Etxebarriak biktimen "adorea" goraipatu du, eta indarkeriaren "hutsalkeriaz" ohartarazi du
Maider Etxebarria Gasteizko alkateak terrorismoaren biktimen "adorea" goraipatu du astearte honetan, eta gizartean duten garrantzia aldarrikatu du. Era berean, indarkeriaren prebentzioan jarraitzeko beharraz ohartarazi du, eta indarkeria "ezerezteko edozein saiakerari aurre egin" behar zaiola.
Bi egunez Gasteizen 300 pertsona baino gehiago biltzen dituen Terrorismoaren Biktimen Nazioarteko Konferentziaren inaugurazioan egin du gogoeta hori Etxebarriak. Felipe VI.a Espainiako erregeak parte hartu du bertan.
Alkateak uste du konferentzia hori hirian egitea "mugarria eta harro egoteko modukoa" dela, hiria "balio demokratikoen eta terrorismoaren aurkako borrokaren munduko aldarrikari" bihurtzen duelako, eta horri lagundu dio, haren ustez, Terrorismoaren Biktimen Oroimenezko Zentroaren lanak.
"Hamarkadetan zehar, terrorismoak heriotza, estortsioa, mehatxuak, ikara eta familia hautsiak eragin ditu Espainian; ETAren eta bere ingurunearen erruz, bereziki. Basakeriaren atzaparkadak jasateagatik egon gara fokupean denbora luzeegian. Ez dugu inoiz ahaztuko gorroto espiral hori. Gorputzak maindireez estalita, histeria kolektiboa. Zorionez, gaur munduak oso bestelako arrazoi batengatik begiratzen digu", adierazi du.
Etxebarriak nabarmendu du "biktimen ahalegina eta kemena eta aldaketarako eragile gisa duten eginkizuna", gizarte "baketsuagoa eta nazioarteko erresistenteagoa" eraikitzeko, "etorkizunari itxaropenez begiratzeko".
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.