Carles Puigdemont izango da JxCateko buruzagi berriz ere
Carles Puigdemont Generalitateko presidente ohia Junts per Catalunyako presidente aukeratu dute gaur, igandea, botoen % 90,18 eskuratuta. Horrela, alderdiko buruzagitzara itzuliko da, duela urte eta erdi kargua utzi ostean.
Gaurdaino, Laura Borràs zen Juntseko buru, eta alderdiaren fundazio berriaren buruzagitza izan daiteke horren hurrengo zeregina, patronatuak onartuz gero.
Puigdemontek Waterlootik (Belgika) telematikoki hitz egin du asteburuan Calellan (Bartzelona) Juntsek egin duen kongresu nazionalean.
Juntseko buruzagi berriak itxitzat jo du orain dela zazpi urte hasitako "erresistentzia" etapa, eta "partida berri bat" jokatzeko "neguko kuarteletatik irteteko" dei egin die Juntseko kideei.
2017ko urriaren 27an "ezjakintasunez beteriko bide zail bat" hasi zuela esan du Junsteko buru berriak, eta gaineratu du "ukatu ezin zuen bidea" zela. "Ezer ez da berdina orduztik, eta ezerk ezin du errealitate hura ezkutatu edo historiatik ezabatu", gehitu du.
Ildo beretik, Katalunia independentziara hurbiltzeko "tresnarik onena" Junts dela azpimarratu du.
Puigdemontek sozialisten aurka ere egin du,"errepresioari etekina atera" diela esanez, eta nahiz eta normaltasuna berreskuratzeko ahaleginak egin, ez dela hala ohartarazi die.
Hitzaldiaren hasieran, eskerrak eman dizkio Borràsi bere "eskuzabaltasunagatik" eta alderdiaren presidente izateagatik bere sorreran.
Zure interesekoa izan daiteke
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.
PSOEk irabaziko lituzke hauteskunde orokorrak CIS inkestaren arabera, Ceutako krisiaren ostean bi puntu jaitsi arren
Iraileko CIS inkestak aurreikusi du PSOEk botoen % 31 lortuko lukeela, PPk % 25,5 eta Voxek % 16,6. Alderdi Popularrak lau hamarren egingo luke behera; ultraeskuinak, berriz, 1,3 puntu gora. Halaber, EH Bildu EAJren aurretik geldituko litzateke, hurrenez hurren, botoen % 1,3 eta 0,7 lortuta.