Junquerasek ERC "erreskatatzeko" konpromisoa hartu du, eta Rovirari "traizioa" leporatu dio
Oriol Junqueras ERCren presidente izateko hautagaiak alderdia "erreskatatzeko" konpromisoa hartu du, Elisenda Alemany aldamenean zuela, eta Marta Rovira idazkari nagusiaren sektoreari kritika gogorrak egin dizkio, "B egitura" baten bitartez alderdiaren printzipioak urratu dituelakoan.
Montserrateko Teatre de la Passio d'Olesan egin ditu adierazpen horiek Junquerasek, Militancia Decidim hautagaitzaren aurkezpenean, Raul Romeva eta Diana Riba eurodiputatuaren eta beste 1.300 militanteren babesean.
Duela hilabete batzuk arte ERCren presidente zenak esan du "lotsa" sentitu duela alderdian "organo paraleloak" egon direlako, eta Ernest eta Pasqual Maragall anaien aurkako kartelen kanpaina antolatu zuen "B egitura" jarri du horren adibide.
ERCren presidentegaiak iragarri du Elisenda Alamany, egun Bartzelonako Udalean ERCren buru dena, izango dela bere idazkari nagusia.
Junquerasek esan du bere proiektua "oinarrian" jaio dela, eta helburua ERC "salbatzea eta erreskatatzea" dela, "berriro herriaren zerbitzura jartzeko". Hori horrela, "sekula kartelik jarri ez dutenen leziorik ez dut onartuko", azpimarratu du.
"Benetan" eskatu die barkamena alderdikideei, 2017ko abenduko Kataluniako hauteskundeetan, 155aren ondorengoetan, ez zutelako jakin "U-1ari eta U-3ari zegokien balioa ematen".
"Aukera, ardura eta betebeharra zuenak nahiago izan zuen beste gauza batzuetan aritu, nahiago izan zuen beste gauza batzuk komunikatu", gaitzetsi du.
Horren ostean, "B taldea" sortu izana salatu du, talde ofizialetik kanpo erabaki politikoak hartu zituelako, "zuzendaritza batzordetik eta kontseilu nazionaletatik kanpo".
Bestalde, Alemanyk berretsi du "berriro" iritsiko dela "ERCren unea", eta "herri honen diskurtso nazionala" nagusitzeko garaia.
"Ez gaude nahiko genukeen lekuan, badakigu, baina atzera egiten denean ez du ezertarako balio horretan zentratzeak. Politikoki eta antolakuntza aldetik prestatu beharra daukagu indartsuago egoteko: estrategia, indarra eta lidergo indartsu, ireki eta irabazlea berritu dadila", adierazi du.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.