PPk Voxi eskatu dio "harresia" ez izateko, eta PSOEk "autokritika" egitea ekidin du
Beste hauteskunde hitzordu batzuetan baino argiago mintzatu da Feijoo, Aragoiko bozen biharamunean, eskuin muturrari "2023ko akatsak" ez errepikatzeko eskatuz. Abascalen alderdiak, berriz, ahobizarrik gabe baldintzak jarri ditu mahai gainean: kontseilaritzak nahi ditu, eta politikak errotik aldatzea da bere helburua.
Azcon, Feijoo alboan duela, PPren egoitza nagusian, gaur. Argazkia: EFE
Aragoiko hauteskundeetan helburuak lortu izan balitu bezala ospatu ditu PPk emaitzak: bi eserleku galduta gailendu da Jorge Azcon popularren hautagaia, 26 eserlekurekin. Beraz, bozak aurreratzeko estrategiak porrot egin dio, oraingoan ere, Alberto Nuñez Feijoo buru duen alderdiari.
Madrilen bildu da PPren zuzendaritza, atzoko emaitzak aztertzeko, eta PSOEk hartu duen kolpean jarri du azpimarra Feijook. Bere hitzaldian, Azconek lortutakoa txalotu ostean, ondorioa "matematikoa, objektiboa eta erreala" dela esan du: PPk irabazi ditu hauteskundeak, eta Sanchezek galdu.
Genovan ziur daude erkidegoz erkidego PSOE "higatzea" lortuko dutela, eta estrategia horrek 2027an Moncloako giltza emango diela.
Beste hauteskunde hitzordu batzuetan baino argiago mintzatu da Feijoo, eta eskuin muturrari "2023ko akatsak" ez errepikatzeko eskatu dio: hainbat lekutan akordioak lortu, eta ondoren gobernuetatik ateratzea erabaki zuen Voxek. Oraingoan, "arduraz" jokatzeko eta "harresia" ez izateko galdegin dio.
PSOEk, autokritikarik ez
PSOEk, berriz, bere emaitzarik txarrena errepikatu zuen atzo, 18 eserleku lortuta. Pilar Alegria hautagaiak emaitzak "onaz ez" direla izan esan bai, baina autokritikarik ez du egin, gaur egin duten batzarrean.
Sanchezek gidatu duen bileren ostean, PSOEko iturriek azaldu dute inoiz baino garrantzitsuagoak direla sozialistak, "blokeoa" eta "paralisia" ekarriko duten "PP-Vox gobernuei" aurre egiteko.
Aurrera begira, "mobilizazioan" jarri nahi dute indarra, herritar aurrerakoien artean "ilusioa" berpizteko.
Vox, negoziatzeko prest
Bien bitartean, giltza eskuan duela jakinda, eskuin muturra hasi da bere baldintzak mahai gainean jartzen. Kontseilaritzak nahi ditu, "aurrekontua eta egitura" zehaztuta. "Gobernatzea nahi dugu, noski baietz", esan du Jose Angonio Fuster Voxeko eledunak, alderdiaren zuzendaritza bildu ondoren egindako agerraldian.
Esan duenez, "politikak errotik" aldatzea da euren helburua, eta horretarako, ardura postuak exijituko dituzte. "Presidenteordetza bada, hobe", erantsi du. "Toki guztietan eskatzen dugun gauza bera da".
"Berehala" negoziatzen hasteko prest daudela ere esan du Fusterrek, gobernu berria osatzeko. "Azconen esku dago", zehaztu du.
Chunta Aragonesistak, abstentzioari ezetz biribila
Chunta Aragonesistak (CHA) erakarri ditu nonbait ezkertiarren botoak, eta ordezkaritza bikoiztu du (3tik 6ra). Bere posizioa argi utzi du hasieratik. Isabel Lasobras CHAko idazkari nagusiak aurreratu du Azconen presidentetza ahalbidetzeko balizko abstentzioa ez dela euren aukeretan sartzen. "Argi eta garbi, ez".
"Alderdi Popularraren politikak gure alderdiaren antipodetan daude", azaldu du.
Zure interesekoa izan daiteke
Pradalesek 14 lurralde industriali dei egin die beren gaitasunak Europaren zerbitzura jar ditzaten, "etorkizuna bermatzeko"
Imanol Pradales lehendakariak "potentzial berritzaile eta ekonomiko handia" duten 14 lurralde industriali dei egin die astelehen honetan, Bilbon bilduta, beren gaitasunak Europaren zerbitzura jartzeko, "proiektu europarraren etorkizuna bermatzeko", "arriskuan" baitago mundu "ezegonkor eta zalantzagarri" batean.
Biktimek eta sindikatuek "egia, justizia eta erreparazioa" exijituko dute martxoaren 3ko 50. urteurrenean
Martxoak 3 Elkarteak eta ESK, Steilas, LAB eta ELA sindikatuek Gasteizko bost langileen hilketaren 50. urtemuga oroitzeko egingo dituzten ekitaldiak aurkeztu dituzte astelehen honetan.
Estefania Ocariz, gazte-justizian aditua, Arartekoaren ondokoa izango da
Psikologian doktorea izateaz gain, Psikologia Juridikoan masterra du eta gazte-justiziari buruzko hainbat argitalpen eta txosten egin ditu.
PPk Voxi Aragoin botatako hordagoak kale egin du: ultraeskuina puztuta eta PSOE gainbeheran
Azcon (67 eserlekuetatik 26 lortuta) eskuin muturraren (14) menpe egongo da; are, PPri "politikak aldatzeko" eskatu dio Abascalek. Bi eskuinen baturak botoen % 60 bildu ditu Aragoin. Ezkerrari begira, aldiz, CHAren gorakada gorabehera (3 diputatutik 6ra), atzeraldian dela agerian da. PSOE minimo historikoan kokatu da (18 eserleku), eta Podemos, ordezkaritza barik.
Jon Insausti: "Etxebizitza sailburuaren eskutik joango gara etxebizitzaren erronkari aurre egiteko"
Donostiako alkatea ez da Loiolako etxebizitza proiektuaren inguruan sortutako "zalaparta" horretan sartu, eta esan du "aliantzak ezinbestekoak" direla. Atxilotuen jatorriari buruzko datuak zabaltzeari buruz, azpimarratu du Jaurlaritzari dagokiola segurtasun politika definitzea.
Arnaldo Otegi: "Espainiak aukera ematen digu hauteskundeetan herri gisa hitz egiteko, eta guk, siglak baino, herri-ahots demokratikoa izan nahi dugu"
EH Bilduk ez du bat egiten Gabriel Rufianek PSOEren ezkerrera dauden alderdiak elkartzeko egindako proposamenarekin, hauteskunde orokorretarako EH Bilduk baduelako jada estrategia bat ezarria, "siglen gainetik herria" jartzea, eta, horren harira, EAJri "herri gisa" jarduteko egindako gutxiengoen proposamenaz aritu da astelehen honetan Euskadi Irratian.
Rufianek bilera erronda abiatuko du, PSOE baino ezkerzaleagoa izango den aliantza bat osatzeko
Gabriel Rufian ERCren Kongresuko bozeramaileak ezkerreko indarrekin "egiazko espazio plurinazionala" eratu nahi du, eskuin muturraren gorakadari aurre egiteko.
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.