Jose Luis Abalos eta Koldo Garcia behin-behinean espetxeratzea agindu du Gorenak, ihes egiteko arriskuagatik
Leopoldo Puente magistratuak aintzat hartu ditu Ustelkeriaren Aurkako Fiskaltzak eta herri-akusazioek egindako eskariak, eta ihes egiteko arriskua dagoela iritzita, epaiketa egin aurretik espetxera bidali ditu Abalos eta Garcia.
Jose Luis Abalos Espainiako Gobernuko ministro ohia eta haren aholkulari izandako Koldo Garcia behin-behinean eta fidantzarik gabe espetxera bidali ditu Leopoldo Puente Auzitegi Goreneko epaileak, pandemia garaian Garraio Ministerioak maskarak salerosten ez omen zuelako garbi jokatu. Estreinakoz espetxeratuko dute jardunean dagoen diputatu bat.
Epaiketaren aurretik, bista banatara deitu ditu gaur goizean magistratuak Abalos eta Garcia, biek indarrean dituzten kautelazko neurriak berrikusteko: Estatutik ateratzeko debekua eta hamabostero epaitegian aurkezteko betebeharra dira aurretik ezarrita zituzten neurriak.
Bisten ondoren, Ustelkeriaren Aurkako Fiskaltzaren eta herri-akusazioen eskariak aintzat hartzea erabaki du epaileak, eta biak espetxeratzea agindu ditu, ihes egiteko arriskua dagoela iritzita.
Abalos iritsi da aurrena Auzitegi Gorenera, 09:12 inguruan, hitzordua baino 45 bat minutu lehenago. Bakarrik heldu da, motxila bat eskuan zuela. PSOEren Antolakuntza idazkaria ere izan zenak ez du adierazpenik egin atarian zain zituen hedabideen aurrean. Bistaren amaieran hartu du hitza, epaileari ziurtatzeko ez duela ihes egingo: "Ez daukat ez dirurik, ez eta nora joan ere", esan dio.
Bere aldetik, Koldo Garcia Gorenak ezarritako orduan iritsi da, motxila handi bat bizkarrean, eta abokatuak lagunduta. Azken horrek auzia Auzitegi Nazionalera bueltatzea eskatu du.
Hitza hartu duenean, Garciak ere epaileari esan dio ez duela ihes egingo, eta, horrekin batera, honakoa adierazi du: "Denok dugu pixkanaka ikasteko eskubidea".
Ustelkeriaren Aurkako Fiskaltzak, berriz, zorrotz hitz egin du. Bere hitzetan, Gobernuko kide izateak eman zion Abalosi delituak egiteko aukera, eta nabarmenu du Estatuko botereen ordezkari izateak ez duela inor zigorretik salbuesten.
Epaiketaren atarian
Joan den azaroaren 3an proposatu zuen Puente epaileak Abalos, Garcia eta Victor Aldama enpresaburua epaitzea, Soluciones Gestion enpresaren bidez legez kanpoko eskupekoak kobratu zituztelakoan, pandemian osasun-materiala erosteko kontratuen bidez.
Fiskalak 24 urteko espetxe-zigorra eskatzen du Abalosentzat, eta 19koa Koldorentzat, talde kriminaleko kide izatea, eraginen trafikoa, dirua bidegabe erabiltzea eta eroskeria delituak egotzita. Ministerio Publikoak 3,9 milioi euroko isuna ere eskatu du.
Herri akusazioek, bere aldetik, 30na urteko espetxealdia eskatu dute bientzat, Fiskaltzak leporatzen dizkien delituei bi gehituta: prebarikazioa eta dokumentuak faltsutzea.
Zure interesekoa izan daiteke
Peinadok bost eguneko epea eman dio Begoña Gómezi Londresera alabaren graduaziora baino ez zela joan frogatzeko
Epaileak baimendutako joan-etorria baino ez zuela egin egiaztatzeko eskatu dio. Era bereab, ohartarazi du hala egiten ez badu kautelazko neurriak urratzeagatik delitua egon litekeela.
Lander Martinez (Sumar): “Hauteskunde orokor erabakigarriak egongo dira, eta gure helburua da gobernu aurrerakoiari eustea”
Asteburuan Madrilen egin den Sumar alderdiaren ezohiko batzarraren ostean, Lander Martinez diputatuak adierazi du “arrakastatsua” izan dela prozesua; bertan, Veronica Martinez Barbero eta Rosa Martinez zuzendaritzako koordinatzaile berri izendatu dituzte. Era berean, azpimarratu du alderdiaren lehentasuna datorren urteko hauteskunde orokor erabakigarrietan “gobernu aurrerakoi bati eustea” izan behar dela.
Ubarretxenak esan du "autogobernu handiagoak ongizate handiagoa" dakarrela
Agirre lehendakariaren agintaldiaren 90. urteurrenaren harira, EHUren udako ikastaroetan parte hartu du, eta kritikatu du "askotan autogobernua eta ongizatea kontzeptuak bereizten saiatzen" direla, eta lehenengoa "gai identitarioekin" lotzen dela, gauza praktikoen kontra joango balitz bezala.
Arazo diplomatikoa eragin du Rajoyk, Frantziak “frantsesik gabe” jokatzen duela adierazita
Laurent Nuñez Barne ministroaren hitzetan, adierazpenak "onartezinak" eta "aberranteak" dira, "Frantzia herrialde askotarikoa" delako.
Zigor Kodea erreformatzeak ez luke Ertzaintzaren aurkako erasoak gutxitzen lagunduko, Mertxe Aizpuruaren arabera
EH Bilduren Diputatuen Kongresuko bozeramaileak adierazi duenez, uda hasi zenetik hainbat festa izan dira, eta ez da izan Bingen Zupiria Segurtasun sailburuak iragarritako GKS eta Ernairen arteko istilurik. Halaber, erasoak "hauspotu" eta Ertzaintza "instrumentalizatu" nahi izana salatu du.
De Andres (PP): “Euskal gizartearen parte batek bullying-a jasaten du: ertzainek, alkateek eta Espainiako selekzioaren elastikoa daramatenek”
Javier de Andres EAEko PPko presidentea elkarrizketatu dute Radio Euskadiko Boulevard saioan, eta salatu du euskal gizartearen zati batek “bullyinga” jasaten duela. Haren esanetan, horien artean daude “ertzainak, CCOOko kideak, alderdi guztietako alkateak —batekoak izan ezik—, eta Espainiako selekzioaren elastikoa daramatenak”. Ildo horretan, De Andresek babestu egin du ErNE sindikatuaren proposamena Zigor Kodea gogortzeko, ertzainei eta udaltzainei egiten zaizkien erasoengatik ezartzen diren zigorrak areagotzea.
ErNEk Zigor Kodea erreformatzea proposatu du, ertzainen eta udaltzainen aurkako erasoengatiko zigorrak gogortzeko
ErNEk azaldu du asteak daramatzala Eusko Legebiltzarrean ordezkaritza duten taldeekin biltzen, legegintza-proposamen bat aurkezteko.
Historiako "gertakari ilunenak ez ahaztea" eta biktimak gogoratzea eskatu du Ansolak
Ikurrinaren Eguna ospatu du gaur EAJk Bilbon. Duela 132 urte lehen batzokia zabaldu zenean altxatu zen lehen aldiz, eta orduan bezala, Bilboko Zazpikaleetan ikurrina mastara igo dute. Iñigo Ansola Bizkai Buru Batzarreko presidenteak ikurrinaren benetako balioekin jeltzaleek duten konpromisoa berretsi du, eta azpimarratu du euren lekua ez dagoela muturretan.
PPk Miguel Angel Blanco oroitu du
Alderdi Popularrak omenaldia egin dio Miguel Angel Blanco zinegotziari Ermuan, ETAk hil zuela 29 urte betetzen direnean. Bertan izan dira Mari Mar Blanco arreba, Javier de Andres Euskadiko popularren presidentea eta Cuca Gamarra alderdiko idazkariordea. Gamarrak salatu du Pedro Sanchezek EH Bilduren botoei esker eusten diola botereari. Eta iragarri du PP gobernura iristen denean Espetxeetako legea aldatuko duela ETAko presoak etxera ez ekartzeko.
Veronica Martinez Barbero eta Rosa Martinez aukeratu dituzte Sumarren buruzagi berriak, % 95,92ko babesarekin
Martinez Barbero Kongresuko bozeramailea da eta Martinez, Eskubide Sozialen Estatu idazkaria. Hala, erreleboa hartu diote Lara Hernandezi, hark alderdia utzi ostean.