Argudio saltsa Nafarroako alderdien artean
EH Bildu
Adolfo Araiz EH Bilduren Nafarroako presidentegaiak Sarrigurenen adierazi duenez, “irakaskuntza publikoa, baita euskaraz ere, Nafarroa osoan kalitatez eta azpiegitura duinekin "hedatu behar da”, "hainbeste urteetako murrizketen eta kontrako politiken ondoren".
"Nahi dugu hezkuntza publikoa, euskarazkoa ere bai, kalitatezko erreferente izatea, zerbitzu ona eman eta instalazio duinak izatea Nafarroan", nabarmendu du Araziek igande honetan, koalizioaren zenbait hautagaiekin batera, Sarrigurunen, Sortzen euskarazko hezkuntza publikoaren aldeko jaian.
EH Bilduko zerrendaburu nafarrak azaldu duenez, Sarrigurenen "erregimenak hezkuntza publikoaren kontra egindako politiken adibide garbia dago", Gobernuak "hasieratik txikia zen eskola eraiki zuen, hau bezalako herri batean, eta azken urteetan ez du aiten eta amen eskakizunak kontuan hartu, eta ikusi dute eskola txikia dela eta ezin dituztela euren seme-alabak hara eraman".
Geroa Bai
Uxue Barkos Nafarroako presidente izateko Geroa Bairen hautagaiaren esanetan, koalizioak "gauzak bestera egiteko modua mahaigaineratu eta gauzatzen du". "Konponbideak aurkezteko beste modu bat dugu, irmotasunez baina lasaitasunez", esan du.
Elizondon igande honetan egindako ekitaldian, Geroa Bairen hautagaiak ziurtatu egin du Baztanek "gauzak egiteko eta herritarren beharren mailako konponbideak aurkezteko beste modua eskertuko" duela.
Hala, "gizartearen aldaketa nahia" azpimarratu du Barkosek eta, gaineratu duenez, "ez dugu ezer irabaziko UPNk eta PSNk azken urteetan egindako txandakatze politikarekin".
PSN
Pedro Sanchez PSOEren idazkari nagusiak, Tuteran egindako ekitaldia batean, bankuak baino lehen "pertsonak erreskatatzea" defendatu du eta, gainera, "inoiz zorrotzak izan ez direnak izaten has daitezen" erreforma fiskala proposatu du.
Tuterako Lourdez auzoan egindako ekitaldi batean, PSNko 200 bat kidez inguratuta, Sanchezek azpimarratu egin du PSOEk, 136 urteko historian, autonomia erkidego guztietan agindu duela eta hori "ezergatik" izango dela.
Bestalde, Maria Chivite Nafarroako presidente izateko PSNren hautagaiak homofobiaren eta transfobiaren kontrako lege bat egiteko konpromisoa hartu du. Gainera, esan duenez, LGTBri lotutako literatura liburutegian sartuko ditu, "ikusgai" egon dadin.
UPN
Javier Esparza UPNren presidentegaiak Olatzagutian adierazi duenez, "tamalez, Nafarroan badago askatasuna eta demokrazia errespetatzen ez duenik".
Horiexek izan dira UPNren hautagai nagusiak egindako adierazpenak herri nafar horretan, Lourdes Goicoechea presidenteorde eta kontseilariari babesa adierazteko ekitaldian, bere etxean 'Agur UPN!' irakur zitekeen pintada agertu eta gero.
PPN
Ana Beltran Nafarroako presidente izateko PPNren hautagaiak Nekazaritza departamentua berriz martxan jartzea proposatu du eta "beharrezkotzat" jo du sektore hori, nekazaritza eta elikadura bultzatzea, Nafarroako ekonomiaren "zutabe nagusienetako izanik".
Hala adierazi du PPNren hautagaiak San Adrianen, hirugarren gastronomia jardunaldiak, Javier Garcia PPNren zerrendaren bigarrenarekin eta beste hautagaiekin batera.
Ahal Dugu
Ahal Dugu Nafarroak Memoriaren Institutua eratzea proposatu du, bertan txostenak, testigantzak eta dokumentazioa jasotzeko, 1936ko kolpe militarraren ondotik izandako indarkeriari buruzkoa, "gertatutakoaren datu-banku handia" sortzeko.
Izquierda-Ezkerra
Izquierda-Ezkerraren arabera, "aldaketaren gobernuak, lehentasun sozialeko gobernua izateko, ezin du nafarrik baztertuta utzi" eta "murrizketa sozialak desegiteko" konpromisoa hartu du.
Kanpainaren hamargarren eguna, Nafarroan
Zure interesekoa izan daiteke
EAJk irabazi du Bilbon eta Donostian, EH Bilduk Gasteizen eta UPNk Iruñean
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Joseba Asiron, EH Bildu: ''Gehiago gara, eta prest gaude eskuinari atea ixteko''
Joseba Asiron eta Laura Aznal ospatzen ari dira Iruñean eta Nafarroan lortutako emaitza onak. Lehenengoak, gainera, ziurtatu du Udalean gehiengo aurrerakoia izango dela, eta gehiengo hori EH Bilduk zuzenduko duela.
Botoa ematera joateko deia egin diete hautagai guztiek herritarrei
Ideologia ezberdinak alde batera utzita, hautagai guztiek bat egin dute gaur haien eskaeran, abstentzioaren beldur. Hala, gaurko hitzordua oso garrantzitsua dela nabarmendu dute guztiek.
Nafarroako Gobernua eskuinaren edo ezkerraren esku uztea erabaki beharko dute herritarrek
PSNren Gobernua aldatzeko irrikitan daudenei dei egin die UPNren hautagaiak. Chitivek eskuinaren alternatiba izaten jarraitu nahi du eta EH Bilduk eta Geroa Baik aldaketa gidatu.
Kanpaina itxiera sutsua egin dute Nafarroako hautagai nagusiek
Elkarrizketa eta bizikidetza jorratzeko, Gobernu aurrerakoi trinko eta sendoa izateko, lau urte gehiago beharrezko direla, azpimarratu du Maria Chivite PSNko presidentegaiak.
Alderdiek bozkatzera joateko deia egin dute hauteskunde kanpainaren amaieran
EAJk eta Elkarrekin Podemosek Bilbon eman diote amaiera kanpainari; EH Bilduk, Donostian; eta PSE-EEk eta PPk, Gasteizen.
Azken txanpa indar politikoentzat, M28ko hauteskundeei begira
Biharko hausnarketa egunaren bezperan, abstentzioa mobilizatzeko eta ezbaian daudenak konbentzitzeko azken ahalegina egingo dute gaur hautagaiek.
Igandean aro berri bat zabaldu daitekeela Nafarroan adierazi dute hautagai guztiek
Foru Erkidegoari dagokionez, Iruñean ikusi ditugu Nafarroako presidente-gaiak eta Iruñeko alkate-gaiak. Bozkatzera joateko deia egin dute denek.
Nafarroako Gobernuan egon diren alderdiek euren lorpenetan jarri dituzte indarrak
Azken txanpan sartu da kanpaina eta Gobernuan egon diren alderdiek euren lorpenetan jarri dituzte indarrak. Oposizioak, ordea, egin gabeak eta gaizki egindakoak salatu ditu.
Atsedenik ez hauteskunde-kanpainan, ezta igandean ere
EAEko eta Nafarroako hautagaiak jo eta ke dabiltza hauteskunde-kanpainaren erdian, badakitelako asko dagoela jokoan, eta boza bakoitzagatik borroka egin behar dutela. Gauzak horrela, gaur, igandea izanda ere, ekitaldiz josita dator eguna.