Kontzertu Ekonomikoa eta Nafarroako Konbenioa "errespetatzea" eskatu dute Pradalesek eta Chivitek
Finantzaketa sistemari buruzko eztabaida zabaltzeko premia egon badagoela aitortu ondotik, EAEko Kontzertu Ekonomikoari eta Nafarroako Konbenio Ekonomikoari "errespetua" eskatu dute Imanol Pradales lehendakariak eta Maria Chivite Nafarroako presidenteak.
Lehen aldiz bildu dira gaur bi agintariok, eta mahai gainean izan dituzten gaien artean, azken asteotan zeresana ematen ari diren finantzaketa eredua eta Abiadura Handiko Trenaren lanak egon dira. Halaber, bi erkidegoek 2021ean izenpetutako lankidetza protolokoa ere berrikusi dute. Topaketa Nafarroako Gobernuaren egoitza nagusian izan da, Iruñean, 12:00etan. Ondoren, hedabideen aurrean azaldu dituzte bileran hitz egindakoak.
Chivite izan da hitza hartzen lehena. Finantzazioaz esan du EAEko zein Nafarroako sistemak Estatuko "gainerako erkidegoekin solidarioak" direla, eta gaiari buruzko eztabaida berriro azaleratzen ari den garaiotan, "pedagogia" egitearen garrantzia nabarmendu du.
Pradalesek, bestalde, bi sistemen "berezitasuna, elkartasuna eta kudeaketa zorrotza" azpimarratu ditu, eta, era berean, "Estatuan ikusten ari garen demagogia eta populismo gero eta ugariagoa" arbuiatu ditu. Hitzarmenaren eta Kontzertuaren aurkako erasoak "funtsik gabekoak" dira, bere hitzetan. "Konstituzioak babesten duen, blindatzen duen eta Europar Batasunak berak balioztatzen duen" finantzaketa ereduak direla erantsi du.
AHTari buruz, berriz, biek ala biek esan dute azpiegitura estrategikoa dela bi erkidegoen etorkizuneko erronketarako, eta Espainiako Gobernuko Garraio Ministerioari beharrezkoak diren txosten teknikoak "lehenbailehen" egiteko eskatu diote.
Horren harira, Chivitek erantsi du EAE eta Nafarroako arteko lotuneak "zentzua" izango duela, baldin eta Zaragozaraino iristen bada. Pradalesek, berriz, berretsi du gaiari buruzko erabakia hiru erakundeek —Espainiako Gobernuak, Nafarroako Foru Gobernuak eta Eusko Jaurlaritzak— hartu eta landu beharko dutela.
Zure interesekoa izan daiteke
Udal hauteskundeen bigarren itzulia dute bihar Ipar Euskal Herriko 11 herritan, eta lehia estua espero da batzuetan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.