Iruñea hobetzeko hainbat proposamen egin dituzte alkategaiek
Iruñeko alkategaiek hiria hobetzeko proposamenak azaldu dituzte astearte honetan, Nafarroako hiriburuan egindako ekitaldi politiko ezberdinetan. Besteak beste, Emakumeen Etxea, ingurumena, etxebizitza eskubidea edo trafikoa murrizteko neurriak proposatu dituzte.
Argako pasealekuan egindako ekitaldian, "gure hirian jasangarritasunaren aldeko benetako apustua egin eta benetako irtenbideak", adostasunetik, bilatuko dituela esan du Enrique Maya Navarra Sumako hautagaiak.
Gazteluko plazan, "herritarren eskutik, konpromiso instituzional irmoa" agertu du Itziar Gomez Geroa Baiko alkategaiak. Herritarrek "aske, seguru eta berdintasunean" bizi nahi dutela esan dute kalean, behin baino gehiagotan, gogorarazi duenez. "Indarkeriari eta kristalezko sabaiei aski da esan diete", azpimarratu du.
Emakumeen Etxea aurten martxan jarriko dutela gogorarazi du Gomezek: "bilera, eztabaida, gogoeta eta ahalduntze esparru bat". Gainera, "elkarbizitzarako eragileen" figura sortu nahi du, "langabezian dauden emakumeei bideratutako proiektua, segurtasun eta babes zibileko sektore maskulinizatuan burua sartzeko".
Mugikortasun jasangarriaren eta ingurumena zaintzearen aldeko apustua egin du EH Bilduko hautagaitzak, etorkizuneko hiri bat izateko. Oinezkoentzako eremuak, garraio publikoa eta baliabide jasangarriak defendatu ditu koalizioak.
Joxe Abaurrea zinegotziaren hitzetan, korridore berde berriak eta "30 Hiria" estrategia beharrezkoak dira, autonomia energetikoaren aldeko apustua gauzatzea, Pobrezia Energetikoaren kontrako Plan Integrala eta hirigintza plangintza oinezkoen ikuspuntuarekin garatzea.
Gaxan Sad Podemoseko alkategaiak Arrotxapeako San Pedro auzoan egin du ekitaldia. Etxebizitza eskubidea unibertsala dela nabarmendu du Sadek. "Hamarkadetan zehar UPNk Udalean zein Foru Gobernuan aplikatutako neurriak lehengoratzearen" alde azaldu da.
Alokairu merkatuko salneurriak arautzea beharrezkoa dela uste du koalizio moreko alkategaiak: "gazteak emantzipatu eta gurasoen etxetik atera ahal izateko neurri erabakigarria da".
Gizarte politikak laguntzarako tresnak soilik ez, kohesio sozialerako tresna bat izatea defendatu du Maite Esporrin PSNko alkategaiak.
Milagrosan ekitaldia egin dute sozialistek. Gizarte politikak "lehentasuna" direla ziurtatu du Esporrinek, pertsona eta kolektibo ahulenei laguntzen dietelako. Hala ere, onuradunei bakarrik ez, gizarte osoari mesede egin behar dietela azpimarratu du.
Azkenik, Burlata-Barañain ardatzean autoak murriztea eta hirian oinezkoentzako pasabideak eraikitzea proposatu du Andoni Romeo Aranzadiko zerrendaburuak.
Zure interesekoa izan daiteke
EAJk irabazi du Bilbon eta Donostian, EH Bilduk Gasteizen eta UPNk Iruñean
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Joseba Asiron, EH Bildu: ''Gehiago gara, eta prest gaude eskuinari atea ixteko''
Joseba Asiron eta Laura Aznal ospatzen ari dira Iruñean eta Nafarroan lortutako emaitza onak. Lehenengoak, gainera, ziurtatu du Udalean gehiengo aurrerakoia izango dela, eta gehiengo hori EH Bilduk zuzenduko duela.
Botoa ematera joateko deia egin diete hautagai guztiek herritarrei
Ideologia ezberdinak alde batera utzita, hautagai guztiek bat egin dute gaur haien eskaeran, abstentzioaren beldur. Hala, gaurko hitzordua oso garrantzitsua dela nabarmendu dute guztiek.
Nafarroako Gobernua eskuinaren edo ezkerraren esku uztea erabaki beharko dute herritarrek
PSNren Gobernua aldatzeko irrikitan daudenei dei egin die UPNren hautagaiak. Chitivek eskuinaren alternatiba izaten jarraitu nahi du eta EH Bilduk eta Geroa Baik aldaketa gidatu.
Kanpaina itxiera sutsua egin dute Nafarroako hautagai nagusiek
Elkarrizketa eta bizikidetza jorratzeko, Gobernu aurrerakoi trinko eta sendoa izateko, lau urte gehiago beharrezko direla, azpimarratu du Maria Chivite PSNko presidentegaiak.
Alderdiek bozkatzera joateko deia egin dute hauteskunde kanpainaren amaieran
EAJk eta Elkarrekin Podemosek Bilbon eman diote amaiera kanpainari; EH Bilduk, Donostian; eta PSE-EEk eta PPk, Gasteizen.
Azken txanpa indar politikoentzat, M28ko hauteskundeei begira
Biharko hausnarketa egunaren bezperan, abstentzioa mobilizatzeko eta ezbaian daudenak konbentzitzeko azken ahalegina egingo dute gaur hautagaiek.
Igandean aro berri bat zabaldu daitekeela Nafarroan adierazi dute hautagai guztiek
Foru Erkidegoari dagokionez, Iruñean ikusi ditugu Nafarroako presidente-gaiak eta Iruñeko alkate-gaiak. Bozkatzera joateko deia egin dute denek.
Nafarroako Gobernuan egon diren alderdiek euren lorpenetan jarri dituzte indarrak
Azken txanpan sartu da kanpaina eta Gobernuan egon diren alderdiek euren lorpenetan jarri dituzte indarrak. Oposizioak, ordea, egin gabeak eta gaizki egindakoak salatu ditu.
Atsedenik ez hauteskunde-kanpainan, ezta igandean ere
EAEko eta Nafarroako hautagaiak jo eta ke dabiltza hauteskunde-kanpainaren erdian, badakitelako asko dagoela jokoan, eta boza bakoitzagatik borroka egin behar dutela. Gauzak horrela, gaur, igandea izanda ere, ekitaldiz josita dator eguna.