Rodriguez Ranz: "Mimoz prestatu dugu gaurko ekitaldia, aitormen integrala eman nahi diegu biktima hauei"
Eusko Jaurlaritzak Giza Eskubideen urraketen biktimak omenduko ditu arratsaldean Donostian, Kursaalen egingo duten ekitaldi batean. Omenaldia polizia abusuen biktimak baloratzeko batzordeak bere hirugarren txostena aurkeztu eta biharamunean egingo dute. Hain justu, ekitaldiaz eta batzordeak egindako eskaerez mintzatu da gaur Jose Antonio Rodriguez Ranz Jaurlaritzako Giza Eskubide, Memoria eta Lankidetzako sailburuordea.
Euskadi Irratiko "Faktoria" saioan egin dioten elkarrizketan, gaurko ekitaldia "mimoz" prestatu dutela nabarmendu du Rodriguez Ranzek, Jaurlaritzaren helburua biktimoi "aitormen integrala" ematea baita. Sailburuordeak garrantzia kendu dio omenaldian lehendakaria ez egoteari, eta azaldu du urteroko omenaldietan ez dagoela aurreikusita lehendakariaren presentzia. "Prozesuaren bukaerarako aurreikusita dugun ekitaldi berezian, egon egongo da", azpimarratu du. "Terrorismoaren biktimen omenaldiekin ere horrela jokatu dugu, irizpide berdina dugu biktima guztientzat", azaldu du.
Rodriguez Ranzek goraipatu egin du balorazio batzordearen lana, "zorroztasun eta humanitate osoz" egin delako. Batzordeak baliabide gehiago eskatu dituela eta, sailburuordeak azpimarratu du "dudarik gabe" hala egiten jarraitu beharko dutela, baina gaineratu du batzordearen metodologian ere moldaketak egin beharko direla kasu gehiago aztertu ahal izateko. Legearen erreformari dagokionez, aitortu du "seguraski modu lasaiean planteatu" behar dela, eta besteak beste, epeak luzatzearen alde azaldu da. Sailburuordearen aburuz, "legea hobetu daiteke".
Albiste gehiago politika
Miguel Tellado eta Aitor Estebanen arteko eztabaida, Cerdanen eta curriculum makillatuen kontura
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.