"Estatu ereduari" heldu beharko diola esan dio Egibarrek Espainiako Gobernuari
Autogobernuaren inguruan Espainiako Gobernu berriarekin lortutako "harreman ona" nabarmendu du Joseba Egibar GBBko presidenteak, baina "Estatu ereduari" heldu beharko diola ohartarazi dio.
Euskadin eta Katalunian "subjektu juridiko-politikoak legitimatzeko prozesu demokratikoak ezin daitezke gehiago atzeratu, eta heldu beharko diote", azpimarratu du Egibarrek.
Gipuzkoako EAJk hautagaiak aurkeztu ditu. Bakartxo Tejeria zerrendaburuak eta Arantxa Tapia eta Maria Eugenia Arrizabalaga hautagai jeltzaleek hitza hartu dute ekitaldian.
GBBko buruzagiaren hitzetan, autogobernuan "PSOEren Gobernu berriarekin garai berri batean sartzen ari garela ematen du". "Noraino iritsiko eta hartutako konpromisoak nola betetzen diren ikusi behar, gutxienez egutegi bat badugu", nabarmendu du.
"Elkarbizitza ezin da inposatu", errepikatu du Egibarrek. Era berean, "elkarrenganako errespetutik adostu behar da", esan du. "Hori da erronka, etorkizun hori irabazteko gure herriak behar duen status politikoan asmatu behar dugu", adierazi du.
Bestalde, testuinguru politikoa "aldatu" dela gogorarazi du GBBko presidenteak. Buruzagi jeltzalearen ahotan, EH Bilduk "Estatu arrazoiak kudeatzen dituen alderdia izan nahi du". "Gure taldeak Madrilen bezalaxe, erabakigarriak izan nahi dute, eta ondoren beste aliantza paradigma bat ezarri, eta zilegi da", erantsi du.
Bestalde, Arantxa Tapiaren esanetan, EAJk "hitza bete" du legealdi honetan. Zerrenda guztiak "demokratikoki eta modu gardenean" prestatu dituzte, jeltzaleek "gure oinarriei eta gizarteari entzuten diegulako", goraipatu duenez. "Guztiek ezin dute berdina esan", gaineratu du.
Azkenik, EAJren lehentasuna "herri honen etorkizun politiko eta soziala bermatzea" dela ziurtatu du Bakartxo Tejeriak. "Euskal herritarrek erabakitakoa errespetatzea" eskatu du, "etorkizuneko bermerik onena delako".
Zure interesekoa izan daiteke
Atutxa pozik euskal gizarteak "berriro EAJ aukeratu" duelako, EH Bilduren "gorakada ukatu gabe"
Buruzagi jeltzaleak ez du ia zalantzarik egin. Gasteizko Gobernuan azken legealdiotako formula errepikatzeko aukera ziurtzat jo du, horretarako PSE-EEk mahai gainean jarriko dituen baldintzak ere zorroztu egingo direla jakitun.
39 emakumek eta 36 gizonezkok osatuko dute Eusko Legebiltzar berria
Mapa politiko berria marraztu dute igandeko hauteskundeek, eta hori argi ikusiko da Gasteizko Ganberaren eserlekuen koloreetan: EAJk eta EH Bilduk 27na ordezkari izango dituzte, PSE-EEk 12, PPk 7, eta Sumarrek eta Voxek, bana.
1.795.212 herritar daude botoa ematera deituta, Eusko Legebiltzarra berritzeko
09:00etan ireki dituzte hauteslekuak, normaltasunez, eta herritarrek 20:00ak arte eman ahal izango dute botoa. Emaitzak 22:30erako aurreikusita daude.
Gaur amaituko da bizitasuna hartzen joan den hauteskunde-kanpaina
Euskadiko zazpi indar politiko nagusietatik bostek (EAJ, EH Bildu, PSE-EE, Elkarrekin Podemos eta Sumar) Bilbon itxiko dute kanpaina, eta beste biek (PP eta Vox) Gasteizen.
Igandeko hauteskundeetan parte-hartzeari buruzko datu errealak eskainiko dituzte, lehen aldiz
Orain arte, estimazioak eskaini izan dituzte. Bestalde, lehen zenbaketen emaitzak 21:00ak aldera emango dira eta, ordu t'erdi ondoren, atzerriko bozen faltan, ezagutuko da Eusko Legebiltzarraren argazki berria.
Posta bidezko botoak ia % 11 hazi dira Euskadin, 2016ko hauteskundeekin alderatuta
2020ko datuekin alderatuta, posta bidezko botoak % 54 jaitsi dira. Dena dela, hauteskunde horiek pandemia garaian egin zituzten, ezohiko baldintzetan, eta horrenbestez, baliteke batzuk eta besteak alderatzeak emaitza bitxiak ematea.
Kultura, Osakidetza, langileen soldatak eta autonomoak izan dira laugarren eguneko gai nagusiak
Kanpainaren laugarren egun honetan, hautagaiaek Hezkuntza eta Osasun sistema, autonomen egoera edota langileen soldatak izan dituzte hizpide, besteak beste.
Hauteskunde mahaian egotea egokitu zait, baina ezin dut: zein aukera ematen ditu legeak?
Nahitaezkoa da hauteskunde mahaian egotea, hala egokituz gero. Nolanahi ere, badira legeak aurreikusten dituen hainbat arrazoi, libratzeko. Mahaikide izatea egokitu eta ez joateak, ondorioak ditu.
Egutegia: Eusko Legebiltzarrerako hauteskundeetarako bidea
Datorren asteartean, otsailaren 27an, Euskal Herriko Agintaritzaren Aldizkarian argitaratuko da Eusko Legebiltzarra desegiteko eta hauteskundeak deitzeko dekretua. Hauteskunde Batzordea martxoaren 1ean eratuko da. Hauteskunde-kanpaina apirilaren 5ean hasi eta 19an amaituko da.
Santano alkatearen "eredu zaharkitu eta agortuaren alternatiba bakarra" dela aldarrikatu du EAJk Irunen
Xabier Iridoy Irungo alkategai jeltzaleak esan du bere alderdia "ilusioz eta konpromisoz" beterik dagoela, garai berri baten lidergoa hartzeko.