EH Bildu: "Gobernantza eredu berri bati irekiera eman behar dion ziklo politiko berri batean gaude"
Arnaldo Otegi EH Bilduko koordinatzaile nagusiak gaur adierazi duenez, "gobernantza eredu berri bati irekiera eman behar dion ziklo politiko berri batean gaude".
EH Bilduko Mahai Politikoak bilera egin du gaur arratsaldean, hauteskunde-eguneko emaitzen irakurketa sakonagoa egiteko. Ondoren, Otegik agerraldia egin du.
Otegiren hitzetan, boto-emaileek "politika abertzaleagoak, politika subiranistagoak eta ezkerreko politikak" eskatu dituzte.
Koalizioko koordinatzaile nagusiak "eskerrik beroena" eman nahi izan die hautesleei, euskal diasporari zein militanteei hauteskunde-egunaren biharamunean. Aurreneko biei emandako konfiantzagatik eta hirugarrenei "sekulako kanpaina" egin dutelako.
"Aldaketa hemen dago", nabarmendu du Otegik agerraldiaren hasieran. EH Bilduko buruzagiaren ahotan, igandeko emaitzek "estrukturala den joera bat" islatzen dute, "ez bakarrik hiru herrialdeetan, Euskal Herri osoan baizik".
Otegiren esanetan, EH Bilduk "hazkunde ikusgarria izan du, hori da errealitatea". Gainera, nekazal eremuetan soilik ez, hirietan emaitza onak izan dituzte nabarmen du nahi izan du buruzagiak. Zentzu horretan, Iruñean gobernantzen ari direla gogorarazi nahi izan du, eta Donostian EAJren parean direla eta Gasteizen gailentzea lortu dutela. Hori bai, Bilbon oraindik jeltzaleek "aldea ateratzen" dietela onartu du.
"Gure joera ez da koiunturala, estrukturala baizik", berretsi du. Hiru herrialdeetatik bitan (Gipuzkoa eta Araba) EH Bildu gailendu dela azpimarratu du Otegik. Bestalde, EH Baik eta EH Bilduk Euskal Herrian 420.000 bozen langa gainditu dutela goraipatu du.
Eusko Legebiltzarreko 75 legebiltzarkideetatik 55 "subiranistak" (EAJ, EH Bildu eta Sumar) direla adierazi du koalizioko ordezkariak, eta 75etik 40 "ezkerrekoak" (EH Bildu, PSE-EE eta Sumar). Honenbestez, "jendeak abertzale eta ezkertiar bozkatu du", erantsi du. Hori dela eta, Arnaldo Otegik galdetu du ea, azkenean, Euskadin "abertzaleak batuko diren, ezkerretik batuko diren edo berriro hertsiak diren gobernuetara mugatuko diren".
"Jakina, EH Bildurengatik bada, irribarre zabal batekin, munduko lasaitasun guztiarekin, munduko pazientzia guztiarekin, ez dugu presarik; oso urruti goazelako, guregatik ez da izango, baina uste dugu jendeak bozkatu duena bete behar dela, subiranotasun handiagoarekin eta ezkerreko politika gehiagorekin", gaineratu du.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.