Sanchezen kontrako "jazarpena" salatu eta haren politikak defendatu ditu PSOEk
Txalo eta ohiu artean hartu dute Pedro Sanchez Espainiako Gobernuko presidentea Sevillako Kongresuen Jauregian, PSOEren 41. kongresu federalaren hasieran parte hartzera iritsi denean.
Idazkari nagusi kargua berretsiko du Sanchezek, ez da ezustekorik espero; baina igandean izango da hori, Exekutiba sozialista berria izendatzearekin batera.
Santos Cerdan Antolakuntza idazkari sozialista izan da inaugurazio ekitaldi hori gidatzeko arduraduna. Ekitaldi horretan zehar Kudeaketa Balantzearen txostena aurkeztuko du eta Hauteskunde Batzordea aukeratuko da.
Egunean zehar, hainbat panel egin dira ministroen parte-hartzearekin, eta batzordeak osatu dira, 41. kongresu sozialistatik aterako den ponentzia markoa zehaztuko dutenak.
PSOEren aurkako "ehizaldia" salatu du Cerdanek
PSOEren Antolakuntza idazkari Santos Cerdanek salatu du gezurrekin baliatuta "ehizaldia" egiten ari direla PSOEren eta alderdiko idazkari nagusi Pedro Sanchezen kontra, bai hedabideak, eta baita "epaitegiak" ere. 2018an Gobernura heldu zenetik, jazarpena jasan duela salatu du, hain zuzen ere, eta horretarako "gorrotoaren industria" erabili dutela, "lokatza, zarata eta amorua" eragiteko, "kaosa sortze aldera".
Anduezak Sanchezen politikak defendatu ditu
PSE-EEko idazkari nagusi Eneko Anduezak Espainiako presidentearen politikak defendatu ditu, iritzita "herri proiektu bat" dela, "soziala" eta "gehiengoetan oinarritua". Bestalde, Euskadin eta Katalunian sozialistek lortutako emaitzei buruz esan du PSOE osoaren meritu direla.
Chivitek Cerdanen lana babestu du
Nafarroako presidente Maria Chivitek, bere aldetik, PSOren Antolakuntza idazkariaren lana goratu du, eta nabarmendu du "frogarik gabe" egotzi diola Victor de Aldama enpresa-gizonak ustelkerian aritzea.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.