Macron Kaledonia Berrira joan da elkarrizketak abiatzeko, bederatzi eguneko protesten ostean
Emmanuel Macron Frantziako presidentea Kaledonia Berrira joan da, elkarrizketak abiatzeko asmoz, bederatzi eguneko protesten ondotik.
Frantziako Gobernuko bozeramaile Prisca Thevenotek eman du bidaiaren berri, asteroko Ministroen Kontseiluaren ostean. Exekutiboaren batzarrean Hego Pazifikoko artxipelago horretako egoera izan dute eztabaidagai. Azken egunetan egoerak hobera egin duen arren, oraindik ez da normaltasuna erabat berrezarri.
Macronen bidaia itsasoz haraindiko eskualdeetako arduradunek eta lurraldeetako ordezkariek egindako eskaeren ondoren etorri da; izan ere, estatuburuari elkarrizketa-prozesu bat eskatu diote, protesten zergatiari heltzeko, hots, hauteskunde-erroldaren erreformari.
Protestak joan den asteko asteartean areagotu ziren, Parlamentuak errolda hori zabaltzea onartu ondoren. Errolda hori blokeatuta dago 1998tik, Numeako akordioen egunetik.
Orduan, Frantziako Parlamentuak errolda zabaltzeko baimena eman zuen, bai urte horren ondoren jaiotakoentzat, bai gutxienez hamar urte artxipelagoan eman duten frantziarrentzat.
Independentistek erreforma hori errefusatu dute, bertako indigenen pisua desagertuko dela eta kanpotik datozen pertsonena handituko dela uste baitute, bereziki Frantzia metropolitarretik datozenena. Independentistek gobernu autonomoaren bost instantzietatik lau kontrolatzen dituzte.
Indarkeriak sei hildako (lau zibil eta bi jendarme) eta ehunka atxilotu utzi ditu dagoeneko. 400 bat eraikin guztiz suntsituta daude edo kalte handiak dituzte Numea hiriburuan eta inguruetan.
Protestak hasi ostean, Macronek proposatu zuen erroldaren erreforma atzeratzea eta elkarrizketa politikoa abiatzea alde guztien artean.
Gobernuak larrialdi egoera ezarri zuen joan den astean, mila polizia gehiago bidali zituen dagoeneko lurraldean zeuden 1.700 jendarmeei laguntzeko, eta nazioarteko aireportua eta portuak babespean jarri zituen.
Hala ere, La Totountako nazioarteko aireportu horrek, Numeatik 45 kilometrora, itxita jarraituko du, gutxienez datorren larunbatera arte.
Zure interesekoa izan daiteke
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.