Indarkeriak ez duela lekurik gazteei transmititzeko beharra nabarmendu du Pradales lehendakariak
Memoriaren Egunaren harira Gogora Institutuak antolatutako ekitaldian, "akatsak ez errepikatzeko" iraganetik ikasi behar dela azpimarratu du lehendakariak. Halaber, ohartarazi du demokrazia eta giza eskubideak ez daudela ziurtatuta.
Terrorismoaren "garai ilunak" eta Poliziaren indarkeria ezagutu ez dituzten gazteei mezu garbia eman nahi izan die Imanol Pradales lehendakariak. "Indarkeriak ez du lekurik gure gizartean eta sufrimendu amaigabea baino ez du eragiten", azpimarratu du.
Memoriaren Egunaren harira Gogora Institutuak antolatutako ekitaldian, gazteak eta indarkeria hizpide izan ditu lehendakariak. Horren esanetan, garrantzitsua da gazteak indarkeria alboratzearen garrantziaz jabetzea: "Demokrazia eta giza eskubideak ez daude bermatuta, eta iraganetik ikasi behar dugu akatsak ez errepikatzeko".
"Euskadin azken hilabeteetan gertatutako batzuk errepasatzea nahikoa da egiaztatzeko oraindik ere bide luzea eta atzera egiteko arriskua dagoela", ohartarazi du Pradales lehendakariak. "Muturreko jarreren eta populismoen aurrean, eta indarkeriara jo gabe, demokraziak baliabideak" badituela uste du lehendakariak.
Testuinguru horretan, lehendakariak beharrezkotzat jotzen du balio demokratikoak indartzea eta indarkeriaren eragina gogoraraztea, baita bakea defendatzeko "adorea" izan zutenena ere.
Iragana aldatzerik ez badago ere posible da indarkeria pairatu dutenen "sufrimendua arintzea" edo "ez areagotzea", jarraitu du lehendakariak: "Gure esku dago bizikidetzaren oinarriak finkatzea, indarkeriari zilegitasuna kentzea eta biktima guztiak aitortzea".
Horretarako ezinbestekoa da, lehendakariaren esanetan, "memoria egunero elikatzea" eta ariketa hori "zintzoa eta eraikitzailea" izatea, "indarkeria mota guztiek eragindako mina bidegabea dela epelkeriarik gabe onartzea".
Maria Jesus San Jose Justizia eta Giza Eskubideen sailburuak, bere aldetik, indarkeriaren biktimak "ahanzturaren biktima" izan ez daitezen lan egitea defendatu du.
Ekitaldian terrorismoaren (ETA, GAL eta eskuin muturreko taldeen) eta Poliziaren indarkeriaren 50 biktima baino gehiago izan dira, eta horietako hiruk (Maixabel Lasa, Amelia Machimbarrena eta Ixone Fernandez) Ainhoa Zugasti Eusko Jaurlaritzako Giza Eskubideen eta Biktimen Arretarako zuzendariak zuzendutako solasaldian parte hartu dute.
Eusko Legebiltzarra
Bestalde, Eusko Legebiltzarrean EAJko, EH Bilduko, PSE-EEko eta Sumarreko legebiltzarkideek lore-eskaintza egin dute biktimei eskainitako "Gauerdiko Iparrorratza" eskulturaren aurrean. PPk eta Voxek ez dute parte hartu, horrelako ekintzek biktima mota eta indarkeria mota desberdinak "nahasten" dituztela argudiatuta.
Etxerat
Ekitaldi instituzional horren aurretik, Etxerat ETAko presoen senideen elkarteak deitutako elkarretaratzea egin da Ganberaren atarian. "Dispertsio- eta urrunketa-politikek eragindako sudrimendua eta zigor erantsiak" salatu dituzte, eta "espetxeetara egindako bidaietan hil ziren 16 euskal presoen senide eta hurbilekoen memoria kolektiboa" zabaltzeko beharra azpimarratu dute.
"Borondatea eskatzen diegu arduradun politiko zein alderdiei, memoria osoaren eta bizikidetzaren eraikuntzaren logikan urratsak ematen jarraitu ahal izateko. Borondatea eskatzen diegu esku artean dituzten erremintak erabil ditzaten sufrimendua eragiten jarraitzen duen 16 biktima hauen aitortza instituzionala irits dadin", esan du Naroa Hernandez Etxeraten eledunak.
EH Bilduko ordezkariak izan dira elkarretaratzean.
Alderdi Popularra
PPk, berriz, ekitaldi propioa antolatu du Gasteizen, terrorismoaren biktimen monumentuan. Lore-eskaintza eta minutu bateko isilunea egin dute bertan.
Javier de Andres Alderdi Popularrak EAEn duen presidenteak hartu du hitza, eta esan du ezin direla indarkeriak "nahastu". "Terrorismoa babestu" zutenei "aitortza etikoa exijitzea" eskatu du.
Bilkura bateratua, Donostian
Donostian, aldiz, udal talde denek hartu dute parte biktimen omenezko ekitaldian, baita PPk ere.
Jon Insausti alkatea buru zela, EAJko, PSE-EEko, EH Bilduko, Elkarrekin Podemoseko eta PPko udal ordezkariak izan dira Alderdi Ederren, terrorismoaren biktimen monolitoan, egin den lore-eskaintzan.
Bilboko Udala
Era berean Bilboko Udalak ere, Bakerako eta Elkarbizitzarako Bilboko Foroarekin elkarlanean, "terrorismoaren eta indarkeria politikoaren biktima guztiak" izan ditu gogoan.
Aurten, lekuz aldatu dute ekitaldia, eta Atalase ekultura-multzoa dagoen tokian egin dute, Guggenheim Museoaren eta Euskadi plazaren artean. Juan Mari Aburto alkateak eta Elixabete Etxanobe Bizkaiko ahaldun nagusiak, eta bi erakundeotan ordezkaritza politikoa duten talde guztiek hartu dute parte, PPk izan ezik, agenda arazoak direla eta.
Zure interesekoa izan daiteke
"Fronte zabalak eraikitzea" eskatu du EH Bilduk, "ultraeskuinaren mehatxuaren aurrean"
Koalizio abertzaleak ohar bidez jakinarazi duenez, Sonia Jacinto Antolakuntza idazkaria eta Gorka Elejabarrieta Harreman Politikoetarako idazkaria Argentinara eta Uruguaira joan dira azken egunotan, eta hainbat ordezkari politiko, giza eskubideen aldeko erakunde eta euskal diasporako kiderekin bildu dira han.
Euskadik eta Espainiar Estatuak aldebiko batzorde bat sortuko dute aireportuen kudeaketan parte hartzeko
Aireportu-azpiegiturei buruzko akordioak bi administrazioen arteko lankidetza-organo bat abian jartzea aurreikusten du, indarrean dagoen eskumen-araudia errespetatuz, Euskadik erabaki estrategikoetan esku hartzeko aukera izan dezan.
Euskal Herriaren proiektu nazionala indartzeko beharra azpimarratu du EH Batera herri ekimenak Lizarran
Aberri Egunaren ofizialtasuna eta instituzionalizazioa ere aldarrikatu dituzte ekimeneko ordezkariek gaur Lizarran egin duten ekitaldian. Zehazki, gaur egun ez duen aitortza eta zabalpena emateko eskatu dute, "urrats txikia bezain eraginkorra" izango litzatekeela iritzita.
Etchegarayk eta Blancok hartu dute Baionako eta Biarrizko alkate kargua
Atzo, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzuliaren ostean alkate karguak hartu eta gero, orain argitzeko dagoen bakarra da Euskal Hirigune Elkargoko presidente izateko hautagaiak nortzuk izango diren. Etchegarayk ez du horren inguruko arrastorik eman.
Bizikidetza eraikitzeko, egian oinarritutako memoria eskatu du Eneko Anduezak
Euskadiko sozialista gazteek Oroimen Hegoak sariak banatu dituzte Donostiako Miramar Jauregian. PSE-EEk ezberdin pentsatzeko askatasuna bermatzeko lanean jarraituko duela aldarrikatu du Anduezak.
Euskadiren eraikuntzan buru-belarri arituko den gazteria aldarrikatu du Aitor Estebanek, pankarta atzean geratzen direnen aurrean
EGI egunaren ekitaldi nagusian parte hartu du Aitor Esteban EBBko presidenteak, Mungian. Gizartean eta alderdian euren lekua hartzeko eskatu die gazte jeltzaleei.
Aireportuen kudeaketan parte hartzeko gaitasunak iritzi ezberdinak sortu ditu euskal alderdien artean
EAJk uste du "albiste bikaina" dela, eta PSE-EEk, berriz, akordioa bere dimentsioan jartzeko eta gehiegizko espektatibarik ez izateko eskatu du. Oposizioak kritikatu du "lehendakariak argazki bat bilatu duela Madrilen", eta akordioa "kea baino ez" dela.
Mikel Serrano, Zumarragako PSE-EEko alkatea, Korrikaren lekukoarekin
Alkateak eraman du Korrikaren lekukoa Gipuzkoako udalerriko Udalbatzari esleitutako kilometroaren lehen metroetan. PSE-EEk Korrikan alderdi gisa ez parte hartzea erabaki zuen, CCOOk betoa jaso ostean, baina ordezkari batzuk parte hartzen ari dira.
Aena aztertzen ari da Jaurlaritzak eta Espainiako Gobernuak egin duten akordioaren aurkako neurriak hartzeko aukera
Enpresa publikoak azpimarratu duenez, aldebiko organo berria "aholku-emailea besterik ez da izango" eta ez ditu bere eskumenak aldatuko. Gainera, ohartarazi du arriskuan jar daitekeela legedia, egungo araudiaren mugak gainditzen badira.
Torresek ontzat jo ditu itunak, eta "Konstituzioa, Estatutua eta legedia" errespetatzen dituztela esan du
Angel Víctor Torres ministroak Aldebiko Batzordearen bilera "produktiboa" izan dela esan, eta aurrez egin den "lan handia" nabarmendu du. Bi administrazioek, gainera, etorkizunean industria, energia, osasun eta immigrazio alorretan, besteak beste, akordioak lortzeko negoziazioen ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.