Barcina: 'Nafarroa laugarren aldundia izatea nahi dute'
EH Bildu eta EAJ bezalako alderdiek “zerikusirik ez” dutela adierazi du gaur Yolanda Barcina UPNko presidenteak, baina “Nafarroa Euskal Herriko laugarren aldundia bihurtzeko” batuko direla erantsi du.
COPE irratian elkarrizketa egin diote Nafarroako jarduneko presidenteari. Barcinaren ahotan, Geroa Bairen eta EH Bilduren arteko akordioa “truke” bat baino ez da, “hauteskundeak irabazi ez dituzten bi alderdiek” Nafarroako Gobernua eta Iruñeko Udala zuzentzeko.
Irratiak agiri batean azaldu duenez, bi alderdiek “nahi duten gauza bakarra Nafarroako estatutua aldatu eta Euskal Herrian integratzeko pausoak” ematea dela azpimarratu du UPNko buruzagiak elkarrizketan.
Gainera, Geroa Baiko hautagaiak goraipatzen duen “aldaketa lasaia eta barneratzailea Bildu alboan egonda ulertzen zaila” dela ziurtatu du Barcinak.
Bilera UPN-PPN
Bestalde, Geroa Baik EH Bildu, Ahal Dugu eta Ezkerrarekin itxi nahi duen ituna “ezmorala” dela salatu du Javier Esparza UPNko zerrendaburuak, “EAJk EAEn sekula egingo ez lukeelako”.
Esparzaren hitzetan, “akordiora heltzeak lotsa ematen diela ematen du eta edozelan justifikatzen ari dira, UPNri errespetua faltatuz batez ere”. “Ortuzar jaunak errespetua galdu du, eta baita Iglesiasek ere”, erantsi du.
UPNren eta PPNren ordezkaritzen arteko bilera. Argazkia: EFE
Nafarroako Parlamentuan prentsaurrekoa eman du Esparzak PPNrekin bildu eta gero. UPNren kanpoko babes batekin, PSNren eta Ezkerraren arteko gobernu bat osatzeko proposamena azaldu dio Esparzak PPNri. Hala ere, sozialistek eta Ezkerrak uko egin diote jadanik. PPNk ere gobernu horri babesa emango liokeela adierazi du.
Bestalde, gobernu alternatiboa “kontrako Exekutibo” bat izango dela ohartarazi du Pablo Zalba PPNko gestio-batzordearen presidenteak. Zalbaren ahotan, “Nafarroa defendatzeko negargarria izango da, lanpostuak sortzeko eta ekonomia suspertzeko erronken aurrean”. “Alderdi hain ezberdinek gobernua osatzea oso zaila da”, esan du.
IUk akordioarekin bat egitea ulertzen ez duela nabarmendu du Zalbak; izan ere, “foru erregimenaren defentsan ibilbide luzea du”, eta “Ahal Duguren jarrera are gutxiago ulertzen dugu, boto-emaileei iruzur egingo dielako, ETAren indarkeria gaitzetsi arte Bilduren gobernu bati babesa emango ez ziotela ziurtatu baitzuten”.
Zure interesekoa izan daiteke
EAJk irabazi du Bilbon eta Donostian, EH Bilduk Gasteizen eta UPNk Iruñean
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Joseba Asiron, EH Bildu: ''Gehiago gara, eta prest gaude eskuinari atea ixteko''
Joseba Asiron eta Laura Aznal ospatzen ari dira Iruñean eta Nafarroan lortutako emaitza onak. Lehenengoak, gainera, ziurtatu du Udalean gehiengo aurrerakoia izango dela, eta gehiengo hori EH Bilduk zuzenduko duela.
Botoa ematera joateko deia egin diete hautagai guztiek herritarrei
Ideologia ezberdinak alde batera utzita, hautagai guztiek bat egin dute gaur haien eskaeran, abstentzioaren beldur. Hala, gaurko hitzordua oso garrantzitsua dela nabarmendu dute guztiek.
Nafarroako Gobernua eskuinaren edo ezkerraren esku uztea erabaki beharko dute herritarrek
PSNren Gobernua aldatzeko irrikitan daudenei dei egin die UPNren hautagaiak. Chitivek eskuinaren alternatiba izaten jarraitu nahi du eta EH Bilduk eta Geroa Baik aldaketa gidatu.
Kanpaina itxiera sutsua egin dute Nafarroako hautagai nagusiek
Elkarrizketa eta bizikidetza jorratzeko, Gobernu aurrerakoi trinko eta sendoa izateko, lau urte gehiago beharrezko direla, azpimarratu du Maria Chivite PSNko presidentegaiak.
Alderdiek bozkatzera joateko deia egin dute hauteskunde kanpainaren amaieran
EAJk eta Elkarrekin Podemosek Bilbon eman diote amaiera kanpainari; EH Bilduk, Donostian; eta PSE-EEk eta PPk, Gasteizen.
Azken txanpa indar politikoentzat, M28ko hauteskundeei begira
Biharko hausnarketa egunaren bezperan, abstentzioa mobilizatzeko eta ezbaian daudenak konbentzitzeko azken ahalegina egingo dute gaur hautagaiek.
Igandean aro berri bat zabaldu daitekeela Nafarroan adierazi dute hautagai guztiek
Foru Erkidegoari dagokionez, Iruñean ikusi ditugu Nafarroako presidente-gaiak eta Iruñeko alkate-gaiak. Bozkatzera joateko deia egin dute denek.
Nafarroako Gobernuan egon diren alderdiek euren lorpenetan jarri dituzte indarrak
Azken txanpan sartu da kanpaina eta Gobernuan egon diren alderdiek euren lorpenetan jarri dituzte indarrak. Oposizioak, ordea, egin gabeak eta gaizki egindakoak salatu ditu.
Atsedenik ez hauteskunde-kanpainan, ezta igandean ere
EAEko eta Nafarroako hautagaiak jo eta ke dabiltza hauteskunde-kanpainaren erdian, badakitelako asko dagoela jokoan, eta boza bakoitzagatik borroka egin behar dutela. Gauzak horrela, gaur, igandea izanda ere, ekitaldiz josita dator eguna.