Lankidetza formula berriak aldarrikatu ditu lehendakariak, Trumpen administrazioak sortutako zarataren aurrean
Lehendakariak Estatu Batuen eta Europaren arteko beharrezko lankidetza defendatu du, zarata mediatikoa eta politikoa gaindituko duten elkar ulertzeko "formula berriak" aurkitzera behartuta baitaude. Horrela adierazi zuen Imanol Pradalesek George Washington Unibertsitateko School of Media and Public Affairs erakundeak antolatutako mahai-inguruan.
Peter Loge zuzendariak moderatu zuen topaketa, eta unibertsitate horretako ikasle ugari eta profil altuko adituak izan dira bertan: Sara Jones, German Marshall Fund erakundearen lidergo programen zuzendaria; Spencer Boyer, kanpo-politikan, segurtasun nazionalean eta nazioarteko harremanetan aditua den abokatua; Erol Yayboke, Hillary Clintonen kanpaina presidentzialeko aholkularia; Dan Estrepo, abokatua eta CNNren kolaboratzaile politikoa; Juan Sebastian Gonzalez, Mendebaldeko Hemisferiorako Segurtasun Kontseilu Nazionalearen zuzendari nagusi ohia Joe Bidenen gobernuan; eta Jeta Abazi, komunikazio politikoan espezializatutako kazetaria.
Bere hitzaldian, Imanol Pradalesek joera antidemokratikoen gorakadaz ohartarazi du eta egungo testuinguruan balio demokratikoak indartzeko beharra azpimarratu du. Pradalesek adierazi duenez, demokraziaren aurkako mehatxuak, kasu askotan, sistemak berak eragiten ditu, gizartearen ondoeza, politikarekiko desafekzioa, eta komunikazio- eta informazio-sistemen eraldaketa baliatzeko. "Olatu autoritarioek ukatu egiten dute desberdina dena, munduaz duten ikuspegia inposatzen dute, eta oinarri demokratikoak higatzen dituzten irtenbide sinplistak aurkezten dituzte", ohartarazi du.
"Eztabaidarako, informaziorako eta komunikaziorako espazio publiko berri hau nola artikulatu eta arautu behar den pentsatu behar dugu, demokraziaren defentsa eta indartzea bermatzeko", adierazi du. Halaber, teknologiak eta adimen artifizialak demokraziaren etorkizunean duten zereginari buruzko hausnarketa sakona egiteko deia luzatu du.
Europako egungo egoerari eta Trumpen administrazio berriarekiko harremanei buruzko hausnarketa ere egiteko aukera izan du lehendakariak. Ildo horretan, ohartarazi du EBn "presazko zentzua" kontzeptua finkatu dela azken urteetako aldaketei aurre egiteko, eta AEBko presidentearen etorrerak lagundu dio. Hain zuzen ere, esan zuen bere politikek erakusten dutela Etxe Zuria ez dela Europaren baldintzarik gabeko aliatua.
Amaieran, Imanol Pradalesek berretsi egin zuen demokraziarekin eta humanismoarekin duen konpromisoa, eta elkarrizketa eta lankidetza defendatu zituen.
George Washington Unibertsitateko bilera izan da Ameriketako Estatu Batuetako hiriburuan aurreikusitako azkena. New Yorkera bidean, lehendakariak Euskadik Estatu Batuetan eta Kanadan duen ordezkaritza bisitatuko du 08:30ean, eta 12:00etan Solomon R. Gugenheim Fundazioko arduradunekin bilduko da, Ibone Bengoetxea lehendakariorde eta Kultura eta Hizkuntza Politikako sailburuarekin, Elixabete Etxanobe Bizkaiko diputatu nagusiarekin, Juan Ignacio Vidarte Guggenheim Bilbao Museoaren egungo zuzendariarekin eta Miren Arzalluz haren ondorengoarekin batera.
Zure interesekoa izan daiteke
Gerra Zibilean hildako eta Zornotzako hilerrian lurperatutako miliziano baten gorpuzkiak berreskuratu ditu familiak 89 urteren buruan
Jesus Arratibel Ruiz De Alegria arabarra Zornotzako ospitale militarrean hil zen, eta bertako hilerrian lurperatu zuten. Gogora Institutuaren ekimenez, hilobiratutako 149 pertsonen gorpuzkiak atera zituzten eta identifikazio prozesu baten ostean, gaur eman dizkiete senitartekoei.
Feijooren iritziz, 2025 “sanchismoaren erabateko kolapsoaren urtea” izan da
Alberto Nuñez Feijoo PPren buruak Espainiako Gobernuaren "10 porrot" aipatu ditu, horien artean, etxebizitza, migrazio politika eta "nazioarteko mesfidantza".
Loiuko Udaleko Bozeramaileen Batzordeak herriko alkatearen kontrako pintaketak gaitzetsi ditu
Tokiko erakundeak premiazko bilera egin du gaur goizean adierazpen instituzional bat adosteko. Pintaketetan Josu Andoni Begoriaren izena ageri da, diana bat erdian duela. EAJren eta PPren aldeko botoekin onartu dute testua; EH Bilduk ez du sinatu.
Bilboko Udalak 2026rako aurrekontua onartu du, eta urte bukaerako ohiko brindisa egin dute alderdi guztiek
EAJren eta PSEren botoak nahikoak izan dira aurrekontua onesteko, oposizioaren proposamenak onartu gabe. Hiriburuak 751 milioi euro izango ditu, 2025ean baino 32 milioi gehiago, eta gizarte gastua asetzeko, azpiegiturak hobetzeko eta kultura bultzatzeko erabiliko dira nagusiki. Azken urteetan bezala, Bilboko Udala ez da zorpetuko. Aurrekontuak onartu ondoren, Bilboko Udaleko alderdi politiko guztiek arabiar aretoan topa egin dute.
Otxandianok uste du EAJk Kongresuan duen jarrera ez dela "asko aldatuko", nahiz eta eskuduntzen eskualdatzea ez bete
Zentzu horretan, EH Bilduk Eusko Legebiltzarrean duen bozeramaileak adierazi du EAJ ez dela izan "babes iraunkorra ematen duen bloke baten parte", eta ez duela Pedro Sanchezen Gobernuarekin "programa partekatu bat", beraz, ez du uste "dinamika parlamentarioa asko aldatuko denik".
Gaurko aurreikusita zegoen Aldebiko Batzordearen bilera atzeratu dute, eskumenak transferitzeko berme nahikorik ez zegoelako
Batzarra ostiralean utzi zuten bertan behera, uztailean hitzartutako "gutxieneko baldintza tekniko, ekonomiko eta juridikoak" betetzen ez zirela ikusita. Urtarrilaren 16rako egin dute berriro hitzordua bi aldeek.
Jaengo herri bateko PSOEko zinegotzi bat kargutik kendu dute bideo batean kantu matxistak egiteagatik
Martosko udal gobernuak eta Alderdi Sozialistak "erabat" gaitzetsi dute Manuel Cortes zinegotziaren jarrera. Hala, diziplina-espedientea ireki diote, behin-behinean alderditik botako dute eta zinegotzi akta alderdiaren esku uzteko eskatuko diote.
Honakoak izan dira aurten politika arloko albiste nagusiak
Aldaketaren aldarriaren bidetik, berezko nortasuna erakusten saiatu da aurten Imanol Pradales lehendakaria. Espainian, ordea, gatazka politikoak goia jo du legegintzaldiaren erdian, Pedro Sanchezen agintea kolokan jartzeraino.
Manifestazio jendetsua Azpeitian, bi kasutan auzipetutako 43 herritarren alde
Manifestazioa izan da iluntzean Azpeitian, VOX-en kontra mobilizatzeagatik ikertuta dauden 20 lagunei eta pintaketa baten harira auzipetu zituzten beste 23 herritarrei elkartasuna adierazteko. Urtarrilean eta otsailean epaituko dituzte guztiak. Jendetza batu da Azpeitia Errepresioaren Aurka plataformak deituta, "Errepresioaren aurrean, klase elkartasuna" lelopean egin duten manifestazioan.
ETAko presoen aldeko ekintzak izan direla Gabonetan salatu du Covitek
Terrorismoaren Biktimen Kolektiboak bere sare sozialetan zabaldu dituen hainbat mezutan kritikatu duenez, "ezker abertzaleak -Sortuk eta EH Bilduk- eta bere sateliteek, Sarek kasu, zigorgabetasun handiagoa eskatzen jarraitzen dute ETAkide guztientzat".