Pradalesek Europa batuagoa eta subiranoagoa izatea eskatu du, ordena global berriaren aurrean
Lehendakaria Munduko Ekonomia Foroan parte hartzen ari da aste honetan, eta paradigma globala aldaketzen ari dela ohartarazi du. Gainera, Europar Batasuna bateratuagoa eta burujabeagoa izatea eta erabakitzeko gaitasun handiagoa izatea eskatu du.
Imanol Pradales lehendakariak ohartarazi du Europak pisu politiko eta ekonomikoa gal dezakeela nazioarteko ordena berrian, erakundearen batasuna eta autonomia estrategikoa indartzen ez baditu. LinkedIn sare sozialean argitaratutako mezu batean egin ditu adierazpenok.
Pradalesek azaldu du 2026ren hasierak paradigma geopolitikoa aldatu egin dela utzi duela agerian, multilateralismoa ahuldu da, eta indarrean eta potentzien arteko konfrontazioan oinarritutako logikak aurrera egin du. Haren ustez, Estatu Batuek ordena liberal globalaren bermatzaile jarduteari utzi diote, haien nagusitasun militar, teknologiko eta komertzialaren defentsan zentratzeko.
Lehendakariak ohartarazi du testuinguru horrek zuzenean eragiten diola Europari, eta EBren proiektua eta balioak kolokan jarri dituela. Ildo horretan, muga-zergen mehatxuak eta Groenlandiaren auzia aipatu ditu Europar Batasunak aurre egin behar dion presioaren adibide gisa, eta dilema argi bat planteatu du: batasunari eustea eta erabakitasunez jardutea, edo garrantzirik ez ematea.
Pradalesek defendatu du Europak azkar eta ahots bakarrez erantzun behar duela, burujabetza energetikoa, industriala, finantzarioa eta teknologikoa bermatzeko erabaki estrategikoak hartuz, eta defentsa eta segurtasun politika bateraturantz aurrera egiteko.
Mezuan, lehendakariak urrats positibotzat jo ditu Europar Batasunaren eta Mercosurren arteko akordioa eta Europako Kontseiluko presidente Antonio Costak Danimarkaren eta Groenlandiaren alde modu koordinatuan erantzuteko ezohiko bilera bat deituko duela iragarri izana. Hala ere, neurri eskasak direla azpimarratu du, eta Europako gobernantzan erreforma sakonak egitea eskatu du, hala nola aho batezkotasunaren araua idargabetzea.
Pradalesek defendatu du, halaber, Euskadiren gisako eskualdeak eta nazioak gehiago inplikatu behar direla Europaren eraikuntzan, eta Europa indartsuago eta kohesionatuagoa izan dadin lagundu nahi dutela. Testuinguru horretan, Euskadik Davosen duen presentzia aukera gisa kokatu du, nazioarteko proiekzioa indartzeko eta zuzenean eragiten dioten erabakiak hartzen diren guneetan presente egoteko.
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.