraginari buruz. Horiek denak beste data batzuetan egitea erabaki du Sailak.
Nerea Melgosa buru duen Sailak azaldu duenez, ekitaldiok "hauteskundeen manipulaziotik babesteko" atzeratu dituzte. Horren arabera, gauza bera egin dute memoriarekin lotutako beste ekitaldi batzuetan, hala nola, Urduñako kartzela frankistan hildako preso batzuen gorpuzkiak familiari entregatzeko ekitaldia edota ETAri buruzko liburu baten aurkezpena. Jaurlaritzaren iritzian, "biktimon aitortza sozialean aurrea egiteko hauteskundeen konfrontaziotik atera behar ditugu".
Bestela uste du, ordea, Egiari Zor fundazioak. Ekitaldiok atzeratzearen erabakia "Jaurlaritzak saihestu asmo dituen interes alderdikoi horiengatik" hartu dutela iritzi dio, eta "biktimen mina kontuan ez hartzea" leporatu dio. "ETAren biktimak gogoan hartzeko egunak eta hauteskunde kanpainaren hasierak bat egingo balute, ekitaldiak ez lirateke inoiz beste data batera atzeratuko", salatu du. Fundazioaren hitzetan, "biktimek pairatu duten indarkeria jatorriaren araberako tratamendu asimetrikoan" sakondu du erabakiak.
Ildo beretik mintzatu da EH Bildu ere. Koalizio subiranistak "lotsagarritzat" jo du erabakia, are gehiago "Estatuaren biktimen interesak defendatu nahi dituztela esanez justifikatzen saiatzea". Julen Arzuaga EH Bilduko legebiltzarkideak galdera bota du horren harira: "Ausartuko ziren ETAren biktimen aldeko ekitaldi bat bertan behera uztera? Denok dakigu erantzuna ezezkoa dela". Azkenik, esan du "Estatuaren biktimen eskubideak egia, justizia eta aitortza emanez" defendatzen direla, "ez hori bera ukatuz".
Zure interesekoa izan daiteke
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.
Delituen gorakadaz eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz aritu dira dinamika parte-hartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimenduak kontuan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuek nahita lotzen dituzte segurtasun eza eta migrazioa. Eztabaidari heldu eta modu gardenean aurre egiteko beharra nabarmendu du.