Estatu kolpea, Franco, ETA, Corinna... Zer esan ote du Juan Carlos I.ak bere autobiografian?
Espainiako errege emerituak, Abu Dhabitik, Reconciliación liburua idatzi du, bere bizitza, itzalguneak eta ondarea errepasatzeko. 87 urterekin, Trantsizioan izan zuen papera nabarmendu, Felipe VI.arengandik urrundu izana deitoratu eta “akatsak”, “bakardadea” eta “mina” aitortu ditu.
Juan Carlos I.ak isiltasun publiko luzea hautsi du Réconciliacion izeneko autobiografia eginda, 87 urte dituela. Memoria horiek lehen pertsonan idatzita daude, eta bere bizitzaren atzerabegirakoa egiten dute.
Espainiako Errege emerituak Trantsizioan izan zuen papera nabarmendu du. Itzalei aurre egin, eta bere erregealdia markatu zuten gertaeren irakurketa pertsonala eskaintzen du, Otsailaren 23tik Felipe VI.arengandik urrundu zen arte. Bere oroitzapenak argitaratzeak jakin-min handia piztu du.
◆ “Espainiako Koroa nire gain dago erabat”
“Ez ahaztu nik sortutako sistema politiko bat heredatu duzula”.
“Arlo pertsonalean baztertu nazakezu, baina onartu egin behar duzu jaso duzun herentzia instituzionala”, idatzi du, semeari, Felipe VI.ari, zuzenduz.
Abu Dhabira erretiratu zenetik, monarkia parlamentarioa haren "gain erabat” dagoela adierazi du errege emerituak.
Esan du “bere historia lapurtu” ziotela, eta hura berreskuratzeko idatzi omen du autobiografia.
◆ Semearekin duen harremana
“Bizi naizen bitartean, espero dut erretiro lasaia eta semearekin harreman harmoniatsua izatea eta Espainiara itzultzea, etxera”.
Juan Carlos I.ak onartu egin du Felipe VI.arengandik aldentzea “Gobernuaren presioen” ondorio dela, eta deitoratu du ezin izan dituela “harreman pribilegiatuak ehundu” bilobekin, Leonorrekin eta Sofiarekin.
Letiziari buruz: “Errege familian sartzeak ez zion kohesioari lagundu”.
◆ Sofia da bere erregina kutuna, hanka sartu duen arren
“Ezerk ezingo du sekula ezabatu nire emazte Sofi, nire erregina, zenbat maite dudan”.
“Espainiak ezingo zukeen erregina saiatu eta akasgabekoagorik izan”.
“Hanka-sartze sentimentalak” aitortzen ditu, baina bere harremanen inguruko istorio gehienak fikziozkoak direla dio.
Sofia Abu Dhabin ez egoteari tamalgarri deritzo, eta hau esan du:
“Ahal nuen guztia egin nuen, baldarkeriak gorabehera, bera ondo eta eroso egon zedin”.
◆ Franco: “Errege izateko aukera hari esker izan nuen”
“Ikaragarri errespetatzen nuen, bere adimena eta zentzu politikoa miresten nituen”.
“Inork ez zuen eraistea lortu, ezta desegonkortzea ere, eta hori hain epe luzean lortu izanak meritua du”.
“Zergatik gezurra esan, errege egin ninduen pertsona izan zen eta, berez, erregimen irekiago bat sortzeko errege egin ninduen”.
◆ O23: “Nire bizitzan inoiz ez dut hainbeste autoritate erakutsi”
“Espainiako historia une zehatz horretan jokatzen zen”.
Emerituak 23Fko kolpea bere gaurik erabakigarriena bezala gogoratzen du.
“Patxadaz hitz egiten nuen, banekielako Koroaren eta herrialdearen patua jokoan zegoela”.
“Gau luze hartan hiru kolpe saiakera izan ziren: Tejero eta Milansena, Armadarena eta falangistena”.
◆ ETA: “Borrokarik gogorrena eta mingarriena”
“Banekien azkenean haiek baino indartsuagoak izango ginela”.
“Nire erregealdiko gogorrena eta mingarriena izan zen”.
Biktimak “zauri pertsonal bat bezala gogoratzen ditu, oraindik sendatzen zaila dena”.
11Mri buruz: “Gutxitan egin dut hainbeste negar. Traumatismo nazionala eta pertsonala izan zen”.
◆ “Zergatik ez zara isiltzen?”: nahi izan ez zuen eslogana
“Nik nahi ez nuen arren, "zergatik ez zara isiltzen?" erresistentzia politikoaren eslogan bihurtu zen”.
“Chavezek nire onetik atera ninduen. Zapaterok jakatik tira egiten zidan, esku har ez zezan”.
Ondoren, Palman egindako bisita batean Chavezi esaldia zeraman kamiseta oparitu ziola kontatu du, barre artean.
Juan Carlos I.ak Hugo Chavezekin 2007an izandako liskarra gogoratu du:
Chavezek nire onetik atera ninduen
◆ Trantsizioa: “Espainolei demokrazia agindu nien eta bete egin nuen”
“Washingtongo Kapitolioaren aurrean argi eta garbi agindu nien demokrazia espainiarrei”.
“Promesa hori egiteko harrotasuna eta indarra sentitu nuen, banekielako bete nezakeela”.
Honela deskribatzen du Trantsizioa: “Nik kontrolatzen nuen lauhazka botatako zaldia, ez ezkerrera ez eskuinera gehiegi joan ez zedin”.
◆ Drama: “Ez naiz sekula nire anaia Alfontsoren heriotzatik errekuperatuko”
“Faltan botatzen dut. Lagun bat galdu dut, isilmandatari bat.”
“Oraindik zaila da horretaz hitz egitea”.
1956ko istripua gogoratzen du, pistola batek istripuz tiro egin eta anaia hil zuenean: “Gure aitaren besoetan hil zen”.
◆ “Espainiak erabakiko du, Historiak epaituko gaitu”
“Bere burua oso-osorik bere herriari eman zion gizona naiz”.
“Ohorez lurperatua izatea espero dut. Espainiak erabakiko du, Historiak epaituko gaitu”.
Bere oroitzapenak Trantsizioaren espiritua aipatuz eta adiskidetzea eskatuz ixten ditu.
Zure interesekoa izan daiteke
Poliziaren torturaren zazpi biktimak ekimen judizial bateratu bat abiatu dute, Espainiako Justiziari eskatzeko haien kasuak ikertu ditzala
Espainiako Estatua zazpi kasu horiek ez ikertzeagatik zigortu zuen Estrasburgoko Giza Eskubideen Europako Auzitegiak. Horietako bat Martxelo Otamendi da, Egunkariaren auzian atxilotu zuten, eta torturak salatu zituen kazetariak.
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn, Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.