Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Estatuko Fiskaltzak eta Abokatutzak Auzitegi Konstituzionalari eskatu diote onar dezala Carles Puigdemont Kataluniako presidente ohiak egindako babes-eskaera, Auzitegi Gorenak Amnistia Legea ez aplikatzeko hartutako erabakiaren aurrean. Diru publikoa bidegabe erabitzea eta auzi-ihesa egitea leporatuta auzipetu zuten, eta Gorenak ez dio Amnistia Legea aplikatu delitu horiengatik.
Bi erakundeek uste dute presidente ohiari benetako babes judiziala izateko eskubidea urratu zitzaiola. Izan ere, uste dute amnistia aplikatu behar zitzaiola, eta Gorenari leporatu diote Amnistia Legea modu "irrazionalean eta arbitrarioan" interpretatzea, legea aplikatzea saihesteko.
Diotenez, legeak Procés auziarekin lotutako delituak barkatzea bilatzen du, dirua bidegabe erabiltzea barne, aberaste pertsonala dagoen kasuetan izan ezik. Horren harira, gogorarazi dute frogarik ez dagoela Puigdemont bera aberastu zela esateko, eta, beraz, Gorenak ez luke izango legea aplikatzea ukatzeko oinarririk.
Idatzi sendoak mahai gainean daudela, gero eta gertuago dago berme-gorteen erabakia, baina Europar Batasuneko Justizia Auzitegiak (EBJA) Espainiako auzitegiek aurkeztu zituzten auzi prejudizialei buruz zer erabakitzen duen da baldintza. Martxorako espero da erabaki hori.
EBJAko abokatu nagusiak bidea argitu zuen joan den azaroan, Amnistia Legea babesteko egin zuen txosten batean, non esan baitzuen araua "adiskidetze politiko eta sozialaren benetako testuinguruan" eman zela, eta ez dagoela "lotura" zuzenik Procéseko gastuen eta Europako finantzei egindako kalteen artean, Gorenak dioenaren kontra.
Behin Europako Justiziak gai hori ebatzita, Konstituzionalak zuzenean ekin ahal izango dio errekurtsoa ebazteari, eta, presidente ohiaren aldekoa balitz ere, goi-auzitegiari egokituko litzaioke hura aplikatzea.
Bien bitartean, Puigdemontek Espainiara itzuli ezinik jarraitzen du, duela bi aste Auzitegi Konstituzionalak aldeko 10 boto eta kontrako boto batekin Kataluniako presidente ohiaren aurkako atxilotze-agindu nazionalari eustea erabaki ondoren, Konstituzionalak babes-errekurtsoa ebazten duen bitartean.
Zure interesekoa izan daiteke
Zupiriak ohartarazi du sektore batzuek Polizia erabiliko dutela liskarretan aitzakia gisa uda honetan
Larunbatean Loiuko aireportuan izandako istiluei buruz EH Bilduk egindako galdera bati erantzunez esan du hori Zupiria sailburuak.
Koalizio gobernuaren aurkako "ofentsiba" argia da, Lander Martinezen arabera, baina informazio "larria" ere atera dela onartu du
Radio Euskadin egin dioten elkarrizketan, Lander Martinez Sumarreko Bizkaiko diputatuak zalantzan jarri du EAJk hauteskunde orokorrak aurreratzeko egin duen eskaera Aitor Esteban EBBko presidenteak planteatutakoa bezain "gogorra eta zuzena" den.
UPNk salaketa aurkeztu du Espainiako Futbol Federazioaren aurrean, Euskal Herriko mapa daraman Athleticen kamiseta berria dela eta
Alderdi erregionalistak neurriak hartzeko galdegin dio Lehiaketa Batzordeari, eta eragotz dezala lehiaketa ofizialetan elastiko hori erabiltzea. Ohartarazi duenez, bide judizial guztiak agortzeko prest dago.
Euskararen biziberritzeak behar duen "paradigma gaurkotua elkarrekin" eraikitzeko deia egin du Pradalesek
Euskararen Aholku Batzordearen bilera zuzendu du gaur arratsaldean Imanol Pradales lehendakariak, Ibone Bengoetxea lehenengo lehendakariorde eta Hizkuntza eta Politikako sailburuarekin batera. "Euskararen etorkizunak kohesio soziala, aliantza berriak eta adostasun zabalak" behar dituela nabarmendu du.
Sanchezek Kongresuan agerraldia egitea eskatu du, azken ikerketa judizialen ostean
Ekainaren 24an izango litzateke azalpenak emateko saio hori, Kontseilu Europarraren hurrengo bileran parte hartu eta gero. Erabaki hau hartu du, PSOEri eragin dioten azken erabaki judizialen ondoren, oposizioak eta Gobernuko kideek azalpenak eta hauteskundeak aurreratzea eskatu dutelako.
Fernandez Diaz Kitchen kasutik bereizi da, esanez operazioaren berri izan zuela prentsan argitaratu zenean
Barne ministro ohiak ukatu egin du ustezko espioitzari buruzko mezurik bidali izana.
Puente ministroak Gobernua "eraisteko" saiakerak ikusten ditu, "demokratikoak ez diren" metodoak erabilita
Epaitegietan irekita dauden eta PSOE zipriztintzen duten prozesuei buruz hitz egin du Garraio eta Mugikortasun Iraunkorreko ministroak Kongresuko pasiloetan. Justiziari lan egiten utzi behar zaiola berretsi du, eta Gobernua eraisteko saiakera bat dagoela uste du.
David Sanchezen defentsak epaiketa baliogabetzea eskatu du
Pedro Sanchez Espainiako Gobernu presidentearen anaia 2017an Badajozeko Diputazioan kontserbatorioetako musika-jardueren koordinatzaile gisa kontratatu izanak legezko baldintza guztiak bete zituen edo ustezko entxufismo kasu bat izan zen argitu beharko du epaimahaiak. Hamaika pertsona daude akusatuen aulkian. Akusazioak 3 urteko zigorra eta gaitasungabetzea eskatzen du; Fiskaltzak absoluzioa eskatzen du guztientzat.
Estebanen esanetan, legegintzaldia "amaierara iritsi da" eta hauteskundeak aurten egitea eskatu du
EBBko presidentearen ustez, egoera politikoa "erabat blokeatuta" dago, eta "interes orokorrak" hauteskundeak deitzea eskatzen duela uste du. Gainera, baztertu du bere alderdiak Espainiako Gobernuko presidentearen aurkako zentsura-moziorik bultzatuko duenik.
EH Bildu: "Etengabe gora doan indarra da EH Bildurena"
Nerea Kortajarena EH Bilduren bozeramaileak uste du urtebete barru izango diren hauteskundeetan 2023ko emaitza "historikoak" hobetuko dituztela.