'Lozorro'-tik ateratzeko eskatu dio Idoia Mendiak Eusko Jaurlaritzari
"Lozorrotik ateratzeko, presoak eta banderak albo batera uzteko eta benetako beharrei heltzeko" eskatu dio Idoia Mendia PSE-EEko idazkari nagusiak Eusko Jaurlaritzari, "porrot egingo dutela badakigun independentzia prozesuak alboratuta".
"Utz ditzala albo batera presoak eta banderak eta benetako beharrei hel diezaiola. Erronka ez da guztiok porrot egingo dutela badakigun prozesu independentistak abiatzea. Benetako erronka gaur egungo beharrei erantzutea da", azpimarratu du.
Sozialistek "Arrosaren Eguna" ospatu dute gaur Durangon eta bertan izan dira Idoia Mendia euskal sozialisten burua, Pedro Sanchez PSOEko idazkari nagusia eta Mikel Torres Bizkaiko sozialisten burua. Mendiak azpimarratu duenez, "badago gobernatzeko beste modu bat", sozialistena, eta eskuina pentsiodunen bizitza murrizten ari dela kritikatu du. "Lau boto urratzeko txiroak txiroen kontra jartzen dituztenen jarrerarekin amaitu behar da. Ez dugu hesirik ezta mugarik nahi euskal herritarren artean", gaineratu du.
Inor inoren gainetik egongo ez den berdinen arteko Euskadi baten aldeko apustua egin du Mendiak. Halaber, EAJ, EH Bildu, PP eta Podemos kritikatu ditu. Euskadiko sozialisten buruzagiaren esanetan, EAJk nazionalisten aldeko politika egiteko nahi du agintea. Bestalde, "ezetzaren komandoa" izatea egotzi dio EH Bilduri eta "eskubideen eta askatasunen murriztailea" izatea, ostera, PPri. "Gorako bidean dauden alderdi horiek zerua ukitu nahi dutela esaten dute, baina ez dute lurra ere ukitzen", adierazi du Podemosi erreferentzia eginez.
Ekonomiari dagokionez esan du "hainbat herritar gaizki pasatzen ari diren bitartean" ez dagoela errekuperazio ekonomikorik. "Lehendakariak hitz egin dezala langabeekin eta Ertzaintzako, EiTBko eta Osakidetzako langileekin", adierazi du.
Pedro Sanchezek adierazi du PSOEk "argi-ilun" asko metatu dituela historian zehar eta "akatsetatik" ikasi duela. "ETAren terrorismoaren amaierak ere sigla batzuk -PSOErenak- eta izen batzuk ditu: Rodriguez Zapatero, Felipe Gonzalez, Patxi Lopez eta Perez Rubalcaba. Hori da gure ondarea", adierazi du.
Bestalde, Mikel Torres PSE-EEren Bizkaiko idazkari nagusiak azpimarratu du alkate sozialistek "euste-hormak" eraiki dituztela Alderdi Popularraren "murrizketen aurrean". "Arazoak konpontzeko egiten dugu politika, ez berriak sortzeko", nabarmendu du. Azkenik, gaineratu du maiatzaren 24ko hauteskundeetatik aurrera alkate sozialista gehiago izango direla Euskadin.
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.