Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Joan den astean Juntsek iragarri zuen haustura formalizatu du gaur alderdiak Miriam Nogueras bozeramailearen bitartez, eta adierazi du Gobernuak aurkezten dituen lege guztien aurrean osoko zuzenketak egingo dituela, kontrako botoa emango duela proposamen guztietan, eta iragarri du 2026rako aurrekontuak ez dituztela babestuko.
"Pedro Sanchezen legealdia blokeatuta dago", esan du Noguerasek Kongresuan, Juntseko gainerako sei diputatuekin batera egindako agerraldian, eta Pedro Sanchez presidenteari aurpegiratu dio alderdiaren erabakia iragarri eta astebetera ez duela azaldu nola gobernatuko duen Juntsen babesik gabe.
Nogueras hedabideen aurrean zegoen bitartean, Junts osoko zuzenketak erregistratzen ari zen, tramitatzen hasi ez diren Espainiako Gobernuaren 25 legeen gainean. Gainera, argi utzi du ez dutela bozkatuko izapidetzen ari diren beste 21 legeren alde, eta adierazi du Gobernuari eskatuko diotela aurkez ditzakeen hurrengoak aurrez bidaltzea.
"Pedro Sanchezek ezingo ditu aurrekontuak onartu, ezta Bolaños eta Begoña legeak ere ", baieztatu du, eta Gobernuak Juntsen ustez "aukera historikoa" galdu izana deitoratu du, Sanchezen inbestidurari babesa ematearen truke Carles Puigdemontekin lortutako akordioak ez betetzeagatik.
"Badirudi botereari eustea erabaki dutela, baina ez gobernatzea, Juntsen botorik gabe ezin baitute legerik onartu, PPrekin eta Voxekin adosten ez badute", azpimarratu du Noguerasek. Sozialistentzat hori "errealitate bainua" dela iragarri du, nahiz eta bere taldeak beti ohartarazi zuen Gobernuak ez zuela "egonkortasunik" izango kataluniarren beharrak konpondu eta akordioak bete ezean.
Espainiako Gobernuak, "eskua luzatuta"
Carles Puigdemont Juntseko buruak legegintzaldiaren hasieran PSOErekin lortutako akordioa hautsi zuela jakinarazi ostean, Espainiako Gobernuak azaldu zituen argudioak berretsi ditu gaur.
"Eskua luzatuta beti", azpimarratu dute Espainiako Gobernuko iturriek, Juntsek emandako pausoaren berri izan ostean.
Ildo horretan, azpimarratu dute Espainiako Gobernua prest dagoela herritarren bizitza hobetzeko prest dauden talde parlamentario guztiekin hitz egiteko eta elkar ulertzeko, bai Katalunian, bai Espainian.
Erreakzioak
Alberto Nuñez Feijoo PPko buruzagiaren ustez, Juntsen erabakiak agerian uzten du Pedro Sanchez gobernuburuak ez duela egonkortasunik. "Nola zen Europako Gobernu egonkorrenaren kontu hori?", nabarmendu du Feijook X sare sozialean.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.