Inbestidura saioko tonua goraipatu du Diez Antxustegik eta ezberdinen arteko akordioak aurreikusi ditu
Imanol Pradales lehendakari izendatu eta biharamunean, EAJk Eusko Legebiltzarrean duen bozeramailea "pozik" mintzatu da inbestidura saioan talde politikoek erakutsitako eztabaida mailarekin eta tonuarekin. Joseba Diez Antxustegiren esanetan, atzo "esan zena egia bada", ezberdinen arteko akordio "zabalagoak" eta "anitzagoak" lortzeko "tartea egongo da" hasi berri den legegintzaldian.
Euskadi Irratiko "Faktoria" saioan egin dioten elkarrizketan azaldu duenez, EH Bilduren esku egongo da koalizio gobernuaren lehentasunezko kide izatea eta ez hainbeste gobernuaren esku. Koalizio abertzaleak "akordioetarako jarrera" izatea eta herri itun asko lortzea espero du ordezkari jeltzaleak, uste baitu bi alderdik bakarrik (EAJ-PSE) ezin dietela herri erronka garrantzitsuei erantzun. Ildo horretan, "pozik" hitz egin du atzo EH Bilduren aldetik "prestutasun" hori antzeman zuelako.
Autogobernuari dagokionez, Diez Antxustegik egingarri ikusten du legegintzaldi honetan estatus politiko berriari buruzko akordioa lortzea. Horren hitzetan, talde politikoei dagokie Eusko Legebiltzarrean ados jartzea eta, behin hori lortuta, Imanol Pradalesek hartuko du adostutakoaren inguruko gidaritza. Ildo horretan, argi eta garbi utzi du lehendakariaren gidaritza mesianikoa baino kolaboratiboa izango dela eta itunak bilatuko dituela ezberdinekin.
Estatus politikoari buruzko akordioan abertzaleak eta beste sentsibilitate batzuk uztartzea defendatu du Diez Antxustegik. Horren arabera, Pedro Sanchezen gobernuarekin aukera bat dago autogobernua berritzeko eta "aukera gehiago izango ditugu (Madrilen) Sanchezen alderdiarekin bagoaz". Hori guztia dela eta, "azkar" eta "inteligentziaz" jokatzeko deia egin du.
Zure interesekoa izan daiteke
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNko senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroak Iruñeko aireportuaren egungo eredua defendatu du, aire-trafikoa "hobetu" daitekeela aitortu arren. Haren hitzetan, Iruñekoa da 2018tik bidaiarien kopurua gehien hazi den aireportuetako bat da, % 40.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.