Bellochek GALen kostua "minimoa" izan zela esan du, "jende asko" zegoelako hura finantzateko prest
Soka luzea ekarri duten adierazpenak egin ditu Juan Alberto Bellochek El Periódico de Aragón egunkarian, bere memoriak biltzen dituen liburuaren aurkezpenaren harira.
Elkarrizketa horretan, Felipe Gonzalezen garaian Espainiako Justizia eta Barne ministro zenak esan du berari ere dena iruditu zitzaiola bidezko ETAren kontra. Horren hitzetan, jendea ez zegoen GALen kontra, talde horren baldarkeriaren kontra baizik. "Arlote kuadrilla bat zen, Gobernuaren zerbitzu batzuen laguntza izango zuten agian, baina euren jarduteko modu baldarrak berak erakusten du Estatua ez zegoela atzean. Horrela izan balitz, hobeto egingo zen".
Galindok mailaz igotzeko "meritu nahikoa eta soberan" izan zituen, horren hitzetan, eta "torturak ez zuen ezertarako balio", "ETAk ordena zehatzak" ematen zizkielako militanteei "parte hartu zuten guztia esan zezaten, desmoralizazioa saihesteko".
Halaber, adierazi duenez, "GAL taldearen kostua minimoa izan zen", "boluntario mordoa" zegoelako prest taldea finantzatzeko.
Bellochek GALen inguruan egin dituen adierazpenek kritika eta erreakzio zaparrada ekarri dute.
Sare sozialetan laster erakutsi dute hitz horiekiko arbuioa hainbat politikarik eta biktimak.
Estatu-biktimentzat egia, aitortza eta justizia eskatzen dituen Egiari Zor Fundazioak salatu du adierazpen horiek estatu-krimenen "inpunitateaz ziur den batek" baino ezin dituela egin:
Fernando Buesa Blanco Fundazioak ere gogor kritikatu ditu hitz horiek, eta honakoa esan dio: "Bellock jauna, akatsa izan zen, eta izugarrikeria justifikaezina"
ETAk aitarik gabe utzi zituen Maria Jauregi, Iñaki Garcia Arrizabalaga eta Josu Elespe ere hitz horien aurka agertu dira. Jauregik inpunitatea salatu du eta elkartasuna adierazi die estatu-terrorismoaren biktimei, Garcia Arrizabalagak ere elkartasuna adierazi die GALen biktimei eta adierazpenok terrorismoaren biktima guztiei kalte egiten diela azpimarrtau du eta Elespek "gizagabetasun higuingarria", idatzi du Twitterreko bere kontuan.
Alderdi sozialistako hainbat kidek erakutsi dute hitz horiekiko gaitzespena.
Eneko Andueza PSE-EEko idazkari nagusiak, hitz horiek "nazka" eragiten diotela adierazi du eta bat egin du biktimekin.
Denis Itxaso Espainiako Gobernuak Euskadin duen ordezkariak esan du inongo indarkeriak ez direla balioetsi behar, eta gutxiago Estatuak eragindakoa:
Ildo beretik hitz egin dute Rafaela Romero edo Jose Igancio Asensio PSE-EEko kideek ere.
Pilar Garrido Podemos Euskadiko koordinatzailearen aburuz, "lotsagarriak" dira adierazpen horiek, eta egia, justizia, erreparazioa eta ez errepikatzeko bermea eskatu ditu.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.