EAJk eta EH Bilduk Zabalzaren auzia 40 urteren ostean desklasifikatzea eskatuko dute gaur Kongresuan
Mikel Zabalzari egindako omenaldia, Donostian. Argazkia: EFE
EAJk eta EH Bilduk Pedro Sanchez Espainiako Gobernuko presidenteari eta Felix Bolaños Justizia ministroari Mikel Zabalzaren hilketaren inguruko dokumentazio guztia desklasifikatzeko eskatuko diote Diputatuen Kongresuko gaurko kontrol saioan.
Zabalza, autobus-gidaria eta ELA sindikatuko militantea, 1985eko azaroaren 26an atxilotu zuten Donostian, eta Intxaurrondoko kuartelera eraman, terrorismoaren aurkako operazio baten barruan. Hogei egun geroago, haren gorpua Bidasoa ibaian agertu zen. Urteen poderioz, kuartelean torturapean hil zela zioten testigantzak agertu ziren.
Maribel Vaquero EAJren bozeramaileak galdera zuzena egingo dio Sanchezi: "Noiz desklasifikatuko ditu Gobernuak Mikel Zabalzaren kasuaren dokumentuak?". Bestalde, Jon Iñarritu EH Bilduren diputatuak Bolañosi eskatuko dio zehaztu dezala Espainiako Gobernuak zer pauso eman asmo dituen "Mikel Zabalzaren kasua argitzeko".
2024ko martxoan, Bolañosek uko egin zion Kongresuan dokumentuak desklasifikatzeari, esanez hori egiteak "nazioko segurtasunari kalte egingo" ziola. 'Aldana kasu'ari buruz eman zuen erantzun bera izan zen, 1980an Alonsotegiko taberna batean izandako leherketa, Espainiako Talde Armatuek beren gain hartu zutena, eta gerra zikinaren aurrekaritzat hartu zena.
Orduko EAJren bozeramaile Aitor Estebanek salatu zuen informazio horrek sekretupean jarraitu zuela, lau hamarkada pasata, eta zalantzan jarri zuen Gobernua "poliziak ikaratuta" ote zegoen. Bolañosek orduan defendatu zuen informazioa desklasifikatzeko irizpideak bat zetozela Europako estandarrekin, eta dokumentazioa epaitegi batek eskatzen zuenean soilik ematen zela, eta ez zuela arriskuan jartzen segurtasun nazionala.
Ministroak Informazio Sailkatuaren Lege berriaren tramitazioa ere ekarri zuen gogora, Gobernuak Kongresura joan den abuztuan bidalitakoa. Arauak frankismo garaiko legedia (oraindik indarrean dagoena) ordezkatuko luke, baina eztabaidak bere horretan jarraitzen du. Juntsek itzulketa zuzenketa bat erregistratu zuen eta, PPk eta Voxek bat eginez gero, proiektua blokeatuta gera liteke.
Zure interesekoa izan daiteke
Frantziako Fiskaltzak bete beharrik gabeko bost urteko zigorra eskatu du Josu Urrutikoetxearentzat
Frantziako estatutik behin betiko kanporatzea ere eskatu du fiskalak. Defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.
Sanchezek eskatu du EB-Israel akordioa bertan behera uzteko, eta Netanyahuk Espainia kanporatu du Gazarako koordinazio zentrotik
Espainiako Gobernuko presidenteak ohartarazi du Israel nazioarteko zuzenbidea "nabarmen" urratzen ari dela Palestinan eta Libanon. Israelgo lehen ministroak, bestalde, Israelgo Armadako soldaduak difamatzea leporatu dio Espainiari.
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.
Chivitek asteazkenean sinatuko du Hithiumen inbertsioa Nafarroan gauzatzeko akordioa, Pekinen
Horren helburua 400 milioi euroko inbertsioa eta 1.000 lanposturaino beharko dituen bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.
Aitor Estebanek euskal selekzioen ofizialtasuna aldarrikatu du, “nazioarte mailan ikusgarritasuna izateko”
EAJren EBBko presidentea Mendozan izan da, Munduko Pilota Txapelketa antolatu duen hirian. Pilotako euskal selekzioaren ofizialtasuna lortu izanak duen “garrantzia” nabarmendu du bertan.
Euskal Hirigune Elkargoak larunbatean hautatuko du lehendakaria, eta gutxienez lau hautagai izango dira
09:00etan bilera hasi arteko epea duten arren, lau dira, momentuz, Elkargoa gidatzeko nahia adierazi dutenak: Jean Rene Etchegaray, Baionako auzapeza eta Elkargoko lehendakaria orain arteko bi agintaldietan; Alain Iriart, Hiriburuko ezker abertzaleko auzapeza; Peio Etxeleku, Kanboko auzapez jeltzalea, eta Pascal Lesellier, Baionako eskuin muturreko hautetsia.
Rufianek eta Monterok ezkerra batzea eskatu dute, Voxi aurre egiteko: "Bestela, banan-banan hilko gaituzte"
Gabriel Rufian ERCk Kongresuan duen bozeramaileak eta Irene Montero Podemoseko bigarrenak PSOEren ezkerretara dauden alderdien batasuna aldarrikatu dute, eta biek defendatu dute ezkerreko balizko fronte horien gidaritza euren alderdiek hartzea Estatuan eta Katalunian. "Betela, banan-banan hilko gaituzte", esan dute, Bartzelonan egin duten ekitaldia.
Carmen Panok Aldamaren aginduz Ferrazen 90.000 euro entregatu zituela berretsi du Gorenean
Enpresariak esan du 45.000 euroko bi ordainketa eraman zituela PSOEren egoitzara, eta Abalosek hidrokarburoen lizentzian egindako kudeaketengatik “etxe bat" nahi zuela adierazi du.
Otxandianok "haren kapital politikoa jartzeko" eskatu dio Pradalesi, "estatus politiko berriaren eztabaida erdigunean kokatzeko"
EH Bilduren Legebiltzarreko bozeramaileak gehiengo kualifikatuak eta giro politiko "nahiko aldekoa" direla aprobetxatzearen alde egin du, "herri akordioak, akordio nazionalak eta estatu ikuspegia duten itunak lortzeko" EAEn, bere ustez, eta egungo testuinguru historikoan, hori baita "herri honen interesak babesteko alternatiba zentzuzko bakarra".