Zarauzko eta Azpeitiko udalek Txiki eta Otaegiren aitortza ekitaldiak egin dituzte
Zarautzen ostiral honetan eta Azpeitian ostegunean aitortu dituzte Frankoren diktaduran fusilatutako bi gazteak, eta adierazpen instituzionalak irakurri dituzte "egin zitzaien injustiziaren aurrean elkartasuna eta gizatasuna” adierazteko.
Zarauzko Udalak harrera egin die Txikiren senitartekoei. Argazkia: EITB
Fusilatu zituztenetik 50 urte betetzera doazenean, Txiki eta Otaegiren oroimen eta aitortza ekitaldiak egin dituzte haien jaioterrietako udaletxeetan, Zarautzen eta Azpeitian. Franco diktadorea hil baino aste batzuk lehenago fusilatu zituzten, 1975eko irailaren 27an, FRAPeko beste hiru kide bezala, bata Bartzelonan eta bestea Burgosen.
Zarauzko Udalak ostiral arratsaldean ekarri du gogora Jon Paredes Manot Txiki. Xabier Txurruka alkateak adierazi duenez, erakundean ordezkaritza duten hiru alderdien (EAJ, EH Bildu eta PSE-EE) arteko lankidetzaren eta adostasunaren emaitza izan dira ekitaldia eta “aho batez” onartutako adierazpen instituzionala.
Azpeitiko Udalak ostegunean egin zion aitortza ekitaldia Angel Otaegi Etxeberriari. Kasu honetan ere, udalean ordezkaritza duten bi alderdiek (EH Bildu eta EAJ) adostu zuten adierazpen instituzionala, eta Nagore Alkorta alkateak irakurri zuen.
* Angel Otaegiri omenaldia. Argazkia: Azpeitiko Guka / Julene Frantzesena
Bi adierazpenetan jaso dutenez, Txikik eta Otaegik "bidezko prozesu batek bete beharreko printzipioak urratu zituzten" epaiketak izan zituzten eta exekuzioek haien "bizitzeko eskubidea urratu zuten".
Bi udalek "memoria publikoaren politika bat" egiteko borondatea agertu dute, eta "egia, justizia eta erreparazioa lortzeko eta memoriaren parte izateko eskubidea bete" nahi izan dute horrela.
"Berandu" datozen adierazpenak direla onartuta, bi biktimekin eta familiekin duten “zor morala” kitatzea helburu dutela aitortu dute; “egin zitzaien injustiziaren aurrean elkartasun eta gizatasun adierazpena” egitea.
Txikiren eta Otaegiren familiek parte hartu dute bi ekitaldietan.
Zarautzen, Perdi Paredesek, Txikiren anaiak, eskerrak eman dizkie urte hauetan maitasuna erakutsi dieten herritarrei, baina familia "minduta" dagoela adierazi du, azken egunotan "anaiaren memoriarekiko injustizia" egin delako. Zarauzko Udalari zuzenduta, familiaren "zaurietan gatza bota" dela esan du.
Azpeitian, Mertxe Urtuzagak, Otaegiren lehengusinak, esan zuen fusilamendu horiek "Euskal Herriaren historiaren parte" direla, eta horren berri ematearen garrantzia azpimarratu zuen.
Zure interesekoa izan daiteke
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.
Abalos, Koldo Garcia eta Aldamaren aurkako epaiketa hasi da, maskarak iruzurrez erostea egotzita
Fiskaltzak eskatu du ministro ohiari 24 urteko espetxe-zigorra ezartzea; 19 urte, Garciari, eta 7 urte, Aldamari. 70 lekuko baino gehiago agertuko dira Auzitegi Gorenean.
Ikerketa batzordeak bertan behera utzi du Cerdanen emaztearen agerraldia, osasun arazoengatik deklaratzeari uko egin baitio
Erabaki hori gorabehera, txostenak "zalantzak sortu dizkie", batzordeko presidenteak esan duenez, baina "kontuz ibiltzeko moduko gai bat" dela iritzita, deklarazioa bertan behera uztea erabaki dute, bai eta Cerdanen emazteak aurkeztutako agiriari buruzko txosten "juridikoak" eta beste mediku batzuren "osasun txostenak" biltzea ere.
Epaiketa bertan behera uztea eskatu dute Kitchen auziko akusatuen abokatuek, intrukzioan akatsak izan direla argudiatuta
Lehen saioan, aurretiko gaiei helduta, hamar akusatuen abokatuek galdegin dute bertan behera utz dezatela Mariano Rajoyren Gobernuaren garaiko Barne Ministerioaren buruzagitzaren aurkako epaiketa.
PPk kritikatu du "biktimismoan" eta euskal herritarren errealitatetik urrun bizi dela EAJ
Laura Garridok (PP) hedabideen aurrean adierazi duenez, Aberri Egunean "betiko diskurtsoa" izan zuen EAJk. "Jauzi kualitatibo bati buruz hitz egin zuten, eta jauzi horrek euskal herritarrei mesede egingo ote dien galdetu nahi diet, kontuan izanda independentzia ez dagoela euskal herritarren lehen kezken artean", esan du.
Eibar Memoria Demokratikorako Leku da, ofizialki, gaurtik
Estatuko Aldizkari Ofizialean argitaratutako ebazpenak jasotzen duenez, "Eibarko hiriak Memoria Demokratikoaren Leku gisa aitortzeko oinarriak biltzen ditu, errepublikaren legezkotasunaren defentsa aktiboaren nahiz nazioarteko zuzenbide humanitarioaren urraketa larrien agertoki izan baita".
Arkaitz Rodriguez: "EH Bildu ez da hurrengo hauteskundeetan pentsatzen ari, hurrengo belaunaldietan baizik"
Koalizio subiranistako Ekintza Politikoko idazkariak EAJri erreferentzia eginez esan duenez, "penatuta entzuten ditugu hainbat adierazpen, ezin dugu ulertu nola dagoen kezkatuago dagoenik oraindik urtebete luze barru izango diren hauteskundeekin, herritarren arazoei konponbideak ematearekin baino".
Rajoyren Gobernuko Barne Ministerioko buruzagitza akusatuen aulkian eseriko da gaurtik aurrera, Kitchen auziagatik
Fernandez Diaz Barne Ministerioaren buru zen, Fiskaltzaren arabera, 2013an Gurtel auziko frogak lortzeko Luis Barcenas PPko diruzain ohiaren esku "legez kontrako inteligentzia operazio bat" egitea pentsatu zutenean, eta, horrela, epailearen esku geratzea "saihesteko".