Sumarrekin negoziatzeko eta hautagaitza bateratua osatzeko borondatea agertu du Gorrotxategik
Podemos eta Sumar alderdiek Galiziako hauteskundeetan lorturiko emaitzen ondotik, Sumar, Ezker Anitza eta Berdeak-Equo alderdiekin koalizioan aurkeztu ahal izateko borondatea agertu du Miren Gorrotxategi Podemoseko lehendakarigaiak.
Radio Euskadin eskainitako elkarrizketan Gorrotxategik azaldu duenez, ezker konfederala batuta aurkezteko aukerak daude, hain justu, zerrendak eta koalizioak erregistratzeko epea amaitzen den arte. Are gehiago, gelditzen den denboran berak eta bere alderdiak ahal duten "guztia" egingo dutela batasun hori gauzatzeko. "Beti esan dut eta uste dut erantzukizun historikoa dela batasun hori lortzen ahalegintzea", gaineratu du.
Elkarrekin Podemos-IUk Eusko Legebiltzarrean duen bozeramailearen esanetan, lehendakarigai izateko eta proiektua gidatzen jarraitzeko "indarra", "energia" eta "ilusioa" baditu ere, militantziak erabakitzen duena egingo du. Ildo horretan, egon behar duen tokian eta alderdiak esaten dion tokian egongo dela zehaztu du.
Podemos Eusko Legebiltzarretik kanpo gelditu ote litekeen galdetuta, Euskadi ez dela Galizia erantzun du Gorrotxategik. Azaldu duenez, Galizian ez bezala, Euskadin Podemosek lehenagotik badu ordezkaritza Legebiltzarrean eta EAEn nahikoa da botoen % 3 eskuratzea horretarako, Galizian, aldiz, % 5a behar da.
Edozein kasutan, Galizian gertatu denari "begiratu" behar zaiola uste du. Gorrotxategiren iritziz, ezker konfederala batuta aurkeztu izan balitz "emaitza hobea izango zen".
Adostasun ezak kezka eragin du ezker konfederalaren espazioan eta, hori dela eta, Euskal Autonomia Erkidegoan Elkarrekin Sumar bai ekimena aurkeztu dute batasuna bultzatzeko. Plataformak bilera bat proposatuko balu bertan izango dela nabarmendu du Elkarrekin Podemos-IUko legebiltzarkideak.
Albiste gehiago politika
Etxanobek adingabeen harrera ereduari buruz "sakon hausnartzea" eskatu du
"Inplikazio sozial eta instituzional handiagoa eskatzen dugu, bereziki gertakari larrien aurka egin behar denean, hala nola adingabeen nazioarteko fluxua eta gure lurralderako sarbidea kontrolatzen duten mafiak egiten dituztenean, eta identifikazio agiri ofizialak faltsutzen dituztenean", ohartarazi du.
Gazara bidean den Global Sumud flotillari laguntzeko ontzi bat bidaliko duela iragarri du Pedro Sanchezek
"Kideek zailtasunen bat izanez gero erreskatatu ahal izateko bidaliko dugu, horrelakorik ez gertatzea espero dugun arren", gaineratu du Sanchezek, eta flotilla horretan dauden espainiarrak "munduko milioika lagunen elkartasunaren adierazgarri" direla adierazi du.
Albiste izango da: 40 urte Monbar Hoteleko atentatua izan zela, Pentsiodunen herri-ekimena eta Zinemaldia
Orainek gaur landuko dituen albiste nagusien laburpena.
Pedro Sanchezek adierazi du emaztea eta anaia errugabeak direla eta egia gailenduko dela
Pedro Sanchez Espainiako Gobernuko presidenteak adierazi du ziur dagoela Begoña Gomez emaztea eta David Sanchez anaia errugabeak direla, eta "denborak gauzak bere lekuan jarriko" dituela, eta egia gailenduko dela. Sanchezek emaztearen eta anaiaren egoera judizialari buruz hitz egin du New Yorken emandako prentsaurrekoan, NBEren goi-bilera dela eta.
40 urte igaro dira Baionako Monbar hoteleko atentatutik, GALek egindako odoltsuena
Lau pertsona hil zituzten, tirokatuta, eta bostgarren bat zauritu zuten. Urte batzuk geroago hilketaren autore materialak epaitu zituzten: Marseillako bi mertzenario. Epaiketan zehar, Espainiako Estatuko zerbitzu sekretuek kontratatu zituztela aitortu zuten, baina ikerketa itxi zuten, froga faltagatik.
Pentsioei buruzko eztabaidari "bizkarra ez emateko" eskatu die EH Bilduk EAJri eta PSEri
EH Bilduk pentsioen inguruko eztabaidari bide emateko eskatu die EAJri eta PSEri. Akats larritzat eta kezkagarritzat jo dute 145.000tik gora lagunek egindako eskaerari bizkarra ematea.
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.