Fernando Buesa Fundazioak familiaren "samin sakona" nabarmendu du haren hilobiak jasandako erasoa tarteko
Fernando Buesa ETAk 2000. urtean hildako PSE-EEko buruzagiaren familiak "samin sakona" du haren hilobiaren kontra egindako "bandalismo" ekintza tarteko. Era berean, atzo Buesaren zein Jorge Diez bizkartzainaren (hura ere atentatu berean hil zuten) monolitoaren kontra egindako erasoa gaitzetsi du.
"Familia triste dago, hunkituta, urduri ere bai, gogora baita. Atzera bueltatzea bezala da, Fernandoren hilketara itzultzea bezala, eta Jorge Diezen familia ere sufritzen ari da", nabarmendu du Eduardo Mateo Fundazioko proiektuen arduraduna.
Mateok Gasteizko Bozeramaileen Batzordeak goizean onartu duen adierazpen instituzionalaz ere mintzatu da. EH Bildu ez beste taldeek onartu dute gaitzespen testua, eta koalizioari zuzendu zaio: "Hizkuntza oso garrantzitsua da eta gaitzespenak esanahi etiko eta morala du. Beti gertatu izan da gauza bera, eta kasu honetan, mundu horretako jende guztiari eskatzen diogu aurrerapausoa egin dezala eta aitortu dezala indarkeriak ez zuela existitu behar, ez zela bidezkoa izan. Deslegitimatu eta gaitzetsi behar dugu", argudiatu du.
Fundazioaren aburuz, EH Bilduk "pausoak ematen ez baditu, elkarbizitza ez da posible". Bestalde, Otegik erasoa "errefusatu" duela eta, Mateok esan du "egileak ezagutzen ez baditu" ekintzok "gaitzetsi" beharko lituzkeela.
Sara Buesa Fernando Buesaren alaba minduta mintzatu da, eta "gorrotoaren eta ankerkeriaren aurrean, maitasuna eta errukia" zabaltzen jarraituko duela hitzeman du.
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".