Sanchezen inbestidurarako EAJren eta PSOEren arteko akordioa "gertu bezain urrun" dagoela esan du Atutxak
Itxura guztien arabera, Pedro Sanchezen inbestidura datorren astean izango da, baina PSOEren presidentegaiak ez du oraindik babes nahikorik Espainiako presidente izendatua izateko. Itxaso Atutxa EAJren Bizkai Buru Batzarreko presidentearen arabera, jeltzaleen eta sozialisten arteko akordioa "gertu bezain urrun" dago. Euskadi Irratiko "Faktoria" saioan egin dioten elkarrizketan azaldu duenez, bi aldeak dokumentuak trukatzen ari dira, eta Alderdi Sozialistaren esku dago negoziazioa arintzea edo luzatzea.
Sozialistekin adostutakoa beteko dela ziurtatzeko bermeen inguruan galdetuta, Atutxak erantzun du EAJren Kongresuko bost botoak izango direla bermerik onena. Horren esanetan, PSOEk jeltzaleen botoak beharko ditu Aurrekontuak edo legeak aurrera ateratzeko, eta, hitz emandakoa betetzen ez duen neurrian, EAJren babesa zalantzan izango du.
PSOE ERCrekin eta Juntsekin negoziatzen ari den amnistia legeari buruz galdetuta, Atutxak esan du ezin duela balorazio zehatzik egin ez dutelako testua oraindik esku artean. Itxuraz, inbestidura babestuko duten taldeen sinadurarekin erregistratuko dute datozen orduetan lege testua Kongresuan. Horri buruz galdetuta, Atutxak ez du eman ez ezezkorik, ez baiezkorik. "Inork ez digu sinadura eskatu, eta inork ez digu guri testua pasatu", esan du. Dena dela, hurrengo ordu edo egunetan jeltzaleekin harremanetan jarriko direla uste du. Ildo horretan, kataluniarren oniritziarekin zabaldutako "erdibideko" konponbidea begi onez hartu du, eta jeltzaleak "beti" laguntzeko prest daudela berretsi du.
Gobernu akordioan PSOEk eta Sumarrek jaso duten energia konpainien gaineko zerga bereziaz galdetuta, Atutxak erantzun du jeltzaleek ez dutela presiotzat hartu Petronorrek Euskadirako bi inbertsio airean utzi izana.
Bestalde, Gernikan Jose Maria Gorroñok alkate izaten jarraitzen du, hauteskundeak izan eta hilabetera erreleboa emango zuela espero bazen ere. Atutxaren esanetan, ez dago akordiorako jarrerarik, eta Gorroñok oposiziora bidali ditu jeltzaleak.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.