Enplegu Publikoaren Legearen erreforma erregistratu du EH Bilduk, euskarari lege babesa bermatzeko
Sistemari segurtasun juridikoa itzultzea, hizkuntza-eskubideak bermatzea eta euskal sektore publikoan hizkuntza-eskakizunen zilegitasun demokratikoa bermatzea. Horiek dira EH Bilduk astearte honetan Legebiltzarrean erregistratu duen Enplegu Publikoaren Legearen erreformaren gakoak. Koalizioaren esanetan, "epaitegiek desegin duten horren aurrean, lehen murru bat eraikitzea du helburu enplegu publikoaren legea aldatzeko proposamenak".
EH Bilduk ohar bidez azaldu duenez, "orain arteko funtzionamendua itzultzea" planteatuko da; izan ere, orain arte, hizkuntza-eskakizuna botere publikoek aurretik zehazten zuten lanpostuetan soilik aplikatzen da. Eredu berriak errotik aldatuko luke egungo funtzionamendua: "Bi hizkuntzen eskakizuna orokorra izatea" proposatzen da, eta "salbuestea, betiere modu justifikatuan eta objektiboan, botere publikoek zehaztutako lanpostuak". Kasu horietan, euskara-eskakizuna meritu gisa baloratuko litzateke.
Hala, funtzio publikoetan jarduteko beharrezkoa izango da euskaraz eta gaztelaniaz egoki hitz egitea eta idaztea, lanpostuei dagozkien eginbeharrak gorabehera. EH Bilduk nabarmendu du gisa horretako arauak badaudela martxan beste autonomia erkidego batzuetan, eta Galizia, Katalunia eta Valentziako kasuak aipatu ditu.
Horretarako, esku-hartzea lege bidez egitea proposatzen du koalizio abertzaleak. Izan ere, horren aburuz, gaur egun ez da nahikoa "arau bidezko gutxieneko erreforma bat sistema babesteko".
EH Bilduk uste du badirela baldintza objektiboak aldaketa horren alde egiteko, eta ondorengo datuak mahaigaineratu ditu: VII. Inkesta Soziolinguistikoan parte hartu dutenen % 75 administrazio publikoan bi hizkuntza ofizialen eskakizunaren aldekoak dira. Gainera, gazteen artean 1986an bi hizkuntzak zekitenen lagun kopurua % 50 izatetik, % 90 izatera pasa zen 2021ean Euskal Autonomia Erkidegoan.
"Eztabaida ixtea ahalbidetuko lukeen irtenbide bat eskaini behar dugu. Iritzi ezberdinen artean proposamen bat adostea lortzen badugu, gizarteari zantzu positiboak bidaltzen ariko gatzaizkio, eta euskararen biziberritzean etapa berri bat irekitzeko beharrezko oinarriak jartzen", esan du koalizioak.
"Euskalduntze prozesuak ezin dezake bi urte itxaron"
Pello Otxandiano EH Bilduren Legebiltzarreko buruak Naiz irratian egindako elkarrizketan esan duenez, "euskalduntze prozesuan eman beharreko jauziak ezin du bi urtez itxaron. Has gaitezen erabakiak hartzen", adierazi du.
Atzo Bilbon egindako "Euskararen Jauzi Kualitatiboa" ekimenaren harira esan ditu hitzok Otxandianok; izan ere, ekitaldian Imanol Pradales lehendakariak adierazi zuen Jaurlaritzak euskara biziberritzeko nazioarteko biltzarra egingo duela, 2027an.
Zure interesekoa izan daiteke
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".