Juan Luis Ibarrak utzi egin du Ertzaintzaren kontrol batzordearen presidente kargua
Ibarra Euskal Autonomia Erkidegoko Auzitegi Nagusiko presidentea izan zen, eta Eusko Jaurlaritzak 2021eko abenduaren amaieran izendatu zuen Ertzaintzaren kontrol batzordearen presidente.
Juan Luis Ibarra Euskal Autonomia Erkidegoko Poliziaren Kontrol eta Gardentasun Batzordearen lehendakariak utzi egin du orain dela lau urte Eusko Jaurlaritzak izendatu zuenetik betetzen zuen kargua. Gobernu Kontseiluak astearte honetan jakinarazi du horren berri, gaur onartu baita batzordearen osaera berria.
Kontrol eta gardentasun batzordea 2020an sortu zen, eta Ertzaintzaren zein Euskadiko Udaltzaingoaren barruan eskubideak urratu daitezkeela adierazten duen edozein jokabide eta praktika aztertzen ditu, ofizioz nahiz alderdi batek eskatuta.
Ibarra Euskal Autonomia Erkidegoko Auzitegi Nagusiko presidente izan zen, eta 2021 amaieran izendatu zuen Eusko Jaurlaritzak batzordearen lehendakari, Joaquin Gimenez magistratua ordezkatzeko.
Joan den azaroan Eusko Legebiltzarrean egindako azken agerraldian, Ibarrak eta Miren Ortubay batzordeko kideak polizia-dokumentazioa eskuratzeko zailtasunak eta beren lana egiteko baliabide falta salatu zituzten. Halaber, deitoratu zuten ez zegoela bide ofizialik polizietako kideek batzordeak emandako gomendioak ezartzen ote dituzten jakiteko.
Izendapen berriak
Gobernu Kontseiluak gaur berretsi ditu izendapen berriak. Euskal Autonomia Erkidegoko Poliziaren Kontrol eta Gardentasun Batzordea batzordeburu batek eta bost batzordekidek osatzen dute, eta kargu guztiak berritzen dira, bat izan ezik.
Batzordeko kide hauek dira amaituko dute agintaldia: Francisco Javier Hernaez, Estafania Ocariz, Jose Antonio Nieto eta Miren Ortubay.
Hala, gaur egindako Gobernu Kontseiluak Euskal Autonomia Erkidegoko Poliziaren Kontrol eta Gardentasun Batzordearen osaera berria onartu du; Enrique Lucas Murillo de la Cueva, Nieves Martinez de Antoñana, Marta Aldaondo Garaizabal, Santiago Ron Cruzelegui eta Jose Antonio Gonzalez Saiz.
Horrez gain, Jose Julio Gonzalez Zamanillok Euskal Autonomia Erkidegoko Poliziaren Kontrol eta gardentasun Batzordeko kide izaten jarraitzen du.
Kide berriek bost urterako izendatu dira, eta haien izendapenak urtarrilaren 14an sartuko dira indarrean, Euskal Herriko Agintaritzaren Aldizkarian argitaratu ondoren.
Zure interesekoa izan daiteke
Iraungitako txertoen kasuari lotutako batzorde independente bat eratzeko eta erantzukizunak eskatzeko proposamenak atzera bota dituzte EAJk eta PSEk
Jeltzaleek eta sozialistek iragarritako neurriak arintzeko eskatu diote Osasun Sailari, "akatsen arriskua gutxitzeko".
EHUk Arabako campusa itxiko du astelehenean, Voxen ekitaldi bat dela-eta
Eskuin muturreko alderdiak otsailaren 23aren oroigarri gisa egin du deialdia, “unibertsitatean askatasuna defendatzeko ezker abertzalearen aurrean”.
Eudelek aurrekontuak luzatu ditu, 40 urtean lehen aldiz, EH Bilduren abstentzioaren ondorioz
EH Bildu atzo iragarri zuenez, koalizio abertzaleko zinegotziek aurrekontua atzera botatzeko asmoa zuten, gaurko bozketan abstenituz, EAJk bultzatutako zuzendari berriaren hautaketa prozesuarekin ados ez zeudelako. Esther Apraiz Eudelen presidenteak adierazi du"intituzioa etsirik" dagoela erabakiaren aurrean, eta ohartarazi du horrek "zaildu" egingo duela hainbat proiektu egitea.
Jaurlaritzak begi onez hartu du bizitzeko baimena berritu nahi duten migratzaileei hizkuntza ofizialetan egiten jakitea eskatzea
Kataluniako Gobernuak egin du proposamena, hizkuntza kohesiorako eta hobeto integratzeko elementu gisa baliatu daitekeelakoan. Ildo horretatik, euskara jakitea migratzaileen integrazio prozesua indartzeko kohesio tresna izatea nahi du Eusko Jaurlaritzak.
Medikuen eskaerei eta profesional faltari erantzuteko, Jaurlaritzaren proposamenak
Alberto Martinez sailburuak neurriak eskatu dizkio Monica Garcia ministroari medikuen aldarrikapenei eta osasun-langileen faltari aurre egiteko.
Eusko Legebiltzarrak Fernando Buesa eta Enrique Casas eraildako sozialistak gogoratu ditu
Enrique Casas 1984ko otsailaren 23an hil zuten Komando Autonomo Antikapitalistek, eta Fernando Buesa bere bizkartzain Jorge Diezekin batera hil zen, ETAren atentatu batean, 2000ko otsailaren 22an. Legebiltzarreko Mahaiak 2014ko otsailean erabaki zuen erakunde terroristek hildako lau euskal legebiltzarkideak —Fernando Buesa, Enrique Casas, Gregorio Ordoñez eta Santiago Brouard— omentzea, erailketaren egunetik hurbilen dagoen osoko bilkuran.
Rufian: "Zer zentzu du gauza bera defendatzen duten ezkerreko 14 alderdik elkarren artean lehiatzeak?"
'Oraina borrokatu, etorkizuna irabazteko' goiburupean, ERCko buruzagiak antolatutako ekitaldian Estatu espainiarreko ezkerreko alderdi guztiek hartu dute parte, EH Bilduk, Podemosek eta BNGk izan ezik.
Sanchezek dio "irmo" jokatu dutela Polizia Nazionalaren bigarrenaren aurkako salaketaren berri izan ostean, eta ez du uste Marlaskak dimisioa eman behar duenik
New Delhin egindako prentsaurreko batean, Espainiako Gobernuko presidenteak esan du hasiera-hasieratik "biktimari" babesa eman diotela eta Jose Angel Gonzalez bere postutik kendu dutela. "Eta, hortik aurrera, ikerketa amaieraraino eramango da, ondorio guztiekin", gaineratu du.
Aburtok amaitutzat eman du Aitor Estebanekin izandako desadostasuna, eta atxilotuen jatorria argitaratu gabe jarraituko du
Bilboko alkateak Segurtasunaren aldeko Itunarekin lotu du bere erabakia, PSErekin, EH Bildurekin eta Elkarrekin Bilbaorekin sinatua.
Marlaskak esan du salatzaileak eskatuz gero emango duela dimisioa
Barne ministroak ez du aintzat hartu PPren dimisio eskaera, eta defendatu egin du Polizia Nazionalaren bigarrenaren aurkako kereilaren aurrean izan duen jarrera.