Karmele Tubillak ostegunean utziko du Santurtziko alkate kargua
EAJk oraindik ez du baieztatu nor izango den Tubilla ordezkatzeko hautagai jeltzalea.
Karmele Tubilla, Santurtziko orain arteko alkatea. Argazkia: EITB
Karmele Tubillak ostegunean utziko du Santurtziko alkate kargua, egun horretan egingo den osoko bilkuran. EAJko alkateak hilaren 12an jakinarazi zuen dimitituko zuela, ohar baten bidez, eta lau egun geroago erregistratu zuen.
Tubillak azaldu zuen “arrazoi pertsonal, familiar eta politikoengatik” utziko zuela alkate kargua, bere ustez gainerako alderdi politikoek EAJren irudia kaltetzeko “erabiltzen” ari zirelako.
Erabakiaren berri jakin zen egunean, Udaleko Poliziaren LEPeko azterketen ustezko filtrazioari buruzko ikerketa batzordearen bigarren bilera egin behar zen. Batzorde horretan Sonia Lopez Herritarren Segurtasuneko zinegotzi ohiak agerraldia egin zuen, eta adierazi zuen EAJren presioak jaso zituela hurbileko pertsonak jartzeko.
Oraingoz, ez da ezagutzen nor izango den EAJren hautagaia Tubilla alkatetzan ordezkatzeko. Behin-behinean, Edorta Rodrigo alkateorde eta jeltzaleen zerrendako bigarrenak jarduten du alkate karguan.
EH Bilduk dagoeneko iragarri du Miren Matanzas, udal taldeko egungo bozeramailea, aurkeztuko duela alkategai gisa. Hala ere, itxura guztien arabera, PSEk jeltzaleen hautagaia babestuko du, Euskadiko erakunde nagusietan elkarrekin gobernatzen dute eta.
Zure interesekoa izan daiteke
Espainiako Gobernuak O23ren dokumentu desklasifikatuak argitaratu ditu
Espainiako Gobernuak 1981eko otsailaren 23ko estatu-kolpe saiakeraren dokumentu desklasifikatuak zabaldu ditu, Gobernuak berak jakinarazi duenez.
Yolanda Diazek iragarri du ez dela hautagai izango 2027ko hauteskunde orokorretan
Espainiako Gobernuko bigarren presidenteordeak Bluesky sare sozialean argitaratutako mezu baten bidez eman du erabakiaren berri, eta Lan Ministerioan izandako agintaldiaren balantzea egin du.
O23ko paperekin herritarrekiko zor bat kitatu dela adierazi du Sanchezek
Kongresuko kontrol saioan, Mertxe Aizpurua EH Bilduren Kongresuko bozeramaileak ontzat jo du erabakia, baina, haratago joateko eta GALen eta Mikel Zabalzaren hilketaren inguruko sekretuak ere altxatzeko eskatu dio presidenteari, "euskal jendartearentzat garrantzia handiko" kasuak direlako.
Euskadiko PPren ustez, ez da beharrezkoa M3aren eta Mikel Zabalzaren heriotzaren inguruko dokumentuak desklasifikatzea: "Badago ekintza horiei buruzko informazioa"
Horretaz gain, Laura Garrido PPk Legebiltzarrean duen bozeramaileak EAJren estrategia kritikatu du, ETAko presoei espetxe onurak eman baitie. "Argi dago EH Bildu zuritzen ari direla", gaineratu du.
Nor izan zen nor otsailaren 23an? Estatu-kolpeari buruzko agirietan kokatzeko gida
Tejerok gidatu zuen pasarte ilun hura eta bera izan zen protagonista nagusia, baina bigarren mailako rola hartu zuten beste hainbat aktore izan ziren.
Fiskaltzak Txeroki erdi-askatasunean jartzea babestu du, baina Frantziako biktimei barkamena eskatzeko exijitu du
Uste du “bidezkoa” dela erregimen hori ETAko buru ohiari aplikatzea, espetxean izan duen “bilakaera” kontuan hartuta.
Martxoak 3 elkarteak Espainiako Gobernuari eskatu dio 1976ko martxoaren 3ko krimenetan Estatuaren erantzukizun nagusi eta zuzena aitortzeko
Elkarteak “adierazpen ofizial bat” eskatu du, “bertsio ofizial frankista gezurtatzeko eta Espainiako Erresuma poliziaren jarduera kriminalaren erantzule dela aitortzeko”.
Martxoak 3 elkarteak ostegun honetan 'Estatua erantzule' ekimena babesteko eskatu dio Eusko Legebiltzarrari
Martxoak 3 biktimen elkarteak Eusko Legebiltzarrari eskatu dio ostegun honetan babes dezala 'Estatua erantzule' ekimena, Espainiako Gobernuari eska diezaion aitor dezala "Estatuak erantzukizun nagusi eta zuzena duela 1976ko martxoaren 3an Gasteizen eta 1978ko sanferminetan egindako krimenetan".
Mazon ikertzea eskatu dio GOIDIaren auziko epaileak Valentziako Justizia Auzitegi Nagusiari, "arduragabekeriagatik"
Instruktorearen arabera, pasibotasun hori "elementu erabakigarria" da 2024ko urriaren 29an Valentziako probintzian 230 hildako utzi zituzten gertakarien emaitzan.