PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Hauteskunde mahaian lanean, Zaragozako hautesleku batean. Argazkia: EFE
GAD3k Aragoi Telebistarentzat egindako inkesta baten arabera, PPk irabaziko lituzke hauteskundeak Aragoin, baina akordioak beharko lituzke gobernatzeko. Izan ere, gehiengo absolutoa lortzeko 34 eserleku behar dira eta 26-29 lortuko lituzke, botoen % 35,3rekin. 2023an 28 lortu zituen.
PSOE izango litzateke bigarrena inkesta honen arabera, dexente jaitsita. Sozialistek botoen % 22,7 lortuko lituzkete, eta 17-18 diputaturekin geratuko lirateke, 2023an 23ak baino 5-6 gutxiago.
Vox litzateke hirugarren indarra. 2023an botoen % 11,2 eta 7 diputatu lortu zituzten, eta oriangoan botoen % 17,6 eta 13-14 eserleku ematen dizkie inkestak.
Chunta Aragonesistak (CHA) ere igoera izango luke botoen % 8,7rekin 4-5 diputatu eskuratuz (2023an botoen % 5,1 eta 3 diputatu lortu zituzten).
PAR alderdiak, botoen % 1,5ekin, bere eserleku bakarra galduko luke.
Teruel Existek botoen % 4,1 eta 2-3 eserleku lortuko lituzke. 2023an botoen % 5 eta 3 diputatu lortu zituen.
Podemos-Alianza Verdek bere ordezkari bakarra galduko luke, PARek bezala.
IU-Sumarrek botoen % 4,2 lortuko lituzke, 2023an baino zertxobait gehiago ( % 3,1), eta 1 eta 2 diputatu artean lortuko lituzke.
Se acabo la fiesta (SALF), lehen aldiz aurkeztu da hauteskunde autonomiko hauetara. Botoen % 1,9 lortuta, ordezkaritzarik gabe geratuko litzateke.
Zure interesekoa izan daiteke
PPk 26 eserleku lortu ditu Aragoin, PSOEk 18 eta Voxek 14, botoen % 78 zenbatuta
PPk irabazi ditu hauteskunde autonomikoak Aragoin, 67 eserlekutatik 26 eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da. PPk Vox beharko du gobernatzeko.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.