Aroa Jilete eta Nora Abete euskal herritarrak PSOEren zuzendaritzan sartuko dira
Aroa Jilete eta Nora Abete euskal herritarrak daude PSOEren zuzendaritzan sartuko diren 16 kideen artean. Aurrerantzean 54 kide izango ditu PSOEren Exekutibak.
Jiletez eta Abetez gain, PSE-EEk Patxi Lopez lehendakari ohia eta PSOEren Kongresuko bozeramailea izango du zuzendaritzan.
Bestalde, Idoia Mendia, Miguel Angel Morales, Mikel Duran, Begoña Gil eta Maider Etxebarria Batzorde Federaleko kide izango dira, eta Santos Cerdan iruindarrak alderdiaren Antolakuntza idazkari izaten jarraituko du.
Maria Chivite Nafarroako presidente eta PSNren idazkari nagusiak esan du Nafarroa "indartuta" aterako dela Kongresutik, eta Eneko Andueza PSE-EEren burua gustura agertu da bere alderdikideek PSOEren zuzendaritzan izango duten pisua handitu egingo delako.
Aroa Jilete (1992) gasteiztarrak Turismo Idazkaritzaren ardura hartuko du. Legebiltzarkide da 2023ko hauteskundeetatik.
Turismo eta Ostalaritza zuzendari izan zen Eusko Jaurlaritzan 2023tik 2024ra, prokuradore Arabako Batzar Nagusietan (2019-2020), eta Eltziegoko zinegotzi aurreko legegintzaldian.
Bestalde, Nora Abete Merkataritza eta Kontsumo idazkari izango da PSOEren Exekutiban. 1985ean jaioa, alkatearen ondokoa eta Mugikortasun eta Iraunkortasun zinegotzia da Bilboko Udalean. 2016tik 2019ra Kontsumobideren zuzendari izan zen.
Nukleoak bere horretan jarraitzen du
Pedro Sanchez Espainiako Gobernuko presidenteak eta PSOEren idazkari nagusiak alderdiaren nukleo gogorrari eustea erabaki du asteburu honetan egiten ari diren 41. Kongresu Federalean.
Sanchezek idazkariorde nagusi karguan utzi du Maria Jesus Montero, eta Antolakuntza idazkaritzan Santos Cerdan. Felix Bolaños, Oscar Puente, Pilar Alegria, Elma Saiz, Jordi Hereu eta Isabel Rodriguez ministroek ere alderdiko karguei eutsiko diete.
Ministroen Kontseiluan dauden sozialistetatik, Ana Redondo Berdintasun ministroak eta Diana Morant Zientziakoak ez dute jarraituko Exekutiban. Bigarrena Valentziako PSOEren idazkari nagusi izango da. Teresa Ribera ere ez da zuzendaritza berrian egongo, Europako Batzordera joan ostean.
Pilar Bernabe Espainiako Gobernuak Valentzian duen ordezkaria izango da Berdintasun idazkari berria, eta Alejandro Soler Alacanteko diputatua izango da Udal Politikako idazkaria.
Kostako Udalen idazkaritza berrian Anabel Mateos izendatu dute. Zientzia, Berrikuntza eta Unibertsitate idazkari berria Javier Alfonso Cendon izango da, Cerdanengandik oso gertu dagoena.
Emma Lopez Madrilgo Udaleko zinegotzia izango da Politika Ekonomikoko eta Eraldatze Digitaleko idazkari berria.
Gainera, Ana Maria Fernandez izango da Hezkuntza eta Lanbide Heziketako idazkari berria, eta Borja Cabezon Ekintza Demokratikoko eta Gardentasunekoa. Politika Sozialen, Adinekoen eta Mugimendu Sozialen ardura, berriz, Manuela Bergesen esku geratuko da.
Sanchezek Kilian Sanchez Tenerifeko senataria aukeratu du Osasun eta Kontsumo idazkari, eta Cesar Mogo PSOEren Atzerriko arduradun.
Eugenia Gomez, Milagros Tolon, Tania Baños, Jorge Gallardo eta Maria Soledad Sanchez izango dira bokal berriak, eta zuzendaritza utziko dute Marisol Mateosek, Idoia Mendiak, Patricia Blanquerrek, Pedro Casaresek, Luz Martinez Seijok, Maria Nieves Ramirezek, Amparo Marco Gualek, Carolina Dariasek eta Pilar Cancelak.
Albiste gehiago politika
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.