Botoa emateko eskubidea 16 urtera jaisteko lanean ari da Espainiako Gobernua
Botoa emateko eskubidea 16 urtera jaisteko lanean ari Espainiako Gobernua. Hala baieztatu du Sira Rego Gazteria eta Haurren ministroak, zehaztu badu ere oraindik eskuartean dutena "zirriborro bat" dela. Bere hitzetan, amaitzear duten testua "laster" sartu daiteke tramitazio fasean, behin "koordinaziorako lantaldeak" eratuta. Ziurtatu du PSOEk eta Sumarrek koalizio gobernua eratzearakoan adostutako "kontsentsuen tarteetan" sartzen dela plana.
RNE irrati-katean aurreratu zuen berria Regok, atzo. Bere hitzetan, oso zabala da proposamena, eta adina 18tik 16 urtera jaistetik harago doa. Gazteei zuzendutako formakuntza programak ere aurreikusten ditu, Estatuaren funtzionamenduaren inguruko ezagutza zabaltzeko.
Izquierda Unidako kidearen arabera, administrazioaren eskumenei edota gobernuen osaketari buruzko informazioa gazteengana iristea dago planaren atzean. Bereziki nabarmendu nahi izan du proposamena nondik datorren eta zein fasetan dagoen: Estatu espainiar osoko gazte mugimenduek azken hilabeteotan egindako ekarpenekin osatutako 400 orriko dokumentu bat dago oinarrian.
Gazteen boto adina jaistearen inguruan Sumarrek 2024an egindako legez besteko proposamenak PSOEren babesa izan zuela gogoratu du Regok, eta baita ere, sozialistek bere azken kongresuan aukera hau mahai gainean jarri zutela. Hori dela eta, azpimarratu du koalizio gobernua osatzen duten alderdien "programen eta posizioen" barruan kokatzen dela egitasmoa.
Albiste gehiago politika
Polizia indarkeriaren biktima gisa aitortu dituzte Rosa Zarra eta Pasaiako segadan hildako lau pertsonak
Balorazio Batzordeak uste du "premiazkoa" dela eskaerak egiteko epeak luzatzea, "inor kanpoan gera ez dadin" eta legea "denbora motelagoan" erreformatzea.
Alberto Martinez Osasun sailburuak gutun bidez jakinarazi dio Osasun ministroari Lurralde arteko Kontseilua utziko duela
Martinezek berretsi du erabaki hori BAME deialdian euskararen ezagutza baloratzeari eta Euskadik Kohesioa Finantzatzeko Informazio Sistemari (SIFCO) komunitatetik kanpoko pazienteei arreta emateagatik Espiniak egin behar dion ekarpenari uko egin diolako hartu dela.
Cuerpo: "Espainiako Gobernuak aurrekontuak onartu nahi ditu, eta horretarako bizkorrago ari gara lanegiten"
Radio Euskadiko Boulevard saioan egindako elkarrizketan, Carlos Cuerpo Ekonomia, Merkataritza eta Enpresa ministroak, adierazi duenez, Espainiako Gobernua "buru-belarri ari da lanean 2026ko aurrekontuak prestatzeko, lehenbailehen aurkeztu ahal izateko".
Cuerporen ustez, Ayusok Pradalesi buruzko adierazpenak egin eta bi egunera "atzera egin ez izana" larria da
Carlos Cuerpo Ekonomia, Merkataritza eta Enpresa ministroak "larritzat" jo du Isabel Diaz Ayuso Madrilgo Erkidegoko presidenteak "bi egun geroago" Imanol Pradales lehendakariari buruz egindako adierazpenak direla eta atzera egin ez izana. Radio Euskadin egindako elkarrizketan, "horrelako adierazpenak ez normalizatzeko" deia egin du. "Hori da, kasu honetan agerian geratu den moduan, oinarririk gabe egindako horrelako adierazpenak normalizatzeko dugun arrisku nagusia", ohartarazi du. Jatorrizko kortea, gaztelaniaz.
Albiste izango dira: EITB Focus, Hamasen erabakiaren zain eta aireportuen kudeaketa eskualdatzeko negoziazioa
Gaurkoan Orain-en albiste izango direnen laburpena, bi hitzetan.
VOXek ez luke ordezkaririk lortuko, ez EAEn ezta Nafarroan ere, baina boto-kopurua ia bikoiztu egingo luke
EITB Focusen arabera, hauteskunde orokorrak egingo balira, Voxen aldeko boto-asmoak gora egingo luke Euskal Autonomia Erkidegoan eta Nafarroan. Gipuzkoan, alderdiak botoen % 5 inguru jasoko lituzke, eta Araban eta Nafarroan, berriz, % 7 baino gehiago.
Nafarroak eserlekuen banaketari eutsiko lioke, baina PSNk ia lau puntu egingo luke behera
EiTB Focus inkestaren arabera, Espainiako bozak orain deituko balira, Nafarroako eserleku banaketa ia ez litzateke aldatuko.
Pedro Sanchezek legegintzaldia agortuko al du? Hamar biztanletik seik baietz uste dute
EITB Focus inkestan parte hartu dutenen % 65,1ek uste dute Espainiako Gobernuko presidenteak legegintzaldia amaitzeko geratzen zaizkion bi urteak egin egingo dituela, baina % 35,8ren iritziz, Pedro Sanchezek hauteskundeak deitu beharko lituzke.
EH Bilduk irabaziko lituzke hauteskunde orokorrak Euskadin, EAJrekin berdinduta
Bi alderdiek, EH Bilduk eta EAJk, emaitzak hobetuko lituzkete hauteskunde orokorrak egingo balira, EITB Focusen atal berrian ikus daitekeenez. Alderdi biek diputatu bat gehiago izango lukete Kongresuan.
EH Bilduk diputatu bat gehiago lortu eta indar nagusia izango litzateke Gipuzkoan
EiTB Focusen azken atalaren arabera, hauteskunde orokorrak egingo balira, EAJk ere emaitza hobetuko luke eta bigarren indarra izango litzateke Gipuzkoan, dituen bi eserlekuei eutsita.