Erabakitzeko eskubidearen aldeko aldarria zabaltzeko, 60.000 ikurrin banatuko ditu Gure Eskuk Tourrean
Aurtengo Frantziako Tourraren lehenengo hiru etapek Euskal Herria alderik alde zeharkatuko dutela aprobetxatuta, Gure Eskuk "Euskal Herriak Erabaki – Basques decide" leloa duten 60.000 ikurrin banatuko ditu bere aldarriak nazioartean entzunarazteko. Gaur Irunen egindako agerraldian ekimenaren arduradunek azaldu dutenez, ikurrin berezi horiek lortzeko modu ugari egongo dira. Ekainaren 29ra arte, Gure Eskuren online dendan eta herrietako taldeei eskatuta erosi ahal izango dira, 5 euroan. Tourraren egunetan, aldiz, Fan Park zaleentzako gunean, Naiz eta Berriaren gunean, diru-bilketan eta, uztailaren 3an, karabanan eskuratu ahal izango dira.
"Ikur horiek eskuan errepide bazterretara ateratzeko deia egiten diegu euskal herritarrei, guztion artean argi adierazteko gure etorkizuna erabakitzea gure esku egon behar dela", Gure Eskukoen esanetan. Halaber, etxeko balkoietan erabakitzearen aldeko ikurrinak eskegitzeko deia ere egin dute, "geure mezua leku guztietan ikus dadin".
Bestalde, gaurko agerraldian gogoratu dutenez, "1.000 ikurrin baietz!" erronka jarri dute martxan. "Bide bazterretan sortuko den ikurrin uholde horretaz gain", 1.000 makiladun ikurrin banatuko dituzte egunero: ekainaren 29an, Bilbon, taldeen aurkezpenean; uztailaren 1ean, Bilbon; uztailaren 2an, Gasteizko irteeran eta Donostiako helmugan; eta uztailaren 3an, Zornotzako irteeran, Baionako helmugan eta Bidasoan. Ikurrinok jasotzeko, interesatuek aldez aurretik izena eman beharko dute Gure Eskuk eskuragarri jarri duen webgunearen bidez. Zein egunetan eta zein tokitan hartu eta utzi ahalko diren azalduko dute bertan.
Halaber, uztailaren 3an, ekimen berezia egingo dute Bidasoan, "bi aldeetan euskaldunak bizi garela eta aldarrikapen ugari dituen herria garela erakusteko". Gune horretan, indar erakustaldia egiteak "berebiziko garrantzia" du Gure Eskurentzat, Tourreko antolatzaileentzat bertan amaitzen baita Espainiako zatia eta bertan hasten baita Frantziako bidea. "Guretzat dena da Euskal Herria, Bidasoa ez da muga, zubia baizik, eta herri honen jarraipena irudikatuko dugu bertan", azaldu dute.
12:00etan jarri dute hitzordua, Irungo Santiago frontoian; ondoren, kalejira egingo dute Santiago zubiraino Pirritx, Porrotx eta Marimotots pailazoekin, erraldoi eta buruhandiekin, eta beste hainbat musikarirekin ere, Josu Etxaburu bozeramaileak iragarri duenez.
Azkenik, "inoiz egin den ikurrinik erraldoiena" sortuko dute herritarren babesarekin; ikurrin horrek ere "Euskal Herriak erabaki – Basques decide" mezua izango du, eta uztailaren 1ean Bakion egongo da, uztailaren 2an Larraitzen eta uztailaren 3an Urruñan.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.