Inbestidura badago eta legealdia abiatzen bada, lurralde ereduaren eztabaida irekiko dela esan du Otegik
Hasi berri den urte politiko berria "interesgarria" izango dela iragarri du Arnaldo Otegik, eta, Espainiako Estatuan inbestidura badago eta legealdia abiatzen bada, lurralde ereduaren eztabaida irekiko dela. EH Bilduko koordinatzaile nagusiaren iritziz, debate hori "gauza ona izango da euskaldunentzat, euskaldunok denok elkarrekin jokatzen badugu".
Euskadi Irratiko "Faktoria" saioan egin dioten elkarrizketan, Iñigo Urkullu lehendakariak proposatutako konbentzio konstituzionalaren ideia ere izan du hizpide Otegik. EH Bilduko koordinatzaileak "errespetuz" hartu du proposamena, baina ez du aukera hori aurreikusten Espainiako Estatuan. Bestalde, Estatuarekin herri ikuspegi batetik negoziatu behar dela nabarmendu du, ez alderdi ikuspegitik. Herri proposamen bat aurkeztearen aldekoa dela aipatu du: "Guretzat funtsezkoa da, lehenik eta behin, euskaldunok Euskal Herrian eztabaidatzea, erabakitzea eta adostea, ahalik eta gehienekin, zer den egin nahi dugun urratsa".
Datorren urtean Eusko Legebiltzarrerako hauteskundeetan EH Bilduren lehendakarigai izango den galdetuta, aurretik esandakoa berretsi du; alegia, EH Bilduren militantziak bozkatuko duela eta, unea heltzen bada, berak hartuko duela erabakia.
Halaber, Espainian Gobernua osatzeko ahaleginen inguruan ere galdetu diote. Negoziazioak zailak izango direla esan du, alderdi askoren babesa behar delako, baina azkenean Pedro Sanchez presidente izendatuko dutela uste du Otegik. Testuinguru horretan, Carles Puigdemont Generalitateko presidente ohiak gaur jakinarazi ditu Pedro Sanchezen inbestidura negoziatzeko Juntsek jarriko dituen baldintzak.
Atzo, hain zuzen ere, Puigdemontek Yolanda Diaz Sumarreko buru eta Espainiako Gobernuko jarduneko bigarren presidenteordearekin Bruselan izandako bileraren inguruan ere hitz egin du Otegik. Horren esanetan, "normalizaziorako aukera bat ematen du, normalizatzen du Puigdemont". Edonola ere, azpimarratu du benetako negoziazioek ez dutela argazkirik izaten eta gauzak publikoki egiten direnean arazoak sortzen direla. Horren aurrean, EH Bilduren estrategia "zarata gutxi eta lan asko egitea" dela esan du.
Kataluniako alderdiek daramaten negoziazio estrategiaz galdetuta, zuhurtzia handiz hitz egin du. Amnistiari buruz galdetuta, berriz, adierazi du askotan politikan gauza bat esan eta beste bat egiten dela.
Albiste gehiago politika
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.