Adin txikiko migratzaileak banatzeko lege dekretua berretsi du Kongresuak, PP eta Voxen kontrako botoekin
Kanarietara inoren laguntza barik iristen diren adin txikiko migratzaileak banatzeko Espainiako Gobernuak onartutako lege dekretua berretsi du gaur Kongresuak. Pedro Sanchezen inbestidura babestu zuten alderdiek aldeko botoa eman dute; eta PPk eta Voxek, kontrakoa.
179 diputatuk babestu dute dekretua, 170ek kontra bozkatu dute eta bakarra abstenitu da. Emaitza horrekin, Atzerritarren Legearen 35. artikulua moldatzen duen testua onartu da. Juntsek eta PSOEk martxoaren hasieran itxitako akordioaren ondoren iritsi da gaurko urratsa.
___________________________________________________________________
Zure interesekoa izan daiteke: Horrela geratuko da adingabeen banaketa, autonomia erkidegoka
___________________________________________________________________
Iazko uztailaren 23an, oso bestelakoa izan zen gertatutako. Orduan, PSOEk, Sumarrek eta Coalicion Canariak antzeko testu bat erregistratu zuten, lege-proposamen izaerakoa, baina ez zuen tramitazioko lehen urratsa gainditu, PPk, Voxek eta Juntsek aurka egin zutelako.
Gaur, bozketaren ostean, Angel Víctor Torres Lurralde Politikako eta Memoria Demokratikoko ministroak eta Sira Rego Gazteria eta Haurtzaroko ministroak hunkiduraz betetako besarkada eman diote elkarri.
Baliozkotze horri esker, Espainiako Gobernuak mekanismo berri hori martxan jartzeko bidean aurrera egin ahal izango du. Lehenengo urtean, 4.000 gazte inguru lekualdatuko dira Kanarietatik, eta 400 inguru Ceutatik —kopuruak oraindik ez daude itxita—, eta aukera emango die hartzeko duten gaitasuna gaindituta duten eskualdeei, hartu beharreko adingabe berriak beste norabaitera bideratzeko 15 egunez.
EH Bilduren aldetik, Jon Iñarritu diputatuak begi onez ikusi du "haurtzaroari begirada bateratua" ematea, "datorren tokitik datorrela", baina kritikatu egin du alderdi batzuek kalkulu politikoa giza eskubideak errespetatzeren gainetik jarri izana. Bestalde, EAJk ere arauaren alde egin du, eta "behin-behineko soluzioetatik harago, irtenbide iraunkorrak emateko" eskatu du.
Hurrengo urratsa Haurrei eta Nerabeei buruzko Konferentzia Sektoriala egitea izango da, apirilaren 28an. Bertan, azkenik, adingabeak birkokatzeko irizpideak ezarriko dira, nahiz eta Espainiako Gobernuak oraindik ez dauzkan erkidego guztietako datu zuzenak.
Albiste gehiago politika
Politika Orokorreko Osoko Bilkura, greba orokorra Ipar Euskal Herrian eta Frantzian eta Jose Luis Rebordinosi elkarrizketa
Gaurkoan Orain-en albiste izango direnen laburpena, bi hitzetan.
EAJren ustez, Euskadirentzat "oso onuragarria" da langabezia-prestazioren kudeaketa lortu izana
Maribel Vaquero diputatuaren hitzetan "oraindik bilerak falta dira" eskualdatzea gauzatzeko eta, "adostutakoa beteko" dela ziurtatzeko, "jarraipena egingo" diotela jakinarazi du.
Arabak "probintziako aita" titulua kenduko die Francori eta Molari
Ramiro Gonzalez Arabako ahaldun nagusiak egin du iragarpena, asteazken honetan diktadura frankistak Araban errepresaliatutako pertsonak oroitzeko egin duen lore-eskaintzan. Ekitaldi hori Foru Aldundiak eta lurraldeko Batzar Nagusiek antolatzen dute urtero, eta kargu publikoak eta senideak izan dira bertan.
Greba eta mobilizazio eguna, ostegunean, Ipar Euskal Herrian
Frantzia osoan egingo dira protestak Gobernuak ezarri nahi dituen murrizketen aurka. Sindikatuek Lecornu lehen ministro berria prestatzen ari den 2026ko aurrekontuetan eragin nahi dute. Baionan 10:30ean irtengo da manifestazio nagusia Santa Ursula plazatik.
Geroa Baik “haserrea" adierazi du, EH Bilduk “Ustelkeriaren Kontrako Bulegoa kontrolatzen” duela esan ondoren
Uxue Barkosek adierazi duenez, adierazpen horiek "zentzu berria" ematen diete OANAk Nasuvinsari buruz egindako "txostenak dituen akats juridikoei". Oskar Matutek, bere aldetik, "harrituta" dagoela esan du eta "egunkari bateko titularra tonu ironikoan" erabili zuela argitu du.
Goiak aitortu du autobus geltokia txiki geratu dela eta handitzeko asmoa duela
Donostiako alkateak deitoratu egin du oraindik abiadura handiko trena Donostiara iritsi ez izana, horrek zerbitzua arinduko lukeela uste baitu.
Euskal agenda zer den zehazteko eskatu dio Garridok lehendakariari
Laura Garrido legebiltzarkide popularrak salatu du estatus berria negoziatzeko mahaian ez dagoela Alderdi Popularra, eta Imanol Pradales lehendakariari azalpenak eskatu dizkio. Bestalde, bihar Eusko Legebiltzarrean egitekoa den Politika Orokorreko Eztabaidan euskal agenda zer den zehazteko eskatu dio lehendakariari.
Langabezia-prestazioen kudeaketa eskualdatzeko akordioa txalotu du Martinezek
Lander Martinez Sumarreko diputatuak Kongresuan esan du akordioa "oso positiboa" dela Euskadirentzat. Bere hitzetan, agerian geratu da Sumarrek autogobernuarekin duen konpromisoa.
Amiantoaren biktimek laguntzak jasotzeko ziurtagiria eskatu ahal izango dute ostegun honetatik aurrera
Eskaria aurkeztu eta gehienez hiru hilabeteko epean eman beharko dute ziurtagiria.
Euskadik eta Espainiako Gobernuak akordioa sinatu dute langabezia-prestazioaren eskualdaketarako
Transferentzien Batzorde Mistoan gauzatuko da urtea amaitu aurretik, eta Eusko Jaurlaritzak SEPEren bulegoak eta langileak bere gain hartuko ditu.