Yolanda Diazek iragarri du ez dela hautagai izango 2027ko hauteskunde orokorretan
Espainiako Gobernuko bigarren presidenteordeak Bluesky sare sozialean argitaratutako mezu baten bidez eman du erabakiaren berri, eta Lan Ministerioan izandako agintaldiaren balantzea egin du.
Yolanda Diaz, artxiboko irudi batean. Argazkia: EFE
Yolanda Diaz Espainiako Gobernuko presidenteorde eta Lan ministroak iragarri du ez dela hautagai izango 2027rako aurreikusita dauden hauteskunde orokorretan. Blueskyn zabaldutako ohar baten bidez eman du erabakiaren berri, eta Espainiako Gobernuan egindako lana defendatu du.
Bere mezuan, Diazek azpimarratu du gazteen pobrezia % 28,3tik % 20,9ra jaitsi dela. Gainera, adierazi du lan-baldintzak hobetu direla eta desberdinkeria minimo historikoetara murriztu dela. Halaber, Espainia % 2,8ra hazi dela azpimarratu du, Europako batezbestekoa halako bi, eta hainbat neurri balioetsi ditu, Bekadunen Estatutua eta ordutegi-kontrola, besteak beste.
Halaber, milioi erdi migratzaile erregularizatzearen garrantzia aldarrikatu du, eta politika hori beste herrialde batzuetako deportazioekin kontrajarri du. "Espainia harrera herrialdea da, eta erregularizatu egingo ditu", adierazi du.
Diazek adierazi du hurrengo hauteskundeetara ez aurkezteko erabakia "asko hausnartu" duela, eta ingurukoak eta Espainiako Gobernuko presidentea jakinaren gainean daudela. Hala eta guztiz ere, azpimarratu du herritarren bizitza hobetzeko lanean jarraituko duela, eta lortutako aurrerapausoak "modu kolektiboan" defendatu ditu.
Presidenteordeak aitortu du beti izan zituela mesfidantzak hautagai izateko ideiaren aurrean, bereziki Politika gogorra delako, baina harro agertu da egindako bideaz eta Gobernuan egon zen garaian lortutako lorpenez.
Zure interesekoa izan daiteke
Sumarrek "iruzurra" egotzi dio Hezkuntzari 0-3 urteko plaza publikoak ez sortzeagatik, horretarako "Europako funtsak izan arren"
Sumarren legebiltzarkide Jon Hernandezek adierazi duenez, "252 plaza baino ez dira sortu, hau da, hitzartutakoaren % 16,6 besterik ez".
Barcenasek baieztatu du kartzelakide bati Rajoyrekin lotutako audioak suntsitzeko eskatu ziola
Luis Barcenas PPren diruzain ohiak berretsi egin du, Kitchen operazioa epaitzen ari den Auzitegi Nazionaleko auzitegian, kartzelakide bati "MRrekin, Mariano Rajoyrekin, lotutako audio batzuk suntsitzea" eskatu ziola.
Denis Itxaso: “Lokalak etxebizitza bihurtzeko baldintzen artean, bi fatxada izateko baldintza ezabatuko dugu, besteak beste”
Eusko Jaurlaritzak asteartean Gobernu Kontseiluan onartuko duen dekretu berriak etxebizitza politikako neurri sorta zabala martxan jartzea ekarriko du, azken hilabeteetan iragarritako ildo nagusiak garatzeko. Neurrien artean, lokalak etxebizitza bihurtzeko baldintzak malgutuko dira, eta horri esker, Jaurlaritzaren kalkuluen arabera, 7.500 lokal inguruk izango dute erabilera aldatzeko aukera Euskadin. Denis Itxasoren hitzetan, “orain arte bi fatxada edukitzea eskatzen zen lokal horiek etxebizitza bihurtzeko, baina hemendik aurrera ez da hori exijituko, eta beste hainbat baldintza ere malgutuko ditugu”.
Espainiako Gobernuak EBri eskatuko dio apur dezala Israelekin duen elkartze akordioa
"Nazioarteko zuzenbidea urratzen duen gobernu bat —eta, ondorioz, Europar Batasunaren printzipioak eta balioak urratzen dituena— ezin da Europar Batasuneko bazkide izan", azpimarratu du Sanchezek Andaluziako hauteskunde kanpainaurreko ekitaldi batean.
Eskuinaren garaia amaitzen ari dela eta Bartzelonan aro berria hasi dela aldarrikatu du Sanchezek
Espainiako presidenteak eta Lula da Silva Brasilgo presidenteak New Yorkeko alkatearen eta Tim Walz gobernadorearen babesarekin itxi dute 'Global Progressive Mobilisation' topaketa.
Trebiñu Arabaren parte izan dadila aldarrikatu dute Argantzunen, Trebiñu Egunaren ospakizunean
EAJren presidente Aitor Estebanek ziurtatu du bere esku dagoen guztia egiten jarraituko duela Trebiñuko herritarrei "ahotsa emateko", eta Araban sartzeko duten "nahia" bete dadin.
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.