Larunbateko mobilizazioan parte hartzeko eta Bilboko kaleak ikurrinez betetzeko deia egin du Gure Eskuk
Ekainaren 7ko "Herri libre bat. Euskal Herriak erabaki!" mobilizazio nazionalean parte hartzeko eta Bilboko kaleak ikurrinez betetzeko deia egin du Gure Esku erabakitzeko eskubidearen aldeko mugimenduak. Manifestazioa Bilboko Castilla plazatik abiatuko da, 17:30ean.
Gaur goizean Gure Eskuren ordezkariek Bilbon egin duten prentsaurrekoan azaldu dutenez, larunbatekoa "funtsezko hitzordua" da "euskal nazioari bultzada emateko, burujabetzaren bidean urratsak egiteko eta erabakitzeko eskubidea gauzatzen hasteko".
Josu Etxaburu Gure Eskuren bozeramaileak gogora ekarri duenez, "ezer ez da lortu herri honetan herri aktibaziorik gabe". Hori dela eta, uste du herri aktibazioa "ezinbestekoa" izango dela, "herri gisa aurrera egingo badugu".
Izan ere, Etxabururen esanetan, Euskal Autonomia Erkidegoan, Nafarroan eta Ipar Euskal Herrian "zabalik daude" burujabetzaren bidean eta euskal lurraldeen artikulazioan pausoak emateko "aukera" eman dezaketen prozesu eta eztabaidak. Testuinguru horretan, herritarren bultzadaren ekarpena sustatu nahi du larunbateko mobilizazio nazionalak.
Halaber, Gure Eskuk "Autonomia kalea ikurrinen kalea" izatea nahi du larunbatean, eta herritarrei mobilizaziora ikurrina eramateko deia egin die Mirian Campos Gure Eskuko kideak.
"Zalantzarik gabe, larunbatekoa herri-agerraldi bat izango da. Herri-selfie bat egingo dugu, eta munduak garen modukoak bezala ikusiko gaitu: herri anitz bat, bere hizkuntzaz eta kulturaz harro dagoena, bere ikurrak maite dituena", gaineratu du.
Mobilizazio nazionala arratsaldean izango bada ere, Gure Eskuk egun osoko egitarau zabala prestatu du, goizetik gaueraino. Bertsolariak, musika, pailazoak, erraldoiak, txistulariak eta trikitilariak, herri kirolak eta abar izango dira Bilboko hainbat gunetan. Halaber, martxaren bukaeran Sol Band Palestinako taldea ariko da Bilboko udaletxe ondoko oholtzan.
Atxikimenduak
Euskal Herriko esparru ugaritako dozenaka pertsona atxiki dira mobilizaziora: kulturgileak (Agurtzane Intxaurraga, Aitziber Garmendia, Aiora Zulaika "Pirritx", Jose Mari Agirretxe "Porrotx", Iker Galartza, Mertxe Rodriguez "Marimotots", Itziar Ituño, etab) musikariak (Gozategi, Anje Duhalde, Bulego, Dupla, Gatibu, Olatz Salvador, Skabidean, Zetak, etab), kazetariak, esparru akademikokoak, etab. Gizarte eragile ugarik ere bat egin dute: ELA, LAB, Steilas, Hiru eta EHNE sindikatuak, Etxalde mugimendua, Bilgune Feminista, Euskalgintzaren Kontseilua, pentsiodunen mugimendua, Egi eta Ernai gazte antolakundeak.
EAJ, EH Bildu, EH Bai eta Podemosek ordezkaritza bidaliko dute
EAJ, EH Bildu, EH Bai eta Podemosek Bilboko larunbateko mobilizaziora ordezkaritza bidaliko dutela baieztatu diote Gure Eskuri.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.