Espainiako Gobernuaren egoera "jasanezina" dela dio Urkulluk
'Forum Europa. Tribuna Euskadi' saioan egindako hitzaldian, Euskal Herriko gaurko egoera politikoa ere aztertu du eAtlantic Fundazioko presidenteak, eta garrantzia kendu die EAJren eta PSEren arteko "desadostasunei", horren iritzian, "egonkortasunaren" alde adosteko gai diren alderdiak direlako.
Iñigo Urkullu, lehendakaria eta eAtlantic Fundazioaren presidentea, Forum Europan. Argazkia: EFE
Iñigo Urkullu lehendakariak eta eAtlantic Fundazioaren presidenteak esan du Pedro Sanchezen Gobernuak bizi duen egoera "jasanezina" dela, eta ohartarazi du gobernatzea ez dela "aritmetika kontua soilik, printzipio konuta ere da eta".
Urkulluk hitzaldia eman du astelehen honetan 'Forum Europa. Tribuna Euskadi' gosari informatiboan, bertan Imanol Pradales Eusko Jaurlaritzaren burua ere izan dela.
Gainera, ohartarazi du koalizioko Gobernuak "zailtasunak" dituela programa bera aplikatzeko orduan, eta galdetu du ea Gobernua egonkortasuna eman eta "sinesgarritasuna" helarazi dezakeen.
Autogobernu zabalagoa
Galderen txandan, Urkulluk Euskal Herriko gaur egungo egoera politikoa aztertu du, eta "beste ingurune batzuetan" ez bezala, hemengo "egonkortasun politiko eta instituzionala" aintzatetsi du.
Testuinguru horretan, garrantzia kendu die EAJren eta PSEren arteko "desadostasunei", "egonkortasunaren" alde adosteko gai baitira.
Bestalde, "autogobernu zabalagoa eta bestelakoa izatea beharrezkoa" dela defendatu du, "egungo errealitatera" egokitua, eta Estatutua ez betetzeak eta Konstituzio Auzitegiari jarritako helegiteek eragindako "higadura isilari" aurre egiteko.
Hala ere, "Konstituzioaren esparruan" kokatu du, eta iraganean egindako proposamen batzuk gogora ekarri ditu, hala nola "foru nazioarena" eta Konstituzioaren beste interpretazio bat hitzartzeko "konstituzio konbentzio" bat garatzearena.
Zure interesekoa izan daiteke
Vaquerok "indarkeriarik gabeko kaleak" aldarrikatu ditu, ekintza bandalikoak egiteko sareetan luzatutako mezuen aurrean
?fmt=webp-alpha&qlt=80)
Euskadiren etorkizunerako erronka demokratikoak aztertu dituzte akademiko, ikertzaile eta parlamentariek
Nafarroako aurrekontuak aurrera ateratzeko akordioa itxi dute Foru Gobernuak eta EH Bilduk
"Immigrazio masiboa" errefusatzeko ezkerreko alderdi subiranista berri bat, foru hauteskundeetara aurkeztu nahian
Sanchezek "irtenbideak" hitzeman ditu, Espainiako abiadura handiko sistemarenganako "konfiantza hautsia" berreskuratzeko helburuz
EH Bilduk irabaziko lituzke azaroaren 29ko hauteskundeak EAEn, Soziometroaren arabera
Erantzukizuna "hutsegite katearen katebegirik ahulenari ez leporatzeko" eskatu du Matutek
Eider Mendozak "arduraz" jokatzeko eskatu die oposizioko alderdiei, Gipuzkoako aurrekontuak onartzeko
Zupiriak ohartarazi du 25 manifestazio daudela komunikatuta astebururako, eta "istiluak sortu nahi dituen jendea" ere badagoela
