Ernaik bere "borrokarekin bat egiteko" deia egin die gazteei, "eskuin muturraren eta faxismoaren erasoari" erantzuteko
Ernaik salatu du "eskuin muturraren eta faxismoaren erasoa" bizi dela "mundu osoan, bai Espainiako eta Frantziako estatuetan, eta, ondorioz, baita Euskal Herrian ere". Azken asteotako "ekimen horiek bizi dugun egoera salatzea zuten helburu, baita zenbait ikurrek ordezkatzen duten proiektu atzerakoia salatzea ere", baina "batzuek bizi dugun egoeraren larritasunean fokua jarri baino, protesta batzuen izaeran jarri dute eztabaida, ekimen horien helburua erabat desitxuratuz", adierazi dute.
Ernairen agerraldia, gaur, Deustun. Argazkia: Ernai.
"Eskuin muturraren eta faxismoaren erasoei" erantzuteko "borrokarekin bat egiteko" deia egin die Ernaik "euskal gazte guztiei", eta ohartarazi du "printzipio berberen alde lanean" jarraituko duela, kontrakoa "herri hau saltzea" izango litzatekeelako.
Sortuko gazte-erakundeak egindako agerraldian ehun gazte inguru bildu dira eguerdian Deustuko frontoian, Bilbon, eta bertan argitu dute joan den astean egindako "ekintzek" (besteak beste, Espainiako eta EBko bandera Gernikako Batzarretxetik kentzea, Ribabellosako Osborneren zezena eraistea eta PPren egoitzaren aurkako erasoa) "Euskal Herriaren ukapena eta zapalkuntza salatzea eta independentziaren aldarrikapena eztabaida publikoan kokatzea" zutela helburu.
Amaiur Egurrola erakundearen bozeramaileak adierazi duenez, asmoa zen "Euskal Herriaren askatasunaren alde daudenen eta Euskal Herria desagerraraztea helburu duten faxisten arteko lerroa irudikatzea".
Ernaik salatu duenez, "eskuin muturraren eta faxismoaren erasoaldia bizi dugu mundu osoan, Espainia zein Frantziako estatuetan, eta, ondorioz, baita Euskal Herrian ere".
Euren iritziz, azken asteotako ekimenek "bizi dugun egoera azaleraztea" zuten helburu, baita "zenbait ikurrek ordezkatzen duten proiektu atzerakoia" salatzea ere, baina, deitoratu dutenez, "batzuek egoeraren larritasunean fokua jarri baino protesta batzuen izaeran kokatu dute eztabaida, ekimen horien helburuak desitxuratuz".
Imanol Pradales lehendakaria ere aipatu dute, lehendakariak "garai ilun" gisa izendatutako aldian erdibideko posizio posiblerik ez dagoela azpimarratzeko.
Diotenez, "harriduraz" bizi dute "duela hilabete batzuk "garai ilunez", mintzo ziren berberak interes elektoral hutsengatik PP den alderdi atzerakoi eta espainolista bat zilegitzeko eta ezker independentismoa higatzeko egiten ari diren eginahalak".
Azpimarratu dutenez, ez dira "probokazioaetan eta kriminalizazio kanpaina antzuetan eroriko. Eta ez dute sekula "faxista espainiarrei mesederik txikiena ere egingo". Horregatik, "borrokan jarraitzeko deia" luzatu diote euskal gazteriari "eskuin muturraren eta faxismoaren oldarraldiari herri bezala eta herri proiektu askatzaile batekin erantzuteko".
Azkenik, Egurrolak azaldu duenez, Ernaik, besteak beste, "gure miseriaz aberasten direnen aurka eta etxebizitza duinaren alde" borrokan jarraituko du, "herria eta herriko gazteria defendatzen".
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.