UCOren ustez, Torres ministroak hainbat ordainketa agindu zituen, “Koldo Garciak harengan zuen eraginagatik”
Auzitegi Nazionalean 'Koldo auzia' ikertzen ari den epaileari bidalitako azken txostenean Koldoren eta Torresen arteko hainbat mezu jaso ditu Guardia Zibilak. Ministroaren taldeak, ordea, ukatu egin du deliturik egin zuela eta haren aurkako “difamazioa” salatu du.
Angel Victor Torres ministroa, artxiboko irudi batean. Argazkia: EFE.
Guardia Zibilaren Unitate Zentral Operatiboak (UCO) uste du Angel Victor Torres Lurralde Politikako eta Memoria Demokratikoko ministroak Soluciones de Gestión y Apoyo a Empresas SL enpresari “ordaindu gabeko hainbat ordainketa egiteko agindu” zuela Kanarietako presidentea zenean. 'Koldo auzia'n ikertzen ari diren Victor de Aldamaren enpresari erosi zizkion musukoak Kanarietako enpresak eta, UCOren arabera, Koldo Garciak eskatu zion Torresi ordainketa horiek arintzeko.
Kanarietako Gobernuak egin zituen kontratazioen azterketen inguruko txostena bidali dio UCOk Auzitegi Nazionalean ‘Koldo kasua’ ikertzen ari den epaileari, Ismael Morenori. Txosten horretan zehaztu dituzte gobernu autonomikoak Soluciones de Gestion enpresa kontratatu zezan Koldo Garciak egindako kudeaketak eta, geroago, 7,8 milioi kobratzeko egin zituenak.
Ikertzaileen arabera, Garciak "eragina" zuen Torresengan. Hori aditzera emateko, aipatu dute Torresek Jose Luis Abalos Garraio ministro ohiaren aholkulariari jakinarazi ziola “ordainketa horiei adi” zegoela, eta Kanarietako Gobernuak zor zuen kopuruari eta enpresari buruzko informazioa eskatu ziola.
Txosten horretan Torresek Garciari bidalitako zenbait mezu zehazten dira. Horietako batean, egungo ministroak esan zion “eguna utzi” ziezaiola “arduradun ekonomikoarekin batzeko” eta arazoa konpondu ezean, kaleratu egingo zuela iradokitzen du.
Guardia Zibilaren esanetan, Koldo Garciak sarritan hitz egin zuen garai hartan Kanarietako Presidentetzako sailburuordea zen Antonio Oliverarekin. Kontratua esleitu aurretik musukoen eskariari buruz aritu zirela eta, ondoren, bidalketei eta ordainketari buruzko xehetasunak argitu zituztela dio.
Instrukzio-epaileari bidalitako txostenak azaltzen duenez, teknikari eta funtzionarioek esleipen horien kontrako iritziak agertu zituzten.
Txostenaren berri jakin ondoren, Angel Victor Torresen taldeak esan du ministroak “ez duela deliturik egin”, eta bere inguruan botatako "gezurrak” gaitzetsi ditu. Urtebete baino gehiagoz elkarrizketak aztertzen aritu ostean, azpimarratu dute ez dagoela deliturik, eta ez dela egongo. Musukoen kontratuei dagokienez, iturri horien arabera, "frogatu da zuzen jokatu zela, Kontu Auzitegiak esan bezala".
Bestalde, Alderdi Popularrak Torres ministroak dimititu dezan eskatu du. Hedabideei oharra bidali die, esateko “korrupzio-sare batentzako dirua lortu” duela eta, ondorioz, ezin duela karguan jarraitu.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.