Pradales Belgikako lehen ministroarekin bilduko da Bruselara egingo duen hirugarren bidaia ofizialean
Lehendakaria Bruselara joango da martxoaren 3tik 4ra, Euskadik Europan duen papera indartzeko eta 2028tik aurrerako kohesio-politikari buruzko goi-bilera batean parte hartzeko.
Imanol Pradales lehendakaria, Bruselan. Argazkia: Irekia
Imanol Pradales lehendakaria Bruselara joango da martxoaren 3tik 4ra, "Euskadik Europar Batasunaren bihotzean duen protagonismo politikoa indartzeko". Legealdi honetan Europar Batasunera egingo duen hirugarren bidaia izango da, 2024ko azaroan eta 2025eko urtarrilean egindakoen ondoren. Horien guztien helburua da "Euskadiri eragiten dioten erabakiak hartzen direnean mahai horietan egotea" eta "euskal gizartearen interesak eta eskubideak" defendatzeko eragina irabaztea.
Agendaren puntu nagusia Bart De Wever Belgikako lehen ministroarekin egingo duen maila goreneko aldebiko bilera izango da. Azken horrek Pradales hartuko du martxoaren 4an bere egoitza ofizialean. Bileraren helburua "bi herrialdeen arteko aliantza indartzea" eta lankidetza estutzea da, besteak beste, Europako hizkuntza koofizialen defentsan eta "legegintzako eskumenak dituzten estaturik gabeko eskualde eta nazioen zeregina aldarrikatzea".
Eusko Jaurlaritzaren ustez, "politikak birdefinitzeko une erabakigarria da", eta, zentzu horretan, lehendakariak Power Regions of Europe - Round Table Summit 2026 goi-bileran parte hartuko du. Goi-bilera horretan, gaitasun ekonomiko eta teknologiko handiena duten eskualdeek 2028aren osteko Kohesio Politikaren aurrean duten jarrera finkatuko dute.
Aurretik, Pradalesek European Policy Centrek (EPC) antolatutako elkarrizketa batean parte hartuko du. Bertan, euskal industria "segurtasun eta geopolitika aro berrira lehiakortasunik galdu gabe" nola egokitu behar den azalduko du. Eusko Jaurlaritzaren asmoa da "euskal industriaren ahotsak eta gaitasunek eragin zuzena izatea Europako Kontseiluaren eta Europako Batzordearen erabakietan".
Oraindik itxi gabe dagoen agenda horren barruan, euskal diasporarekin ere bilduko da.
Zure interesekoa izan daiteke
Burujabetza handiago baten beharra azpimarratu du Gure Eskuk
Gure Esku mugimendu herritarrak bigarren konferentzia subiranista egin du Bilbon, eta egun burujabetzak eta nazioak nola eraikitzen ari diren aztertu du. Burujabetza handiago baten beharra azpimarratu dute bertan, eta eredu propioa aldarrikatu.
EAJk Itziar Carrocera zinegotzia aukeratu du Santurtziko alkategai
Elkarrekin Podemosek iragarpena egin duen egun berean izendatu dute. Hain zuzen ere, alderdi horrek adierazi du Miren Matanzas buru duen EH Bilduren hautagaitzaren alde bozkatuko duela martxoaren 5ean egingo den inbestidura-saioan.
Motibazio politikoko 65 biktima aitortu zituen iaz Nafarroako Gobernuak
2023tik, 217 aitortza eskaera jaso ditu Memoriaren eta Bizikidetzaren Zuzendaritza Nagusiak, eta 106 biktima aitortu ditu; horietatik 7 hildako biktimenak dira.
Zarzuelak uste du Juan Carlos I.ak egoitza fiskala Espainian finkatu beharko lukeela Estatura itzuli nahi badu
Errege emeritua Espainiara itzul daiteke egokitzat jotzen duenean, baina Errege Etxean uste dute, bere irudia eta Koroarena babestu nahi baditu, orduan zerga-egoitza Estatuan ere finkatu beharko lukeela.
?fmt=webp-alpha&qlt=80)
Saharako Errepublika Arabiar Demokratikoaren aldarrikapenaren 50. urteurrena ospatu du Eusko Legebiltzarrak
Eusko Legebiltzarreko ordezkaritza zabala izan da ekitaldian, eta, besteak beste, Fatma Mehdi Hassam Kooperazioko ministro sahararra, Fueila Mohamed Aali parlamentari sahararra eta Mojtar Fade Fronte Polisarioak Euskadin duen ordezkaria ere izan dira bertan. Bakartxo Tejeria Eusko Legebiltzarreko presidenteak Euskal Herria eta saharar herria lotzen dituzten "adiskidetasun eta elkartasun lotura sakon eta zintzoak" azpimarratu ditu bere hitzaldian.
Aitor Estebanek hoztu egin du EH Bildurekin eta PSE-EErekin estatus berriari buruzko akordioa lortzeko aukera
Aitor Esteban EAJren EBBko presidenteak Nueva Economía Forum gosarian adierazi duenez, une honetan "igerilekuan ez dago urik". Edozein kasutan, buruzagi jeltzaleak adierazi du EAJk, EH Bilduk eta PSE-EEk negoziatzen jarraitzeko borondatea dutela.
Kongresuak babes sozialerako dekretua errefusatu ostean, "estrategia politikoak" nagusitu direla esan du Aizpuruak
Mertxe Aizpurua EH Bilduk Diputatuen Kongresuan duen bozeramaileak Euskadi Irratian esandakoaren arabera, Pedro Sanchez buru duen koalizio gobernuak ahaleginak egin ditu ezkutu sozialeko neurriak aurrera ateratzeko, eta, beraz, ez du ontzat jo Juntsek babeste aldea jarritako baldintza: etxegabetzeen luzamendua dekretutik ateratzea. Gezurretan aritzea egotzi dio Juntsi, eta ezkutu sozialak neurri guztiak jaso behar dituela nabarmendu du.
Zer aldatzen dute estatu-kolpearen agiriek?
Otsailaren 23ko paperen desklasifikazioak oihartzun handia sortu du, aurreikuspenak bete ez diren arren. Josu Chueca historialariak aztertu du zer neurritan aldatzen den estatu-kolpeari buruzko kontakizuna.
Diputatuen Kongresuak bigarrenez indargabetu ditu etxegabetzeen aurkako luzamendua eta babes sozialerako beste neurri batzuk
Atzera bota duten arauak berritasun bat zekarren, duela hilabete indargabetutakoarekin alderatuta: etxegabetzeak etetea ez zitzaien aplikatuko bi etxebizitza edo gutxiagoko jabeei, Gobernuak EAJrekin hitzartutako emakida bat.