Gaur argituko du Elkarrekin Podemosek EAJk eta PSE-EEk egindako kontraproposamen fiskala onartuko duen edo ez
Astelehen honetan argituko du Elkarrekin Podemosek EAJk eta PSE-EEk zerga-erreformari egindako azken kontraproposamenean jasotako neurriak onartuko dituzten edo ez. Asteburuan barne-kontsulta egin du alderdi moreak, militanteak gairi buruz duten iritzia jakiteko. Bozketa loteslea da, eta jeltzaleek eta sozialistek egindako azken proposamena babesten bada, Elkarrekin Podemosek baiezkoa emango dio erreforma fiskalari.
Richar Vaquero Podemos Euskadiren koordinatzaile nagusi eta Bizkaiko batzarkideak larunbatean adierazi zuenez, aste honetan itxi dezakete EAJrekin eta PSE-EErekin akordio fiskala, militanteek kontsultan dokumentua ontzat joz gero. Oinarriek sozialistekin eta jeltzaleekin itunak egiteari uko egiten badiote, berriz, hortxe amaituko da negoziazio-prozesua.
Oposizioko talderen bat konbentzitzeko asmoz, EAJk eta PSE-EEk erreforma fiskalerako eurek egindako proiektuari zuzenketak aurkeztu zizkioten Batzar Nagusietan; besteak beste, 19.000 eurotik 20.000 eurora igo dute Pertsona Fisikoen Errentaren gaineko Zerga ordaintzetik salbuetsita egoteko kopurua. Oraingoz, Elkarrekin Podemosek bakarrik onartu du negoziazioak "bide onetik" doazela.
Vaqueroren esanetan, EAJren eta PSE-EEren kontraproposamenak ez zaizkie "guztiz gustatzen" Podemos Euskadiri. Nolanahi ere, azpimarratu zuenez, hasieratik jakina zen ez zela "ohiko erreforma bat", lehendik zegoenaren birmoldatze edo egokitzapen bat baizik.
Ildo horretan, alderdiarentzat oinarrizko diren lau helburuak gogorarazi zituen: "errenta baxuenei laguntzea, etxebizitza eskuratzeko aukerak hobetzea, BGAEen aurrean pentsio publikoak indartzea eta aberastasuna banatu eta diru-bilketaren galera berreskuratzea".
"Guk egiten ditugun proposamenekin, gauza horietako asko lortuko genituzke; gutxienez, hobetu egingo genituzke oraingo egoerarekin alderatuz. Horregatik, hamar bat urteko eperako izan behar den egiturazko erreforma bat garratzitsua iruditzen zaigu, eta, beraz, oinarriei galdetu beharko zaie".
Euskadiko alderdi morearen liderraren hitzetan, negoziazio-prozesuan bi aldeek eman behar dute pixka bat, eta, beraz, onartu zuen ez dutela eskatu duten guztia lortuko, baina "benetan aldaketa esanguratsurik badago eta aberastasuna birbanatzen bada, sistema bidezkoagoa eta ekitatiboagoa izateko, orduan horren alde egiten saiatu beharko genuke".
Zure interesekoa izan daiteke
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.
Etxebizitza finkatu da euskal gizartearen arazo nagusi gisa: burbuilaren garaiko mailara iritsi da kezka
Eusko Jaurlaritzaren azken Soziometroak agerian utzi du gora egin duela prekaritatearekiko eta arazo ekonomikoekiko kezka. Delinkuentziaren inguruko kezka, berriz, apaldu egin da.
Armengolek Koldoren bitartez hitz egiten zuen Abalosekin, eta haur-maskarei buruz galdetu zion: "Konponduko dizut"
Ikertzaileen arabera, Koldo bitartekari gisa ari zen Abalosekiko hurbiltasunari esker, Balearretako Gobernuaren eta ikertutako gaizkile-sarearekin lotutako interesen arteko komunikazioa erraztuz. Besteak beste, PCR testekin, haur-maskarekin edo pandemian egindako inbertsioekin lotuta zeuden kudeaketa horiek.
PPk eta Voxek akordioa lortu dute Guardiola Extremadurako presidente izendatzeko
Asmoa da inbestidura saioa datorren asteartean, hilaren 21ean, eta asteazkenean, hilaren 22an, egitea, eta Maria Guardiola Extremadurako presidente izendatzea berriro apirilaren 24an. Akordioak 61 puntu eta 74 neurri ditu, eta bi aldeek jarrerak hurbildu dituzte, "egon daitezkeen ezberdintasun ideologikoetatik harago".
Aenak ziurtatu du aireportuen kudeaketa partekatua bateraezina dela indarrean dagoen lege-esparruarekin
Aenako presidente eta kontseilari delegatu Maurici Lucenak Akziodunen Batzarrean defendatu duenez, interes orokorreko Espainiako aireportuak 18/2014 Legean jasotako araubide juridiko espezifiko baten mende daude. Lege hori Konstituzioak babesten du; Estatuak azpiegitura horien gainean duen eskumen esklusiboa deklaratzen du, eta jabetza pribatua eta enpresa-askatasuna babesten ditu. Hala ere, positibotzat jo du autonomia-erkidegoekiko lankidetza eta koordinazioa, betiere Konstituzioaren mugak errespetatzen badira eta Aenaren kudeaketa-autonomia eta sare-egitura aldatzen ez badira.
Langile publikoen finkotasuna bizkortzeko arau aldaketak eskatu ditu Jaurlaritzak Madrilen
Bitartekotasun-tasa murrizteko neurriak hartzea komeni dela adierazi du Euskadik, Maria Ubarretxena Jaurlaritzako bozeramaileak eta Oscar Lopez ministroak izandako lan-bileran. Egonkortze-prozesuen ondoren, % 50 inguruko mailatik % 14 ingurura igaro da, eta legegintzaldiaren amaieran % 8ra hurbiltzea da asmoa.
Eusko Legebiltzarrak eskatu du Lan Agintaritzak enplegua erregulatzeko espedienteak baimentzeko eskumena berreskura dezala
EAJk, PSE-EEk, EH Bilduk eta Sumarrek babestu egin dute Espainiako Gobernuari eskatzea kaleratze kolektiboen baliozkotze administratiboa berriro derrigorrezkoa izan dadila; PPk eta Voxek, berriz, aurka bozkatu dute.
Melgosak Espainiako Gobernuari ohartarazi dio erregularizazio prozesuaren ondorioak bere gain har ditzala
Radio Euskadin egindako elkarrizketa batean, Nerea Melgosa sailburuak Sanchezen Gobernua kritikatu du, ez dituelako aintzat hartu Eusko Jaurlaritzak erregularizazio-prozesuari egindako alegazioak; besteak beste, euskara ikasten duten migratzaileen ahalegina aitortzea.
Sidenorren inguruko erabakiak ez du Otegi harritu, baina Israelekiko harremana mahai gainean jartzearen alde agertu da
Auzitegi Nazionalak Jose Antoni Jainaga eta Sidenorren zuzendaritzako beste bi kide genozidiogatik ez ikertzeko hartutako erabakiak ez du Arnaldo Otegi EH Bilduren idazkari nagusia harritu. Dena den, haren ustez, fokua Ameriketako Estatu Batuekiko eta Israelekiko harremanetan jarri behar da.