Parekidetasunaren legea onartuta, enpresa eta erakundeetako karguen % 40 gutxienez emakumeentzat izango dira
Emakumeen eta gizonen ordezkaritza parekideari eta presentzia orekatuari buruzko lege organikoa, parekidetasunaren legea bezala ezagunagoa, onartu du gaur Espainiako Diputatuen Kongresuak. PPk eta Voxek kontra bozkatu dute.
Behin araua onartuta, hemendik aurrera, derrigorrezkoa izango da erakundeetan, enpresa handietako (Ibex 35) administrazio-kontseiluetan, hauteskundeetako hautagai-zerrendetan eta konstituzio-organoetan emakumeen presentzia gutxienez % 40koa izatea. Presentzia orekatua bermatzeko, legeak 60/40 formula ezartzen du.
Halaber, PSOEk eta Podemosek adostutako erdibideko zuzenketa baten ondorioz, legearen hasierako irismena zabaldu egin da, eta aipatutako erakundeetan emakumeen ordezkaritza % 100era irits daiteke, betiere, justifikatuta. "Baliteke emakumeen eta gizonen ordezkaritza parekidearen eta presentzia orekatuaren irizpidea ez aplikatzea, ekintza positiboaren printzipioarekin bat etorriz, emakumeen ordezkaritza % 60tik gorakoa bada. Nolanahi ere, justifikatu egin beharko da", dio arauak.
Parekidetasunaren legea ezartzeko egutegia malgutuz joan da. Gaur onartutako testuaren arabera, 2025eko ekainera arteko epea izango dute Ibex 35eko enpresek lege berrira egokitzeko, eta 2028ra artekoa erakunde publikoek.
Erreakzioak
Testuinguru horretan, Joseba Agirretxea EAJko diputatuak nabarmendu du lege horrek gizonen eta emakumeen presentzia orekatua bultzatzen duela, baina uste du iritzi ezberdinak egon daitezkeela oreka hori finkatzeko edo ezartzeko orduan. "Akordio honek, emakumeen presentzia handitzeko metodoak eskaintzen ditu", nabarmendu du Agirretxeak.
"Administrazio kontseiluetan emakume gehiago izateak ez du beti hobetzen gainerako emakumeen bizitza", adierazi du Isabel Pozueta EH Bilduko bozeramaileak. "Parekotasuna da soldata-arrakalari amaiera ematea, kontziliazioan aurrera egitea, zaintzak duintzea, etxebizitza-politika aurreratuak ezartzea eta errenta birbanatzea", azpimarratu du Pozuetak. EH Bildurentzat, lege hori ez da nahikoa.
Nori eragiten dio parekidetasunaren legeak?
- Gobernuaren eta Estatuko Administrazio Orokorraren organoak.
- Konstituzio-organoak: Auzitegi Konstituzionala, Estatu Kontseilua edo Botere Judizialaren Kontseilu Nagusia.
- Administrazioak banatzen dituen sari eta aitortzak emateko eratutako epaimahaiak.
- Profesionalen elkargoetako batzordeak.
- Ibex 35ean kotizatzen duten enpresak.
- Hauteskundeetan parte hartu nahi duten alderdiek.
Zure interesekoa izan daiteke
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Bestalde, EH Bilduk eta Sumarrek "koherentzia" eskatu diete, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.