Ospitale publikoen kudeaketa pribatuak beste arrakala bat urratu du Madrilgo Erkidegoko eta Espainiako gobernuen artean
Torrejongo Ospitalea kudeatzen duen Ribera taldeko CEOaren grabazio bat filtratu da, eta berehala piztu da polemika. Espainiako Gobernuko presidenteak eta hainbat kidek osasuna "negozio" bihurtzea leporatu diote Madrilgo Erkidegoari, eta Madrilgo Gobernuak dio ez duela arau-hausterik antzeman.
Torrejon Ospitalea, Madrilen. Argazkia: Europa Press
Madrilgo Erkidegoaren eta Espainiako Gobernuaren arteko beste liskar politiko bat piztu da, ospitale publikoen kudeaketa pribatua dela eta. El Pais egunkariak Pablo Gallart Ribera taldeko CEOaren grabazio bat argitaratu du, eta horrek eragin du eztabaida hastea. Grabazio horretan, Pablo Gallartek bere arduradunei eskatzen zien paziente batzuk baztertzeko eta errentagarritasun gutxiagoko ebakuntzak murrizteko, etekin ekonomikoa handitzeko.
Torrejongo Unibertsitate Ospitalea 2011n inauguratu zen, Esperanza Aguirreren agindupean, eta kudeaketa publiko-pribatu bidez funtzionatzen du. Jabetza eta finantzaketa publikoak dira, eta osasun-zerbitzuaren prestazioa, berriz, Ribera Salud taldeari dagokio, administrazio-emakida baten bidez.
Madrilgo Osasun Sailak azpimarratu duenez, "inola ere ez da onartuko osasun-laguntza jasotzeko aukera kaltetzen duen praktikarik". Sailak premiazko bilera deitu du enpresaren zuzendaritzarekin, eta lantalde tekniko bat eraman du ospitalera, egoera bertatik bertara aztertzeko. Hala ere, sailak ziurtatu du ez dela "inolako ez-betetzerik antzeman" emakida-kontratuan.
Pedro Sanchez Espainiako Gobernuko presidentearen erantzuna irmoa izan da. X sare sozialean zabaldutako mezu batean, PPri leporatu dio "osasuna negozio eta gaixotasuna aberasbide bihurtu izana". Gaineratu duenez, gertatutakoak agerian utzi du zertan datzan "osasunaren pribatizazioa: itxaron-zerrenda gehiago, errentagarritasun handiagoa eta bidegabekeria gehiago".
Monica Garcia Osasun ministroak iragarri du bere sailak sakon ikertuko duela kasua, "enpresa pribatuen emaitzak handitzeko mekanismo bat" dagoela iritzita. Ildo beretik, Oscar Lopez Eraldaketa Digitalerako ministroak eta Madrilgo PSOEren idazkari nagusiak adierazi du gertatutakoa "erabat lotsagarria" dela, eta pribatizazioek "guztion eskubide bat gutxi batzuen negozio" bihurtzen dutela salatu du.
Bestalde, Mas Madridek eta PSOEk aurreratu dute Isabel Diaz Ayusoren Gobernuaren aurkako lege-ekintzak abian jarriko dituztela, haien iritziz, "osasunerako eskubidea urratu" eta Madrilgo osasun publikoa "interes ekonomiko pribatuen zerbitzura erabili" da eta.
Zure interesekoa izan daiteke
EH Bilduk "zorrotz" jarraituko du eraitsitako jauregiaren inguruko ikerketa, eta ustelkeria zantzurik egonez gero, ardurak eskatuko ditu
Iker Casanova EH Bilduren Bizkaiko bozeramaileak gogorarazi duenez, koalizioak salatu zuen Fiskaltzaren aurrean Irurak Bat jauregia eraitsi izana. Ikerketa martxan dagoenez, "zuhur" agertu da, baina hori bukatutakoan "zorrotz" arituko direla hitzeman du.
Ansolak berretsi du "irregulartasunik ez" zela izan eraitsitako jauregiaren kasuan, eta zinegotzi jeltzaleen errugabetasun-presuntzioa defendatu du
EAJren BBBko presidentea "harrituta" agertu da Ertzaintzak Getxoko udal bulegoak miatu dituela eta. Ansolak azpimarratu duenez, zinegotziak ez daude ikerketapean, baina EAJk "erabakiak hartuko lituzke" irregulartasunen bat edo etikoki portaera txarren bat ikusiko balu.
Lander Martinez: "Yolanda Diaz da gure aktiborik onena, eta bera izan da beti gure apustua"
Sumarreko euskal diputatuak adierazi du "mimoz" ari direla lanean alderdien artean "espazio bateratuak" eta "konfiantzazko espazioak" sortzeko, "maila instituzional bakoitzean boto-paper bakarra" egon dadin.
Elizalde: "Erakundeek eta herritarrek ez digute esker onik adierazi San Frantzisko eliza Martxoak 3 Memorialaren esku uzteagatik"
Gasteizko gotzaina kexu agertu da administrazio alorrean dagoen "moteltasun izugarria" tarteko, eta biktimen elkarteekin "tentsioa" dagoela aitortu, eta horrek "patronatu lasaia" edukitzea zailtzen duela erantsi du. Hala ere, "hainbeste urteren ostean" proiektu bat egotea positibotzat jo du, eta garrantzia kendu dio Memorialak 1976ko sarraskiaren urteurrenerako ateak ez irekitzeari.
Eskualdatzeke dauden transferentziak: zeintzuk dira eta zertan dira negoziazioak?
Ostiral honetan gauzatu diren bost eskualdaketez harago, Autonomia Estatutuak aitortutako beste 15 transferentzia falta ditu EAEk. Eskumenen nahas-mahasean ez galtzeko, honatx egin gabekoen zerrenda gaurkotua.
EH Bilduk “subiranotasunean jauzi bat" emateko beharra azpimarratu du
Gernikako Estatutua zaharkituta geratu dela dio Euskal Herria Bilduk, edukirik barik. Horregatik, subiranotasunean jauzi bat eman behar dela esan du Pello Otxandianok.
Estatutua betetzeko eskatu dio EAJk Espainiako Gobernuari: "Kitatu beharreko zorra da"
Maitane Ipiñazar EAJko Euzkadi Buru Batzarreko idazkariak "negoziatzeko modua aldatzeko" deia egin dio Espainiako Gobernuari, "ez delako egokia", eta negoziazio "ordenatuagoa" egitearen alde egin du.
Ubarretxena: "Urte luzetan itxita egon den Gizarte Segurantzaren atean zirrikitu bat zabaldu dugu etorkizunari begira"
Eusko Jaurlaritzako Gobernantza, Administrazio Digital eta Autogobernu sailburua "lasaiago" agertu da iaz adostutako bost eskumenak transferituta, eta gainerakoak negoziatzen jarraituko dutela azpimarratu du. Ez du uste Sanchezen gobernuarekin itxiko dituzten azken eskumenak izango direnik; nolanahi ere, "kezka" azaldu du balizko gobernu aldaketa batek negoziazioa zailduko lukeelako, batez ere tartean eskuin-muturra egonda.
Sumar atzean utzi eta PSOEtik aldendutako koalizio berri bat bultzatzeko deia egin du IUk
Yolanda Diaz kide duen Sumar Mugimendua alderdiak adierazi du garrantzitsuena ez direla izenak edo taldeak, "benetako funtsa" gobernatzen jarraitu ahal izatea baita.
Auzitegi Gorenak Abalos, Koldo eta Aldama epaituko ditu apirilean, pandemian erositako maskarengatik
Aurretiazko saioa datorren otsailaren 6an egingo da Auzitegi Gorenean, eta defentsek aurretiazko galderak egingo dituzte.