Puigdemonti amnistia ez aplikatzeko erabakia berretsi du Llarena epaileak
Pablo Llarena Auzitegi Goreneko epaileak atzera bota du Carles Puigdemont Kataluniako presidente ohiak amnistia legea ez aplikatzeko erabakiaren aurka jarritako helegitea.
Llarenak auto bat kaleratu du, eta, bertan, Puigdemonten eta Lluis Puig eta Antoni Comin kontseilari ohien erreforma-helegiteak atzera bota ditu. Fiskaltzaren eta Estatuko Abokatutzaren helegiteak ere atzera bota ditu, auzipetuei araua aplikatzeko eskatu baitzioten epaileari.
Instruktoreak nabarmendu du legeak amnistiatik kanpo uzten dituela bidegabeko eralgitze-delituak, subjektuak "ondare-izaerako onura pertsonala lortzeko asmoz" jarduten duenean, eta hori gertatu dela uste du.
Voxen errekurtsoa ere ezetsi du, desobedientzia delituari ere amnistia ez aplikatzea eskatu baitzuen. Bestalde, arrazoia eman dio Marta Rovira ERCko buruzagiari, onartu baitu desobedientziagatiko auzia artxibatzea Salari dagokiola, eta, beraz, onartu egin du haren errekurtsoa, eta hari buruzko sumarioa amaitu du.
Erreakzioak
Carles Puigdemont Generalitateko presidente ohiak deitoratu egin du "Espainiak" amnistia legea ez aplikatzea erabaki izana "frankismoko krimenak zigorrik gabe mantentzea erabakitzen duen egun berean", eta erabakiaren berri "prentsaren bidez" izan duela adierazi du.
Aitor Esteban EAJk Kongresuan duen bozeramaileak Pablo Llarena instrukzio-epaileari ohartarazi dio "garrantzitsua" dela Kongresuko gehiengo parlamentarioaren borondatea "amnistia osoa" dela kontuan hartzea.
Lurralde, Etxebizitza eta Trantsizio Ekologikoko kontseilari eta Kataluniako Gobernuko bozeramaile Sílvia Panequek amnistia legea "aitzakiarik gabe" aplikatzeko eta botere legegileak onartutako arauak "errespetatzeko" eskatu dio botere judizialari.
Espainiako Kongresuan Sumarren bozeramaile ondokoa eta 'komunen' buruzagia den Aina Vidalek aldarrikatu du Amnistia Legea ez errespetatzea "Espainiaren kontra egitea" eta "politikaren kontra" egitea dela, arau hori konstituzionala dela uste baitu.
Bestalde, Eduardo Pujol Juntseko senatariak Pablo Llarena magistratuaren aurka egin du, eta "biboterik gabeko Tejero 3.0" deitu dio.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.