Maider Etxebarria Gasteizko alkateak Voxen kartel batzuk gorroto delitu gisa ikertzea eskatu du
Gasteizko alkate Maider Etxebarriak migrazioaren gorakadari buruzko kartelak ikertzeko eskatu dio Udaltzaingoari, ondoren informazioa Fiskaltzari bidaltzeko, horrelako diskurtsoek "bizikidetzari eragiten diotelako eta hausnarketa merezi dutelako".
"Zero tolerantzia arrazakeriarekin", idatzi du alkateak sare sozialetan, Vox alderdi ultraeskuindarrak Espainiako Estatuko hainbat hiritan egindako ekimen baten parte diren kartel horien hainbat argazkirekin batera.
Rocio de Meer Voxek Larrialdi Demografikoaren eta Gizarte Politiken arloan duen bozeramaileak sare sozialetan iragarri duenez, bere alderdiak "muga berreraikitzeko hainbat ekintza" abiatu ditu, espainiarrei "axola dien guztia baitago jokoan".
Kartel horietako baten aurrean grabatutako bideoan azaldu duenez, 2039an Gasteizen etorkin gehiago egongo dira bertakoak baino. Horixe da, hain zuzen ere, urte hori "populazioaren ordezkapen data" gisa aipatzen duten kartelen ideia nagusia, eta "txapela baino burka gehiago" eta "idiazabal baino halal gehiago" egongo diren urtea.
Kartelak agertu direla jakin ostean, alkateak "gorroto delitu hori ikertzeko" eskatu dio Udaltzaingoari.
De Meerrek dagoeneko alkateari erantzun dio sare sozialetan: "Amaitzen dutenean, Gasteizen arabarrek egunean jasaten dituzten 53 delituekin lanean jar daitezela".
"Zure aginduak, legez kanpokoak izateaz gain, ergelkeria eta traizioa dira espainiarrak diren euskal herritarrentzat. Bizikidetzari kalte egiten diotenak lapurretak, bortxaketak, matxinadak eta ikara dira. Seguru Poliziak azalduko dizula", esan du Jorge Buxade alderdi ultraeskuindarreko eurodiputatuak.
Bestalde, Sare Antifaxistak kanpainaren inguruan ohartarazi du sare sozialetan: "Vox faxistak kartel supremazista/arrazistak jarri ditu 'Ordezkapen Handia'ren teoriari buruz".
Zure interesekoa izan daiteke
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo borraska
Gaurkoan Orain-en albiste izango direnen laburpena, bi hitzetan.
Itxasok lehendakaria kritikatu du “proiekturik gabeko etxebizitzak” iragartzeagatik
Kritikak kritika, Etxebizitza sailburuak esan du EAJ-PSE koalizio-gobernua "funtzionatzen" ari dela eta legealdi honetan atzean geratu direla etxebizitza-politikan iraganean izandako "desadostasun handiak".
Asensiok tonua apaldu eta "normaltasunaren barruan" kokatu ditu Mendozari egindako kritikak
Ayesa operazioa dela eta, buruzagi sozialistak "lidergo falta" egotzi zion Gipuzkoako diputatu nagusiari. Biharamunean, Asensiok esan du "gai zehatzetan" iritzi ezbedinak izatea "normaltasunaren barruan" dagoela.
Martxoaren 3ko sarraskia gogoan mantentzeko helburua duen "Amets berriak" abestia aurkeztu dute
Martxoaren 3an Gasteizen izandako sarraskiaren 50. urteurrena ospatzeko aste gutxi falta direnean, Martxoak 3 elkarteak "Amets berriak" abestia aurkeztu du. Letra Karmele Jaiok idatzi du eta Idoia Asurmendik interpretatu.
Hezkuntza sailburuak LHko euskal eredua goraipatu du, Sanchezek horien irekiera mugatzeko asmoa iragarri ondoren
Begoña Pedrosa Hezkuntza sailburuak Euskadiko Lanbide Heziketaren "kalitatezko eredu inklusiboa" goraipatu du, Pedro Sanchez Espainiako Gobernuko presidenteari emandako erantzunean. Horren arabera, Lanbide Heziketako ikastetxe pribatuen irekierari "mugak jartzeko" eta prestakuntzaren kalitatea "blindatzen jarraitzeko" errege-dekretua sortuko da.
Justizia Administrazioan euskara sustatzea eskatzen duen ekimena atera dute aurrera EAJk eta PSE-EEk
Administrazio publikoan euskararen eskakizuna blindatu ahal izateko legearen negoziazioan jarrerak urrunduta dituztenean, jeltzaleek eta sozialistek bat egin dute gaur Legebiltzarrean euskararekin lotutako ekimen batean.
CCOOk ELAri eta LABi eskatu die LGSri buruzko estrategia "birbideratzeko"
Unai Sordoren arabera, "gutxieneko soldata bat izan behar du, eta gero negoziazio kolektiboak lurrera jaitsi behar du baloia" lurraldeetan. CCOOko idazkari nagusiak mobilizaziorako deia egin du, hitzarmeneko gutxieneko soldatak lortzeko.
Sanchezek esan du "tekno-oligarkek ez dutela demokrazia makurraraziko"
Espainiako Gobernuko presidenteak, izenik esan gabe, Telegrameko kontseilari delegatuari erantzun dio gaur Bilbon, sare sozialen inguruko neurri berrien aurrean atzo plataformako buruak honen aurka egin ondotik.
Javier De Andresen ustez, iraungitako dosien txertaketa "ez da salbuespenezkoa" Osakidetzan
Javier de Andres EAEko PPko presidenteak adierazi duenez, bere alderdiak "zalantza asko" ditu gertatutakoaren inguruan, eta bere ustez "elementu batzuek erakusten dute ez zela noizbehinkako eta ezohiko gauza bat", baizik eta "hasieran transmititu zena baino zabalagoa dela".
Duela 31 urte ETAk hildako Gregorio Ordoñez gogoratu du Eusko Legebiltzarrak
Eusko Legebiltzarrak minutu bateko isilunearekin gogoratu du Gregorio Ordoñez legebiltzarkide eta Donostiako PPko zinegotzi izandakoa. 1995eko urtarrilaren 23an hil zuen ETAk Donostiako taberna batean.