"Que te vote Txapote" leloak zatiketa eta eztabaida eragin ditu biktimen artean
ETAren hainbat biktimak eta Covite eta Fernando Buesa biktimen elkarteek alderdiei eta herritarrei eskatu diete ez dezatela erabil "Que te vote Txapote" leloa, indarkeriari garrantzia kendu eta hutsal bihurtzen duelako.
Bi elkarte horiez gain, oharra ETAk hildako 20 bat pertsonaren senideek norbanako gisa sinatu du, tartean Iruretagoiena eta Zamarreño, PPko zinegotzi erailen senideak. Gainera, Jose Maria Lobato Txapoteren zuzeneko biktima ere badago tartean.
Oharrean diote "oso mingarria zaiola biktima askori" lelo hori, eta "indarkeria deslegitimatzeko bidean ez duela batere laguntzen". Krudela eta duintasunaren aurkakoa da sinatzaileentzat, Garcia Gaztelu "Txapote"ren biktimek etenik gabe beren hiltzailearen izena entzun beharra. Era berean indarkeriaren erabilera partidistaren aurkako jarrera azaldu dute oharrean.
Consuelo Ordoñez Coviteko presidenteak azken egunotan azaldu du bere jarrera kritikoa "Que te vote Txapote" leloaren aurrean, hauteskunde kanpainan Pedro Sanchezek EH Bildurekin lortutako akordioak kritikatzeko "eslogan gisa erabiltzeagatik.
Beste biktima batzuek leloa babestu dute
Hala ere, terrorismoaren 100 bat biktima, horien artean Marimar Blanco PPko ordezkaria, Miguel Angel Blancoren arreba, eta Angeles Pedraza, M11ko atentatuetan alaba galdu zuena, leloa "babesten" ari dira.
"Goiburua babesten dugu, herriaren adierazpen askatasunerako eskubidearen parte dela uste dugulako", adierazi dute. Bigarren adierazpen horren sinatzaileek nabarmendu dute ulertzen dutela "esaldiarekin ordezkatuta ez senti daitezkeen beste biktima batzuk egotea", baina ohartarazi dute "horiek ez direla kolektiboaren monopolioarekin egin behar".
"Ezinezkoa da iruditeria kolektibotik herritik sortu den esamolde bat desagerraraztea", defendatu dute, eta azpimarratu dute, gainera, bat egiten dutela goiburu horrekin, Pedro Sanchez Espainiako Gobernuko presidentearen jokabidea "iraingarria" izan delako.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.